ကဲၪထၪ့Srအနံၪ့အီၪထၪ့ဘၭဝ့ၫဒၪ၂၅နံၪ့ဒဲ အဘျဲၪလဖၪအဂး ၥဖၠးဒဲ မးၥံၫအီၪဝ့ၫဒၪအဂဲး

ၦအကဲၪထၪ့Sr အနံၪ့အီၪထၪ့ဘၭဝ့ၫဒၪ၂၅နံၪ့ဒဲ အဘျဲၪလဖၪ စိန်ဖရန်စစ်ဇေးဗီးယဲ ကၭၥလံၬSrလဖၪအဂး နံၪ့ ၂၀၂၂နံၪ့ လၩအီၭတိၫဘၧၫ၃ၥၫ့ဒဲ ထီၩ့စိၩ ၅ၥၫ့နီၪ ၥဖၠးအီၪဝ့ၫဒၪလၧ ဝံးတခိၩ့ကၭၥလံၬဆၧအီၪကီၪ့ မီၫဘံၫ စိန်ဖရန်စစ် ဇေးဗီးယဲ Srလဖၪအီၪဝ့ၫဒၪအလးနီၪလီၫႉ

      ဂီၩ့ လၧလၩအီၭတိၫဘၧၫ၆ၥၫ့ ထီၩ့စိၩလၧ၁၂ၥၫ့နီၪ ဆုးထဲၩ့မးၥံၫကၠၭဝ့ၫဒၪနီၪလီၫႉ လၧၥဖၠးအဖၧၩ့ Fr.George စောအယ်ဒို နီၪ အၪ့နၩ့ဖ့ၪၥ့ၪယၫအ့ၪ အဝ့ၫၥံၪ ဘၪထွ့ၪလၧ ဆၧဘိၪ့ထၪ့ဘၩထၪ့ၡီၩ့ဆၧအဂဲးႇ Sr.ပက်ထရေးရှာ မေဦးခိုင်နီၪ အၪ့နၩ့ဖ့ၪၥ့ၪ ယၫလၩ့ ဆၧကဲၪထၪ့ထံၩဖျဲအဂဲးႇ Sr.ထရေဇားဥမ္မာကျော် နီၪ အၪ့နၩ့ဖ့ၪၥ့ၪယၫဘၪ ဆၧထံၭလၩ့စရၫ့အခၪ့ထံၭအဂဲးႇ Mother Ann Terasa နီၪ အၪ့နၩ့ဖ့ၪၥ့ၪယၫ SFX ခရၧၫ့ အဆၧထိစိၩလဖၪဒဲ ကီၫမၡ့ၫလဖၪအဆၧဖံၭဆၧမၩအဂဲးလဖၪႇ ဆရၫဖၭဒိၪ ဒေါက်တာစည်သူလင်းနီၪ အၪ့နၩ့ဖ့ၪၥ့ၪယၫဘၪ ဆၧဆီၪ့ဆၧချဲၫ့အဂဲးလဖၪႇ Sr.Rose Philip နန်းနွယ်ပြုံးနီၪ အၪ့နၩ့ ဖ့ၪၥ့ၪယၫဘၪ SFX   Srလဖၪ အဆၧဖ့ၪဆၧၫ့လၩ့ၥၭဒဲ အဆၧအီၪမၧၫ့ၥၭအဂဲးလဖၪနီၪလီၫႉ

        ဘၪမၩကဲၪထၪ့ ၥဖၠးယီၩ အဆၧထိစိၩနီၪဘိၭ ထီလၧယၫအဂး Srလဖၪယီၩ ဘဲၫၥိၭဖ့ၪဆၧၫ့လၩ့ၥၭ ကန့ထီၫထၪ့ အၪထၪ့ အဂးနီၪ အဆၧထိစိၩအီၪဝ့ၫဒၪအဂဲး Sr.နန်းနွယ်ပြုံးနီၪ စံၭဘၪဝ့ၫလီၫႉ မးၥံၫနီၪ စၭထၪ့ဝ့ၫဒၪလၧ ဆလေးရှင်းၥၫ့ခၫ Fr.Charls စောသီဟန် လ့ၩခိၪလ့ၩနါ မံဆၩဆၧလုထၪ့နီၪလီၫႉ လၧမးၥံၫဒဲၥဖၠးနီၪအဖၧၩ့ Srလဖၪထီးလူၬပၫဝ့ၫဒၪ ကအီၪ ဖိၭဘိၭ အဂၩ၅၆ဂၩ နီၪလီၫႉ

        လၧအဝ့ၫၥံၪမးၥံၫကဘျၩ့ယီၩအဖၧၩ့ The Congregation of the Most Precious Blood ၥွံၪဆံၫ့ဎံၫ ခရၧၫ့ဖိၪ Sr.လူစီယားဇာခြည်ဦး ဂဲၫနုၬလၩ့ပၫထဲးကဂၩဆ့နီၪလီၫႉ ဂဲၫနုၬလၩ့မးၥံၫဘၪကၠၧၫ့ကၠၧၫ့လၧ SFX Srလဖၪကၠၧၫ့ကၠၧၫ့အကၠီၩ့ ကဲၪထၪ့ဘဲၫ ဆၧကၧၩ့ဖျိၪ့ၥၭလဖျိၪ့ဎးၥိၭအဂဲးႇ ဆၧအၪ့ဎၬထိးဆၧၫ့လဖၪဖျီၪမုၬလၩအဂဲးႇ ၥ့ၪယၫထၪ့ဘၪ SFX  Srလဖၪ အဆၧ ၥၭမၧၫ့အဂဲးႇ ခရၧၫ့အဆၧၥၭမၧၫ့အဂဲးလဖၪဂီၩ့ လၧဆၧမုၬဆၧၡူၪဖၧၩ့ ဆၧကယုကစုၩဖၧၩ့ န့ထၪ့ဘၪ Sr လဂၩအဆၧၥၭမၧၫ့ အခံအလဲၪဂ့ၩဂ့ၩဘၪဘၪအကၠီၩ့ အဝ့ၫအဂးဂဲၫမးၥံၫဘၪလယီၩနီၪ မွဲန့ခိးန့တၩဒိၪဒိၪဒ့ၭအဂဲး လခဲၫ့ခီၫဆၧ ကဂဲၫမးၥံၫ ကၠၧၫ့ ကၠၧၫ့လၧ SFX Srလဖၪအဂး အၪ့ကံၩ့အၪ့ယၫထၬဝ့ၫအဂဲး Sr.ဇာခြည်ဦးယီၩ စံၭဝ့ၫဒၪနီၪလီၫႉ

         မွဲလၧ ၥဖၠးဒဲ မးၥံၫယီၩအဂး ၦလၧအမၩဆၧၩ့ထၪ့အဝ့ၫၥံၪ လၧကျိၪစ့ၩခီၫမွဲဂ့ၩ လၧဆၧဖံၭဆၧမၩဖၧၩ့ မွဲဂ့ၩ ၦကိၭဂၩဒ့ၭနီၪ စံၭခိးစံၭတၩဝ့ၫဒိၪဒိၪအဂဲး Sr. နန်းနွယ်ပြုံး စံၭဘၪဝ့ၫနီၪလီၫႉ

နးအဲၪဖီၫဘွၩ