ဂၪ့ခိၪလုၫလါအနဲၩ့အဎီၩ့ (၃)

ဂၪ့ခိၪချိၫ့အနံၪ့ ယံၬဝ့ၫခွးအၪမၬအဖၧၩ့ ဂၪ့ခိၪချိၫ့နီၪ ခိထၪ့ချံၪ့လၩ့ ကဲၪ့ထၪ့ဝ့ၫလီၫႉ ချံၪ့ဝ့ၫအထီနီၪ ကဲၪ့ထၪ့ထံၫချံၪ့ခိလီၫ့အဆၧၫ့အထီနီၪလီၫႉ ထံၫချံၪ့ခိလီၫ့အထီလူၬဝ့ၫအခၫ  ခိထၪ့ဝ့ၫအဆၧၫ့အထီ ထီၩ့ဝ့ၫလီၫႉ ဂၪ့ခိၪချိၫ့ခိထၪ့ဘဲၫၥ့ၪလဲၪနီၪ မပၧၩမၬ လၥ့ၪယၫဘၪနီၪလီၫႉ ဘၪလဘၪ ခိထၪ့ဂီၩ့ ဘဲၫအဂုခိအၥိၭ ဂၪ့ခိၪချိၫ့နီၪ  ဝ့ၫယိၩစိၩ့အိၩအလး ထံၫချံၫ့ခိလီၩ့ အထံၫဖံထၪ့ဝ့ၫစွါဘဲၫ ဂၪ့ခိၪချိၫ့နီၪ ကကဲၪ့ထၪ့ဝ့ၫဘဲၫအဂုခိၪအၥိၭ ထံၫကဎိၩဝ့ၫ ပ့ၫ ၂၀ နီၪလီၫႉ

အထီဘဲၫယီၩ ဘၪဒၪဆၧၫ့ယၫ ဆၧခိထၪ့ဆၧအဆၧၫ့အထီနီၪ  ကယံၬဝ့ၫဎွ့ၭပၥ့ၪလဲၪနီၪ အၪ့ဎူၫအၪ့ဎၬထၪ့န့နီၪလီၫႉ ဆၧအယီၩ ဂၪ့ခိၪလုၫလါအနဲၩ့ အဎီၩ့နီၪလီၫႉ ဆၧဖိၪဆၧလံၩထီးအလူၬနီၪ အီၪၥၭမၧၫ့ဒၪဘဲၫအလုၫအလါအၥိၭ နီၪလီၫႉ စံၭမၬချၭ စမံၩ့နီၪ အၪ့ထၪ့နၪ့လီၫႉ နၪ့လအီၪဘၪနီၪ အၥူၭထဲၩ့အၥၭလၧ နၪ့အီၪအလးလီၫႉလါနၫ့ဂ့ၩ ၦၡၩလဖၪ လမွဲဘၪမွဲနီၪတၭ အဝ့ၫအဲၪဒိၭ ဆၧထံၭဆၧဘီၩ့လဖၪ ၥုၪ့ဖျါထၪ့ဝ့ၫလီၫႉ

ဆၧနီၪအကၠီၩ့ အဆၧၫ့အထီဘဲၫယီၩ ပကအီၪပဒၩ့ထၬထၪ့ဂၪ့ခိၪချိၫ့အဂး ကြၨၭပမၩထၪ့လမံၩ့မံၩ့ယူၭနီၪအကၠီၩ့  ကြၨၭၥ့ၪယၫထၪ့ယူၭနီၪလီၫႉ