ဆိၪဂ့ၩအဝ့ၫၥံၪလီၫ

ၦဖၫရစံၫလဖၪဂဲၫလၧအအီၪနီၪ, ကျဲၩ့ဖစီၩ့ဝ့ၫတၭ, အၪ့စၪ့ဝ့ၫလၧၦခွံၬၡိၭအမၫနီၪ,မွဲအဂ့ၩဆ့ဧၪ.- အဝ့ၫဒၪချဲၩ့ဆၧၫ့ဆၧတၭ, စံၭအဝ့ၫၥံၪ, မွဲစမိစ့ၭမၪလူၬနၥံၪ ဘဲၫၥ့ၪလဲၪ.- အဝ့ၫၥံၪစံၭ, စမိစ့ၭဒုၭကွ့ၭလံၬလၩ့ၡၪတၭ, ခွံၬၡိၭဝ့ၫလီၫ.-

ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ, မွဲအကွ့ၭန့နၥံၪအဆၧၥီၪ့ဆၧၥၫ့လထံၪယီၩ, လၧနၥံၪအၥုၪ့နီၩ့အၥၭနီၩ့အကၠီၩ့လီၫ.- မွဲလါနၫ့တၭ, လၧအမၩကဲၪထၪ့ဆၧလၧအၥၫ့နီၪ, ယွၩမၩကဲၪထၪ့န့ၦမုၪဒဲၦခွၫလီၫ.- မၩ အ ၥၭ ဘဲၫ နီၪ တၭ, ၦ ခွၫ ဘၪ စဲၪ့ ဒၪ  အ မိ အ ဖါ, ဘၪ ၥုၭ ဘူၭ အ ၥၭ လၧ အ မၫ လီၫ.- အ ဝ့ၫ ၥံၪ နံၫ ဂၩ နီၪ မိ ကဲၪ ထၪ့ ဆၧ လ ၥွံၪ ဎး လ ယၪ ဎး လီၫ. အနီၪတၭ, မွဲလၧၩ့ၦနံၫဂၩအ့ၬ,မွဲလၥွံၪဎးလယၪဎးလီၫ.- မၩအၥၭဘဲၫနီၪတၭ, ဆၧလၧယွၩအီၪက့ၪဎုၬဝ့ၫနီၪ, မွဲၦၡၩ ထီးထုၭလၩ့ၡၪလဂ့ၩ.

လၧဂံၪ့ဖၧၩ့နီၪ, အထံၩအဖျဲၥံၪအၪ့စၪ့ဒီၭဝ့ၫ လၧဆၧနီၪအဂဲးအကၠီၪ့လီၫ.- အဝ့ၫဒၪစံၭအဝ့ၫၥံၪ,ထီးဒၪၦလၧအခွံၬၡိၭခွံၬအမၫတၭ, အီၪဎုၬလၧအဂူၫဂၩလဂၩဂၩနီၪမွဲအအဲၪဘိၩ့အမၫလီၫ.- ၦမုၪအ့ၪခွံၬၡိၭခွံၬအဝၩတၭ,အီၪဎုၬလၧအဂူၫဂၩလဂၩဂၩနီၪ မွဲအအဲၪဘိၩ့ အဝၩလီၫ.

ၦဂဲၫဆိၬဖိၪၥၪဆံၭၥံၪလၧအအီၪဘဲၫၥိၭအမိထိၭ ဘၪအဝ့ၫၥံၪတၭ, အထံၩအဖျဲၥံၪအၪ့လၬ ၦလၧအဂဲၫဆိၬဝ့ၫလဖၪနီၪလီၫ.- ထီးယ့ၫၡုၬဒၪဘၪနီၪအၥၭဆၫတၭ, စံၭဝ့ၫဒၪ, ဖိၪၥၪဆံၭလဖၪနီၪ ဖ့ၪလၫ့အဂဲၫလၧယအီၪတၭ, ထီးပဒၩ့အဝ့ၫၥံၪလဂ့ၩ. အဂဲးဘဲၫယီၩ ယွၩအဘၩ့ဖိၪမုးဖိၪမွဲၦဘဲၫနီၪၥိၭလဖၪလီၫ.- ယလီၩဘၪနၥံၪတီၩတီၩယီၩ, ထီးဒၪၦလၧအလဒိၭန့ဘၪယွၩအ ဘၩ့အမုး ဘဲၫဖိၪၥၪဆံၭအၥိၭလဂၩဂၩနီၪ, မွဲအနုၬဘၪလၧအဖၧၩ့အ့ၬ.- အဝ့ၫဒၪဆိၬထၪ့အဝ့ၫၥံၪ လၧအစူၪဒူၪလီၩ့နီၪ အီၪက့ၪထၪ့အစူၪလၧအလီၩ့တၭ, ဆိၪဂ့ၩအဝ့ၫၥံၪလီၫ.