ကဆါယ့ၫၡုၬအၥၭဆံၫ့ဎံၪအဘိၪ့မုနံၩ

အဲၪကွံၩဘၪထၧၫ့ဖုဝဲမုၪခွၫၥံၪဧ့ႇ 
လၧပဆၧၥၭမၧၫ့မုကိၭနံၩအဖၧၩ့ယီၩ ပဝ့ၫဒၪၦၡၩကိၭဂၩဒ့ၭႇ  လၧပနးခီၫ့အဂး ဘၪဒၪခီၩ့ဆၧၫ့ယၫႇ ဆၧကၪဆၧဂဲၩႇ ဆၧၡၪ့ဆၧနၭႇ ဆၧစူၭဆၧဆၫႇ ဒဲပဆၧဖံၭဆၧမၩႇ မူၩဒၩၥံၪအီၪဝ့ၫအၪအၪလ့ၬအကၠီၩ့ ဆၧပွံၭပၥၭကိၭဂၩဒ့ၭလီၫႉႉ ဘဲၫနီၪၥိၭဆ့ႇ လၧပနးၥၭအဖၧၩ့ႇ လၧပဆၧဒဲၩဘၭႇ ဆၧဘၪမၪအကၠီၩ့ႇ ပၥၭဎၧၫ့ႇ ဒဲပနးၥၭဆၧပွံၭအၥၭကိၭနံၩဒ့ၭလီၫႉ ဆၧနီၪအကၠီၩ့ ယ့ၫၡုၬကိၭဖံၭၥိၭပၧၩလၧအအီၪႇ စံၭဝ့ၫဒၪႇ ၦလၧအယိၭဆၧဎၧၫ့ ဒဲဆၧပွံၭအၥၭထီးအလူၬၥံၪဧ့, ဂဲၫထဲၩ့လၧယအီၪဆံၭ. ယမိဒုၭအီၪပွံၭနၥံၪလီၫ.
လါနၫ့ဂ့ၩႇ ပဝ့ၫဒၪလဖၪယီၩႇ အၪဒၪဆၧႇ ပလီၩ့ဎွါပဆၧအီၪပွံၭႇ ပဂဲးပဘၭႇ  လၧၦၡၩအဂူၫဂၩအအီၪႇ ဒဲလၧလးကျဲၩအမုၬအလးလဖၪအဖၧၩ့နီၪလီၫႉ ဆၧအၪ့ဆၧအီၪႇ ဆၧလးကျဲၩ့အမုၬႇ ဒဲဆၧလၧၦၡၩၥံၪနီၪ ဖ့ၪလၫ့အ့ၪပၧၩ ဆၧအီၪပွံၭအလးထံးလၩ့ဆ့ၭန့အ့ၬႉ 
ဘၪနီၪလဲၪစွါဘိၩႇ 
ဆၧဆိၪဂ့ၩဆိၪဘွၩႇ ဆၧအခိးအတၩႇ ဆၧအီၪပွံၭႇ ဆၧမုၬဆၧၡူၪႇ ဆၧဎူၫဆၧဎၩ့အခၪ့ထံၭနီၪ မွဲကဆါယွၩလီၫႉ အ့ၪလမွဲဘၪ လၧယွၩလဂၩဎးႇ ၦၡၩဖ့ၫလၫ့ပၧၩ ဆၧအီၪပွံၭအလၩ့ထံးလၩ့ဆ့ၭ န့နးဂၩအ့ၬႉ ဆၧနီၪအကၠီၩ့ ၦဆံၫ့ဎံၪစအီၭဂုၭစတံၩစံၭထၬဝ့ၫႇ ပၥၭယီၩ အ့ၪလအီၪပွံၭဘၪလၧယွၩအဖၧၩ့နီၪ ႇ ဒိၪန့ဘၪဆၧအီၪပွံၭၥ့ၪနးကၠၪအ့ၬႉ 
 
အဲၪကွံၩဘၪၦဆူနဲၩဖိၪၥံၪဧ့ႇ 
ယ့ၫၡုၬစံၭပၧၩႇ မၩန့ထၪ့ယနိၪယိၭဘီၩ့ လၧနၥံၪအလီၩ့တၭႇ မၩလိၪဆၧလၧယၧၩယီၩဆံၭႉ 
ယ့ၫၡုၬအနိၪယိၭဘီၩ့ႇ အခီၫပယီၫနီၪ မွဲဝ့ၫဒၪ ဆၧအီၪၥၭမၧၫ့ကၠၧၫ့ကၠၧၫ့ႇ ဆၧမၩဎိၭလၩ့ဆၧကၠၧၫ့ကၠၧၫ့လၧအဝ့ၫႇ ဆၧထိးနိၫ့ထိးနၭႇ ဒဲဆၧယိၭထုၪ့စူၪယၫလၧယ့ၫၡုၬကၠၧၫ့ကၠၧၫ့နီၪလီၫႉ 
ယ့ၫၡုၬကိၭပၧၩလၧအအီၪႇ ဘဲၫၥိၭ ပကၥ့ၪယၫအၪ့န့ဒီၩ့ဂ့ၩထ့ၭဘၪလဖၪႇ ဆၧဖိၬထၪ့ယ့ၫၡုၬအခဲၫ့ႇ ဒဲပကၥ့ၪယၫယိဒီၩ့ဆၧယ့ၫၡူၬအဆၧဆၧၩ့ၥၭဆၧၩ့ႉႉဒဲအဆၧဆၪ့လၩ့ၥုၪ့ဆၪ့လၩ့ၥၭနီၪလီၫႉ 

လၧပၥၭမၧၫ့မုကိၭနံၩအဖၧၩ့ႇ လၧဆၧၡၪ့ဆၧနၭႇ ဆၧကၪဆၧဂဲၩႇ ဆၧစူၭဆၧဆၫအကျၩႇ အ့ၪပၥ့ၪယၫခိၭနၪယ့ၫၡုၬအဆၧကိၭဖံၭၥိၭတၭႇ လ့ၩၥုၭဘူၭပၥၭႇ လ့ၩဒိၭနဲၪၥၭလၧယ့ၫၡုၬအၥၭဆံၫ့ဎံၪအအီၪစွါဘိၩႇ ယ့ၫၡုၬကဖ့ၪလၫ့ပၧၩ ဆၧအီၪပွံၭလၧပၥၭၡီၩ့အဂးလီၫႉ