ဂီအဆၧၫ့အထီမုအီၪပွံၭနံၩ (၁)

ၦၡၩခိၭနၪဒဲမၩဝ့ၫဘဲၫမုၪခီၩလဲးစံၭဝ့ၫအၥိၭနီၪလီၫႉ ၦၡၩလၩ့မုလၩ့ဖၭလၧယွၩႇ ဘၪထိးဆၧၡၪ့ဆၧယၬႇ ဒဲဆၧၥံၫဆၧဆၫလီၫႉ

 လၧဆၧအၪ့အကၠီၩ့ႇ ၦၡၩလၧအလၩ့ထ့ၭလၧဆၧဒဲၩဘၭဖၧၩ့လဖၪနီၪ ယွၩထိးထဲၩ့တၩ့ထဲၩ့အဝ့ၫၥံၪ လၧဆၧအၪ့ဆ့လီၫႉ ယွၩအၪ့မၧၫ့လၩ့အဖိၪခွၫလဂၩ ဂဲၫထိးထဲၩ့တၩ့ထဲၩ့ႇ ဂဲၫဖ့ၪဂဲးဖ့ၪဘၭၦၡၩ လၧဆၧအၪ့ဆၧအီၩ မွဲဝ့ၫအနၫ့ဆါဒၪဝ့ၫ အၥွံၪဒဲအယၪႇ ဒဲအလူအထၫလီၫႉ

ပအီၪလၧဂၪ့ခိၪချိၫ့အဆၧၫ့အထီယီၩ မွဲၦဘၪထိးဆၧမၩခွါႇ ဆၧကျဲၩ့ဖစီၩ့အဆၧၫ့အထီးလီၫႉ လၧမံၩ့လၬကျၩအဖၧၩ့ႇ ၦအံစရ့လၭဖိၪၥံၪအဆၧၥၭမၧၫ့အဂး ယွၩဖ့ၪအၪ့အဝ့ၫၥံၪ ကိၪမၫ့နၫနီၪလီၫႉ

ပဝ့ၫၦဆူၩနဲၩဖိၪႇ ဎြံၬဖိၪၥံၪ ပကမၩလၩ့မၩဖၩ့ဘၪ ဘိၪ့လ့ၩဖၭကြၨၭကြၨၭဘၪဘၪအဂးႇ အီၪတဲၩ့ဝဲၩအၥၭ လၧဂီအဆၧၫ့အထီ အၥၫ့လံဆံၫ ဒဲလၧပၥၭမၧၫ့ထၧၫ့ဖျီၩ့ယၫအဖၧၩ့ ပကန့ဘၪနးခီၫနးၥၭအၥၭမၧၫ့အဂး ယွၩဖ့ၪလၫ့အ့ၪပၧၩ အလူအထၫ ဒဲ အၥွံၪအယၫလီၫႉ