Our Lady of Succor မိမၫရံၫ ရိးကၠဲၬနီၪ ၦၡၩဒုၭလုၬလၫ့အ့ၪ ဆၧကဲၩ့ယၬပၫ၁၅၀၀ဆၧလုၬအဂဲး

အီၪလၧခးအံၫတလံၫ လံၩထံၭကကဲၩ့ခီၫ မယ်ရီယန်လးဆံၫ့ဎံၫဖၫ့ခိၪ မက်ဒေါနားဒယ်လ်ဆိုကော်ဆို မိမၫရံၫအဘိၪ့ မုနံၩအဂး ဂၪ့ခိၪထၧၫ့ဘံၪ့ယၫၦဆူၩနဲၩဖိၪၥံၪအအီၪ ၦၡၩစူၭလၫ့ဆၧကဲၩ့ယၬ ၁၅၀၀ဂီၩ့ ၦၡၩမၩဘိၪ့ဖ့ၪလုၬအ့ၪမိမၫရံၫနီၪလီၫႉ
လချုၭထီၩ့ဒံၭဘၪ မိမၫရံၫအဘိၪ့မုနံၩလၩအီဂၭ၂၁ၥၫ့နီၪ ၦၡၩမၩဘိၪ့ထၪ့မိမၫရံၫအဆၧလုၬယီၩအလးနီၪ မွဲလၧ Castellammare del Golfo ဝံးနီၪလီၫႉ ဆၧကဲၩ့ယၬ ၁၅၀၀အကဲၩ့နီၪ မွဲလၧကိၫဘံဆၧဆၫအကၠီၩ့ ၦၡၩဘၪဆၭ ယံၭဝ့ၫက အီၪဖိၭဘိၭ ၂နံၪ့နီၪလီၫႉ ဆၧကဲၩ့ယၬလဖၪယီၩနီၪ ၦလၧန့ဘၪခိးတၩအလၩ့ဆၫ့လဖၪဒဲ ဘၪအီၪဖျဲၪထၪ့န့ဖိၪၥၪအခၫ ထိးဆၧၫ့ ဒိၭန့ဘၪဆၧဆိၪဂ့ၩဆိၪဘွၩလဖၪအကၠီၩ့ အီၪလၧခးၥဲၫထၧၫ့ဘံၪ့ယၫ ၦဆူၩနဲၩဖိၪလဖၪနီၪ ဂဲၫမၩဘိၪ့ထဲၩ့မိမၫရံၫနီၪလီၫႉ လနၩ့နၩ့နီၪ ဘဲၫလီၩ့ဎွါအဆၧအဲၪတၩ့လဖၪ ကဘၪအတီၩအလီၩ့အဂး ဂဲၫမၩဘိၪ့ဆၧကဲၩ့ယၬလဖၪႇ လံၬစီၩ့အဆံၭခိၭဖိၪလဖၪ ဆ့မွဲအီၪနီၪလီၫႉ ၦလၧအဆၭအ့ၪမိမၫရံၫ အဆၧကဲၩ့ယၬယီၩနီၪ အၥၭအီၪဝ့ၫဒၪ ၈၃နံၪ့ အခီၩ့အိၩမၩယံၩယါဆၧမၩလၧ ခးအမ့ၫရံကၫ့ ဆၧကဲၩ့ယၬအထူၫစဲၭရိၩ့အဖၧၩ့မွဲဝ့ၫ Lina နီၪလီၫႉ
ၥၫ့ခိၪဒိၪ Pietro Maria Fragnelli နီၪ လ့ၩခိၪလ့ၩနါမံဆၩဆၧလုထၪ့နီၪဂီၩ့ လၧနံၪ့၁၇၁၈နံၪ့ခိၪလၩဘွၩအဆၧဒုၭဆၧခၭ အဖၧၩ့ Our Lady of Succor မိမၫရံၫယီၩ ပြံၭထဲၩ့ဝံးယီၩအကၠီၩ့ စံၭခိးစံၭတၩထဲၩ့မိမၫရံၫ မၩလၩမၩဖၩ့ထဲၩ့ မိမၫရံၫအဘိၪ့မုနံၩ ယီၩနီၪလီၫႉ
နးအဲၪဖီၫဘွၩ