ဂၪ့ခိၪချိၫ့ထၪ့ထီၫ့ဆၧၫ့ထီ နဲၩ့ဎီၩ့ဆၧလၩ့အၪ့ယိၫလဖၪ (၂)

မုဆၫကနံၩယီၩ လၧပခးပယၩ့ဖၧၩ့ အမံၩ့ဎိၩထုၬနီၪ မွဲယီၫဝ့ၫဒၪ ပလၭစတ့ၭထိၪ့ဆၧမၩနီၪလီၫႉ  ထၧၫ့ဖုဝဲမုၪခွၫၥံၪဧ့ႇ ဆၧလၧပလၭစတ့ၭနီၪ ကဲၪ့ထၪ့ ဆၧဘံၪၥိၭအဂး ဆၧကၪဆၧဂဲၩလီၫႉ  အၪ့ဎါယိထဲၩ့နးထုၪ့ဘ့ၩႉ ၦခမျၧးဖိၪၥံၪလဖၪ ယီၩ ပထိးဆၧၫ့ပလၭစတ့ၭ ဂ့ၩဂ့ၩဘၪဘၪႉ ပလၭစတ့ၭပၫဝ့ၫဒၪ ဆၧဖံၭဆၧခီၫလဖၪ အီၪလၧဖနံၬလးအၪမၬလီၫႉ  ပလၭစတ့ၭ ထိၪ့လဖၪဧီၪ မငါဘီၩႉ ပလၭစတ့ၭပလၫ့လဖၪဧီၪ မငါႉ လါနၫ့ဂ့ၩ ဆၧဘံၪၥိၭလဖၪ ဖ့ၪလၫ့ပၧၩဆၧကၪဆၧဂဲၩ့တၡါလီၫႉ ထံၫကၠီၪ့လဖၪဘၪဘံၭႉ ဖံၭဖၪ့လၭ ထံၫဖၪ့လၭ ဘၪဂၭဂီၩ့ဂၭစၪထၪ့ ecology လီၫႉ အဝ့ၫၥံၪနီၪ ပဎုထၪ့လၧဖ့ၪစွါဘဲၫ လံၩဘၪၥလိၪၥလံၬထၪ့ႉ ဆၧလၧပလၭစတ့ၭနီၪ အလးဎံၩ့ဎီၩ့ ကဲၪ့ထၪ့ဒၪလၧ ၦအၧၩ့ဖိၪလဂၩလီၫႉ

ပကမၩကၠၭပၥ့ၪလဲၪ - အ့ၪမွဲဘနီၭစွါဘဲၫ ၥိၩ့ထၪ့လဂ့ၩ ကန့ဧၪႉ

ဆၧလၧပလၭစတ့ၭနီၪ အခိးတၩန့ဝ့ၫအၪမၬလီၫႉ ဆၧလၧအန့ခိးန့တၩ ၦၡၩခမျၧးအဖၧၩ့နီၪ မ့ၪနီၪ နၥ့ၪကထုၪ့ၥုၪ့ထုၪ့ၥၭကၠၭလီၫႉ ဆၧလၧမ့ၪနီၪ န့ခိးန့တၩလၧ ၦၡၩၥံၪအဂး လါနၫ့ဂ့ၩ အဝ့ၫနီၪ ဘၪယိထွ့ၫလီၫႉ ပခွံၬၡိၬထၬန့အ့ၬႉ ဘဲၫနီၪအၥိၭ ပလၭစတ့ၭနီၪ လၧပၥိၩ့ဘၪန့အ့ၬႉအဝ့ၫနးဆ့ ဖ့ၪခိးဖ့ၪတၩပၧၩအၪမၬလီၫ မွဲအ့ၬဧၪႉ လါနၪ့ဂ့ၩ ပကဘၪယိထွ့ၫလိၫဝ့ၫဒၪလီၫႉ