ဂၪ့ခိၪလံၩအထၧၫ့

ထၧၫ့ဖုဝဲမုၪခွၫၥံၪဧ့ႇ ထမင်းအသက်ခုနစ်ရက်၊ ရေအသက်တစ်မနက် ပယၩ့အဆၧချဲၩ့ဒီၩ့အီၪဝဲၩ လါနၫ့ ဂ့ၩ အၡါမၪနီၪ လံၩနီၪ အ့ၪမွဲလအီၪဘၪ ဆၧဖိၪဆၧဎါအၪဒၪဆၧ မွဲအၥၭကမၧၫ့နး အခံၫ့ ၃မံနံၬအ့ၬႉ ပဘၪအီၪလၧလံၩ ကိၭနံၩဒ့ၭလီၫႉပဘၪၥွံၭလံၩ ပန့ဘၪလံၩအခိးအတၩ လၧမိၡါခံးဂၩ့ဖၧၩ့ယီၩနးဆ့ လံၩအီၪထဂၩ ယၫလီၫႉ လါနၫ့ လံၩယီၩ ပဒၪၥ့ၪအ့ၬတၭ ပစီၪဘၪအီၪအ့ၬ ပထုၪ့ၥုၪ့ထုၪ့ၥၭဘၪအ့ၬနီၪလီၫႉ လံၩနီၪ လၩ့ဆၫ့ဝ့ၫဒၪ ဝၩ့ဖၩ့ထၬဂၪ့ခိၪထၧၫ့ဖျိၪ့ယၫ လံၩမၫဆမံၭဖၭဒိၪနီၪ ကိၭဝ့ၫလၧ လံၩအထၧၫ့နီၪလီၫႉ လံၩအထၧၫ့ယီၩ ဒၧၩ့ဎွ့ၩပၥ့ၪလဲၪနီၪ ၦၡၩၥ့ၪယၫဂ့ၩဂ့ၩနးဂၩအ့ၬနီၪလီၫႉ

လံၩအီၪအကၠီၩ့ ပဂၪ့ခိၪချိၫ့ယီၩ ဆၧဖိၪဆၧဎါၥံၪ ဆၧထံၭဆၧဘီၩ့ၥံၪ အၥၭမၧၫ့ဎံၫလၩဝ့ၫဒၪနီၪလီၫႉ လံၩယီၩ အ့ၪမွဲလအီၪဘၪ ဆၧလဖၪၥံၪယီၩ မွဲကအီၪန့အ့ၬႉ လံၩနီၪ မွဲဖ့ၪလၫ့အ့ၪ ၦၡၩ ဆၧဖိၪဆၧဎါၥံၪဒဲ ဆၧအထံၭၥံၪလဖၪ အၥၭ လကၭဘၪ အၥၭကမၧၫ့အဂးဒဲ ဘၪထွ့ၫလၧဆၧအဆၧၫ့အထီလဖၪနးဆ့ မၩဂ့ၩထၪ့ထဲၩ့ဝ့ၫနီၪလီၫႉ ကၠၧၫ့ကၠၧၫ့လၧ ဆၧယီၩခၫ ႇ ဆၧဆၧၩ့ခၫ ႇ ဆၧချံၪ့ခၫ ဆၧခိ ဆၧဆၧၩ့ ဆၩ့လၩ့ လံၩဂဲၫ ဆၧအွံၩ ဆၧချံၪ့ ခိဆၧၩ့ချံၪ့ ဂဲၫကဲၪထၪ့ဘဲၫယီၩၥိၭနီၪ ဂၪ့ခိၪဒဲ မုမ့ၬ အဘူၭအယဲၩ့အၪ့လဲၩ့ထၪ့အၥၭနီၪ လံၩနီၪ ဂဲၫကဲၪ့ထၪ့ဆၧဂဲၩဝၬ အခိ အချံၪ့အၪ့လဲၩ့ထၪ့အၥၭနီၪလီၫႉ ဆၧလၧလံၩနီၪ မွဲဆၧကမံၩ့လီၫ လမွဲဘၪလီၫႉ ဆၧလၧလံၩနီၪ အီၭဆံၫဂၠံၫ ႇ နဲၭထရိၫဂၠ့ၫ ႇ အားဂွန်၊ ဇီနွန်၊ နီယွန်၊ ဟီလီယမ်၊ ကရစ် ရစ်ပတမ် စီၩ့ဂဲးအခူၪလကၭဘၪ ထံၫအခူၪ ၊ ဟိုက်ဒြိုဂျင်စီၩ့ဂဲး၊ ကာဗွန်ဒိုင်အောက်ဆိုက်စီၩ့ဂဲးဒဲ  ဖံၭမူၭလဖၪပၫဝ့ၫအကၠီၩ့ ပၥ့ၪယၫဘၪနီၪလီၫႉ

လံၩပၫဝ့ၫယၩဒူၩလဖၪနီၪ နဲၭထရိၫဂၠ့ၫ ၇၈ ယၩဒူၩ ႇ အီၭဆံၫဂၠံၫ ၂၁ယၩဒူၩ အီၪထး ၁ယၩဒူၩနီၪ အၩဂိၫ့ စီၩ့ဂဲး ပၫအအၪထုၬဂီၩ့ နီယွန်၊ ဇီနွန်၊ ဟီလီယမ်၊ ပကိၭဝ့ၫလၧ ကရစ်ပတွန် ၡၩဝ့ၫဒၪစီၩ့ဂဲးလဖၪ ဒဲ နဲၭထရိၫဂၠ့ၫစီၩ့ဂဲး ပၫဝ့ၫကဆံၭကခ့ၭဖိၪနီၪလီၫႉ ထံၫအခူၪ ႇ ကာဗွန်ဒိုင်အောက်ဆို က် စီၩ့ဂဲးဒဲ ဖံၭမူၭလဖၪၥံၪနီၪ ယိဝ့ၫအဆၧၫ့အထီ ဂီၩ့ ပၫဝ့ၫ အအၪအၡၩနီၪလီၫႉ