ဆၧဂီးခၫ

ဆၧဂီးခၫနီၪ မွဲမူၭရံၬခိၪထိၭ ဒဲခိချံၪ့ယံၩလးလဖၪ ကနံၪ့အဖၧၩ့ အချံၪ့ထုၬ အဆၧၫ့အထီကဒုၩနီၪလီၫႉ ဆၧဂီးခၫနီၪ မွဲအီၪလၧ ဆၧဆၧၩ့ခၫဒဲ ဆၧခိခၫအကျၩဂီၩ့ ထံၫခးလၧ ခိးဆၧၩ့ချံၪ့အီၪဝ့ၫ (၄)  မံၩ့ လဖၪနီၪ လၩ့ဘၪလၧ ဆၧဂီးခၫၥၫ့ဒဲ ဆၧခိဆၫၥၫ့အကျၩနီၪလီၫႉ ခ့ၭခိၬဝ့ၫဒၪလၧ မူၭရံၬဖၫ့ခိၪ ဂၪ့ခိၪ မုမ့ၬဒဲ လၩ့ဘၪဝ့ၫဒၪအယဲၩ့ထုၬ ဂၪ့ခိၪကကဲၩ့ခီၫနီၪ ဆၧဂီးခၫ ဂဲၫကဲၪထၪ့နီၪလီၫႉ

လၧဆၧးဎံၫဆၧးလၩ လမီၪ့ဎီၩ့ဘၪအကျၩ ဆၧဂီးခၫယီၩ စၭထၪ့ မုနံၩမုၥၫ့ လမီၪ့ဎီၩ့ဘၪနီၪလီၫႉ လနၩ့နၩ့နီၪ ယိထၪ့ ခိဆၧၩ့ချံၪ့အဆၧၫ့အထီဂီၩ့ ရွံထၪ့ အီၪက့ၪဝ့ၫဒၪအၥိၭ ခးပယၩ့နီၪဘိၭ လၩအီၪဝ့ၫ ၁၂ ဘံၪ့အကျၩ အီၪက့ၪဝ့ၫဒၪလၧ လၩနၫ့ႇ လၩလံၩ့ႇ လၩထဲၫ့ခူၭဖိၪဒဲ လၩထဲၫ့ခူၭဒိၪနီၪလီၫႉ ဂၪ့ခိၪလံၩခံၫကကဲၩ့ ကဲၪထၪ့ဆၧဂီးခၫ အခံၫ့နီၪ လၧဂၪ့ခိၪလံၩထံၭကကဲၩ့အိၩ ကဲၪထၪ့ထဲၩ့ ဆၧခိဆၫနီၪလီၫႉ

ၦၡၩအဲၪဒိၭအအၪထုၬ လၩ့အဲၪဝ့ၫဒၪဆၧဂီးခၫနီၪ ဆၩ့လၩ့ဝ့ၫဒၪႇ ဆၧဂီးလံၩဂဲၫထၪ့ မွဲခိဆၧၩ့ချံၪ့လၧ အချံၪ့ထုၬအခံၫ့နီၪလီၫႉ လံၩကျဲၩ့အၪဒၪဆၧနီၪ ဆၧဂီးခၫအထီ ဆၩ့လဖၪဒဲ ဆၧအခိထီၩ့လၧ ထံၫခိလီၫ့ဖၫ့လၬလဖၪ ဆုးကျိၭ ယံၩယါအၥၭနီၪလီၫႉ ဆၧဂီးခၫနီၪ မွဲမုဆၫအခံၫ့ ဖုၪ့ဒဲ မုနၩအခံၫ့အထီၫ့ထုၬ အဆၧၫ့အထီနီၪလီၫႉ