အလၩဒူၩဒဲအစုၪအဖျါ အဆၧတုၩ့ထၪ့ဆၧ (၃)

အလၩဒူၩနီၪ လၩ့မါခွံၬဝ့ၫအၥိၭတၭ အလကဲၩ့နီၪ အဆုၫအဖျါလဖၪဆ့ ကမၩအၧၩ့မၩၥၫ့ဂၪ့ခိၪချိၫ့ဒဲ ၦခမျၧးၥံၪအဂး လၩ့ဘူၭထၪ့ဝ့ၫနီၪလီၫႉ ဆၧနီၪအကၠီၩ့ အဆုၫအဖျါနီၪ ထီၩ့ထၪ့ဝ့ၫလၧမုအဆၧခိအဖၫ့ခိၪဂီၩ့ ကစဲၪ့လၩ့ဝ့ၫလၧ ဂၪ့ခိၪချိၫ့ဖၫ့ခိၪနီၪလီၫႉ

ဆၧမၩအၥၭဘဲၫနီၪတၭ အထီလၧယၫနီၪ အ့ၪဆၧခိဆီၪ့ထၪ့ဝ့ၫ ဆၧခိဆၧဆၧၩ့အဆၧၩ့ယဲၩ့ထၪ့ဝ့ၫ အ့ၪလံၩမုလဖုၬအၧၩ့နၭထၪ့ဝ့ၫ အ့ၪဆၧၥူၪဆၧၥၪဂၭဂီၩ့ထၪ့ဝ့ၫႇ အ့ၪဆၧဆူၭဆၧဆၫအၪထၪ့ဝ့ၫနီၪ ဘၪလ့ၩအၪ့ဖၩ့လလိၫလၧၩ့ဘၪတၭ ပၥွံၭထၪ့လံၩဂီၩ့ ပၥ့ၪယၫထၪ့န့ယူၭလီၫႉ

အထီဘဲၫယီၩ ၡူၪဘၩဝ့ၫအလၩဒူၩလဖၪ လၩ့မါခွံၬဂီၩ့ ကွိၪ့ကရ့ၭ အလၩဒူၩနီၪ ၥုၪ့ထၪ့ဝ့ၫလၧ  ဝံးဖၧၩ့ထၬဖၧၩ့နီၪတၭ ဆၧယီၩခၫအထီ မၩချံၪ့ၥၭလၧ လံၩအချံၪ့စဲၭလါနၫ့ အလွ့ယံၫချံၪ့ၡူၪဘၩဝ့ၫအစီၩ့လအီၪဘၪနီၪအကၠီၩ့ မွဲတၡါအလၩဒူၩအခိးအတၩနီၪ လၩ့မါခွံၬဝ့ၫလီၫႉ