ဆၧလီၩလၩ့လၬလၩ့ဆၧၥၭထိပရၧၫ့ မုအီၪပွံၭနံၩ (၇)

ဆၧလၧပကဲၪၦၡၩနီၪ ဆၧဂဲးဆါဘၭဆါအီၪဝ့ၫအကၠီၩ့ ပဘၪမၪၥ့ၪဝ့ၫဒၪတၭ ကဂၩဒဲကဂၩ လၧပကလီၩ့နၧၩ့လီၩ့စၪလိၬၥၭအလးနီၪ ပကဘၪဖ့ၪဂဲးဖ့ၪဘၭထဲၩ့လိၬၥၭနီၪလီၫႉ ပလချုၭလီၩဒံၭဘၪ ၦဂူၫဂၩအဆၧဘၪမၪနီၪ အဆိၫထုၬ ပကဘၪဒၪလၩ့ထဲၩ့ ပဆၧဘၪမၪနီၪလီၫႉ ပကဘၪဒၪလၩ့ထဲၩ့ ပဆၧဂဲးဆါဘၭဆါလဖၪဂီၩ ပကဘၪအီၪဂ့ၩလၩ့ထဲၩ့ပၥၭနီၪလီၫႉ ဘဲၫၥိၭပကဘၪလၩ့ထဲၩ့ ပဆၧဂဲးဆါဘၭဆါလဖၪ ဒဲဘဲၫၥိၭ ပကအၪ့န့ထၪ့ ဆၧနိၫ့ယါကန့ဝ့ၫဒၪအဂး ပကဘၪအၪ့ကံၩ့ထၪ့ အခိးအတၩ လၧကဆါယွၩအအီၪနီၪလီၫႉ  လကၭဒံၭဘၪ ဘဲၫၥိၭပကွဲၪဖျါခွံၬၦဂူၫဂၩကန့အဂးႇ ဘဲၫၥိၭပအဲၪကွံၩ ၦဂူၫဂၩကန့အဂးႇ ဘဲၫၥိၭပမီၪ့ဘၪယၫၥၭ ၦဂူၫဂၩကန့အဂး ပကဘၪအၪ့ကံၩ့ထၪ့ အခိးတၩ လၧကဆါယွၩအအီၪနီၪလီၫႉ 
 ဘဲၫပအဲၪကွံၩ ကဆါယွၩအၥိၭ ပကဘၪအဲၪကွံၩ ပထၧၫ့ဖုဝဲႇ ထံၩၥိၭလဖၪႇ ၦလၧအမၩဘၪထံၭဘၪနဲၪ့ထၬပၧၩ ပဒုၪဒၩလဖၪဆ့ ပကဘၪဖ့ၪကၪထဲၩ့ဝ့ၫ လၧဆၧအဲၪဆၧကွံၩနီၪလီၫႉ ၦဂူၫဂၩနီၪ ပကဘၪစီၪ့ဒီၩ့ဘၪဎီၩ့ဝ့ၫ ဘဲၫပနၫ့ဆါအၥိၭ ဒဲပကဒၪၦဂူၫဂၩအဆၧမၪအလးနီၪ ပကဘၪဒၪထၪ့ထဲၩ့ဝ့ၫ လၧဆၧအဂ့ၩကကဲၩ့နီၪလီၫႉ