ဆၧလီၩလၩ့လၬလၩ့ဆၧၥၭထိပရၧၫ့ မုအီၪပွံၭနံၩ (၆)

...
လၧဆၧမၪလူၬ ၁၀ ထုၪစံၭထၬဝ့ၫႇ 
ထီးမၩၥံၫၦၡၩလဂ့ၩႉ 
ထီးမၩဆၧလဲးဆၧဘျၪနီၪလဂ့ၩႉ 
ထီးၥၭလဲးၥၭဘျၪၦမုၪၦခွၫနီၪလဂ့ၩႉ(ထီးအဲၪဘိၩ့မၫအဲၪဘိၩ့ဝၩလဂ့ၩႉ) 
အ့ၪပမၩမၪၦဂူၫဂၩ လၧပမိဎွါႇ ပဆၧဖံၭဆၧမၩမၬႇ ပစီၪလၧဆၧဒဲၩလီၫႉ 
လါနၫ့ဂ့ၩ လၧဆၧၥၭထိၬပရၧၫ့ကနံၩယီၩအဖၧၩ့ ယ့ၫၡုၬဒုၭနဲၪဖျီၪ့ထၪ့ထဲၩ့ ဆၧမၪလူၬအခီၫပယီၫႇ စံၭဝ့ၫႇ 
ကယဲၦလၧအၥၭထၪ့အထၧၫ့ဖုဝဲပျီၩပျီၩလဂၩဂၩနီၪ, ဂ့ၩဘၪ ဆၧစ့ၩရၫ့ခွးကိၭအဂၩဒ့ၭလီၫ. 
 ကယဲၦလၧအယိၦမုၪ လၧအၥၭလဲးၥၭဘျၪကိၭဂၩဒ့ၭနီၪ, မွဲအမၩမၪယူၭဆၧလၧၦမုၪနီၪ လၧအၥၭဖၧၩ့ယူၭလီၫ.
(လံၬစပီလူၫကွ့ၭန့ၦကီရံၫ့ဖိၪၥံၪ အခၪ့ထံၭ ၆:၉-၁၀
ၦမၩမၪၦမုၪၦမၧၩ့မွဲဂ့ၩႇ ၦဘၩဆၧဂၩ့မွဲဂ့ၩႇ ၦမၩမၪၦမၫမွဲဂ့ၩႇ ၦဘၪဆၧအဲၪပခၧၩ့မွဲဂ့ၩႇ ၦအဲၪပခၧၩ့မွဲဂ့ၩႇ ၦအၪ့ဂူၪဆၧမွဲဂ့ၩႇ ၦလီၫ့ကီၩ့ၥၭကွံၩဆၧမွဲဂ့ၩႇ ၦအီၩမၧၩ့ၥံၭထံၫဂၬထံၫမွဲဂ့ၩႇ ၦဒုၪဒွ့ၪဆၧမွဲဂ့ၩႇ ၦအၪ့ဘျံၭအၪ့ဘျၪဆၧမွဲဂ့ၩႇ န့ၥၫယွၩအဘၩ့အမုးအ့ၬႉ  ) 

စမၫကၧၭ ၇: ၂၀
ဆၧလၧအဂဲၫထၪ့ လၧၦၡၩအဖၧၩ့နီၪ မွဲအမၩစံၪဆၪၦၡၩလီၫႉ အဂဲးဘဲၫယီၩ ဆၧကိၪ့ဆၧဖၭလၧအအၧၩ့ႇ ဆၧအဲၪဘိၩ့အဲၪဖၭႇ ဆၧမၩမၪမုၪမၩမၪခွၫႇ ဆၧမၩၥံၪၦၡၩႇ ဒဲဆၧအၪ့ဂူၪဆၧႇ ဆၧလီၫ့ကီၩ့ၥၭကွံၩဆၧႇ ဆၧအၧၩ့ဆၧၥၫ့ႇ ဆၧအၪ့လံၬအၪ့လီၫႇ ဆၧလၨၪဖၬႇ ဆၧအမ့ၬအၧၩ့ႇ ဆၧဒုၪဒွ့ၫႇ ဆၧအီၪက့ၪထၪ့ထီၫအၥၭႇ ဆၧကိၪ့လၥ့ၪဘၪလဖၪနီၪ ဂဲၫထၪ့ဝ့ၫလၧၦၡၩအၥၭခံဖၧၩ့လီၫႉ 
အဲၪကွံၩဘၪထၧၫ့ဖုဝဲမုၪခွၫၥံၪဧ့ႇ
လၧထၧၫ့ဖုထၧၫ့ဝဲၥံၪအကျၩႇ ထၧၫ့ထံၩထၧၫ့ၥိၭအကျၩႇ ထၧၫ့မၫထၧၫ့ဝၩအကျၩႇ မိဖါဒဲဖိၪမုၪဖိၪခွၫၥံၪအကျၩႇ အဆိၫထုၬ ဆၧအဲၪကွံၩယူၭယၪ့လိၬၥၭႇ ဆၧနၪၥ့ၪလိၬၥၭႇ ဆၧကွဲၪဖျါခွံၬလိၬၥၭႇ ဆၧဘၪလိၬအိၭလိၬၥၭ ကဘၪအီၪဝ့ၫလီၫႉ ၦၡၩကဂၩဒဲကဂၩအကျၩ ဆၧဘၪလိၬအိၭလိၬအ့ၪအီၪမၬႇ ကန့ဘၪယွၩအဆၧဆိၪဂ့ၩႇ ဒဲယွၩအဆၧဎူၫဆၧဎၩ့လီၫႉ 
(ဆၧနီၪအကၠီၩ့ လၧပၥၭမၧၫ့ဒံၭအထီယီၩႇ ကဂၩဒဲဂကၩအဖၫ့ခိၪႇ ပကဘၪအီၪက့ၪ ဆၧၥုၪ့တီၩၥၭလီၩ့ႇ ဆၧၥုၪ့ဆံၫ့ၥၭဎံၪတၭႇ ပကဘၪကျ့ၭစၨၭဂၭဎ့ၭ ဆၧဒဲၩဘၭလဖၪနီၪလီၫႉ လၧပဆၧဒဲၩဘၭႇ ပဆၧဘၪမၪလဖၪအဂးႇ ပကဘၪနိၫ့ယါလၩ့ထဲၩ့ပၥၭလီၫႉ ) 
လၧပထၧၫ့ဖုဝဲမုခွၫၥံၪအကျၩႇ လၧပဂံၪ့ဒီၪ့အဖၧၩ့ႇ ဆၧနၪၥ့ၪလိၬၥၭႇ ဆၧဘၪလိၬအိၭလိၬအ့ၪလအီၪဘၪစွါဘိၭႇ ပလ့ၩဘိၪ့ထၪ့ဘၭထၪ့ယွၩနီၪ ပန့ဘၪအခိးအတၩအ့ၬႉ ကဆါယွၩနီၪ မွဲဝ့ၫဆၧအဲၪဆၧကွံၩႇ ဆၧဎူၫဆၧဎၩ့ႇ ဆၧဘၪလိၬအိၭလိၬယွၩအကၠီၩ့ႇ ကဆါယွၩအဖိၪမုၪဖိၪခွၫလဖၪ အဆၧအီၪက့ၪၥုၪ့ၥၭနီၪ ကဘၪလၩ့ဂၬလၧကဆါယွၩတၭႇ ကဘၪအီၪၥၭမၧၫ့ကၠၧၫ့ကၠၧၫ့ လၧဆၧအဲၪဆၧကွံၩႇ ဒဲဆၧဘၪလိၬအိၭလိၬၥၭအဖၧၩ့နီၪလီၫႉ