ဆၧနီၫ့ယါလၩ့ထဲၩ့

လၧကဆါဎရံၬအဆၧအဲၪ ထံၩၥိၭမုခွၫ ၥံၪဧ့ႇ မုကနံၩယီၩ လံၬဆံၫ့ဎံၪအဆၧၥၭထိၬအပရၧၫ့နီၪ မွဲဝ့ၫဒၪ ဆၧမၫကၧၭ ၆း၇-၁၃ နီၪလီၫႉ လံၬဆံၫ့ဎံၪအဆၧၥၭထိၬအပရၧၫ့ဖၧၩ့ ပနါဂၫ့ဘၪ ယ့ၫၡူၬဖျါလၩ့အထံၩအဖျဲလဆံၫနံၫဂၩအဂဲးနီၪလီၫႉ အဝ့ၫဒၪကိၭန့ၦလဆံၫနံၫဂၩတၭ, အၪ့မၧၫ့အလ့ၩ ဆၧနံၫဂၩလစီၪ့, နံၫဂၩလစီၪ့လီၫ. ဖ့ၪလၫ့ဝ့ၫလၧဆၧ အစီၩ့အမၩ့လၧဆၧနၪအဖၫ့ခိၪလီၫ.- မၪလူၬဝ့ၫဘဲၫ ယီၩ,လၧနိၪထိၭလဘီၩ့အမ့ၬယၫနီၪ ထိၪ့မွဲဂ့ၩ,ကိၪ မွဲဂ့ၩ,ထီးလၧခၧၩ့ယးအဖၧၩ့မွဲဂ့ၩ, ဆိၬဆၧလၧနၥံၪ လ့ၩလၧဖၧၩ့ၥၭအဂးနီၪနးမံၩ့လဂ့ၩ.- မၪလူၬဝ့ၫဘဲၫ ၥိၭအမိၥိၭခၪ့ဖံၭတၭ, ထီးၥိၭဆဲၫ့နံၫဘံၪ့လဂ့ၩ.- အ ဝ့ၫဒၪစံၭအဝ့ၫၥံၪ, ထီးဒၪဂံၪ့ လၧနၥံၪ, လ့ၩနုၬလဖျိၪ့ ဖျိၪ့တၭ,အီၪထီးနီၪထီးနၥံၪစဲၪ့ထၪ့ခွံၬဝ့ၫ လၧအလး နီၪဆံၭ.- ထီးဒၪအလးလၧအလထိးဆၧၫ့ဘၪနၥံၪတၭ, လခိၭနၪဘၪနၥံၪအလူလဖၪနီၪ, ထီးနၥံၪစဲၪ့ထၪ့ခွံၬဝ့ၫ ထီးနီၪတၭ, ဘဲၫၥိၭအမိကဲၪဆၧထိးအၥၭလၧအဂဲး တၭ,တရူၩလၩ့ခွံၬဂၪ့ခိၪမုၬလၧနၥံၪအခၪ့ယၫၥၭ ဆံၭ.ယစံၭနၥံၪတီၩတီၩယီၩ, ဆၧလၧဒိၩ့နီၪ, မိဘၪ ဆၧနၭနဲၪ့စီဒၧၫ့, ဒဲမီရၫလၧဆၧစ့ၩရၫ့အမုနံၩနီၪလီၫ.

အဝ့ၫၥံၪစဲၪ့ထၪ့ဝ့ၫတၭ, လီၩလၩ့လၬလၩ့ဝ့ၫလၧၦဘၪနီၫ့ယါလၩ့ထဲၩ့အၥၭလီၫ.- အဝ့ၫၥံၪနၫ့ထၪ့ခွံၬ ဆၧနၪအၪဒုၩတၭ, ဂုၪၦအစူၭအဆၫလၧၥိၪအၪ ဂၩတၭ,မၩဘျၪထဲၩ့အဝ့ၫၥံၪလီၫ.

ယ့ၫၡူၬနီၪ ဘၪမန့လဲၩ ဘၪဖျါလၩ့ထဲၩ့အထံၩအဖျဲၥံၪနီၪႉ ယ့ၪၡူၬဖျါလၩ့ထဲၩ့အထံၩၥံၪနီၪ မွဲဝ့ၫဒၪ ဆၧလီၩလၩ့လၬလၩ့အဂးနီၪလီၫႉ ယ့ၫၡူၬအထံၩအဖျဲၥံၪနီၪ လ့ၩလီၩလၩ့လၬလၩ့မန့အဂဲးလဲစွါဘိၭ မွဲဝ့ၫဒၪလၧ ဆၧနီၫ့ယါလၩ့ထဲၩ့အဂဲးနီၪလီၫႉ မွဲစိၪဘနီ မုကနံၩယီၩ ပကဆီၫ့မီၪ့အၪ့ဎါ ဆၧနီၫ့ယါလၩ့ထဲၩ့အဂဲးနီၪလါဆံၭႉ ဆၧနီၫ့ယါလၩ့ထဲၩ့နီၪဘိၭ လၧပယၩ့ခီၫ့ နောင်တသံဝေဂ နီၪလီၫႉ