အလၩဒူၩဒဲအစုၪအဖျါ အဆၧတုၩ့ထၪ့ဆၧ (၂)

အလၩဒူၩဒံၩ့လၩ့မၬထၪ့ အစုၪ့အဖျါဒံၩ့ကဒိၪထၪ့မွဲလံၩအထုၪ့နီၪ ဂၪ့ခိၪချိၫ့အဖၫ့ခိၪ အဆၧအုၩ့လၩ့လဂုးခၧၫ့လၩ့ဘၪဂီၩ့ ဖ့ၪထၪ့ဆၧၥၭမဲၪၥၭဖျဲၩ လၧၦမိၡါအပိၬၥိၭအလးနီၪလီၫႉ ထီးလကၭဒံၭဘၪ အစုၪ့အဖျါအခိအစီၩ့နီၪဆ့ မၩထံၩဖၭထၪ့အလၩဒူၩလၩ့မါခွံၬ ထံၫချံၫ့ခိၪခီၩ ့လဖၪနီၪ ဘူၪဘူၪယီၫယီၫလီၫႉ အနီၪကကၠၪတၭ မၫဆမံၭနီၪ ဘၪထံၭဘၪဆၫဒဲ အဖံၭအယၪ ယိထၪ့ဝ့ၫလီၫႉ ကျိၩ့လနၩ့နၩ့ဆ့ ဘၪယုထံၫဒဲ ထံၫချံၪ့ထံၫလဖၪဆ့ ကွံၭဒိၭအခိၥွ့ၪၥ့ၪယူၭလီၫႉ

        အလၩဒူၩအီၪဝ့ၫအထီ အလၩဒူၩအလူဒိၪဎွ့ၩဒိၪနီၪ လၥ့ၪယၪဘၪဝ့ၫဒဲ လၩ့မါခွံၬဝ့ၫအထီနီၪဆ့ ကဘၪအၪ့လူထၪ့ထဲၩ့အလၩဒူၩအဂး ဆၧၥ့ၪယၫနၪၥ့ၪလအီၪဘၪ ၦၡၩလနၩ့နၩ့နီၪ ဖ့ၬခုၥံၪ့ၥ့ၪဂီၩ့ ကဘၪၥုၪ့ဖျါထဲၩ့ဝ့ၫအဂး ကၠၧၫ့ဘျီၩ့ဝ့ၫအကၠီၩ့ အစုၪ့အဖျါနီၪ ကမၩဂၭဂီၩ့ထၪ့ဂၪ့ခိၪချိၫ့အဂး အီၪတဲၩ့ဝဲၩ့ထၪ့အၥၭယူၭ နီၪလီၫႉ ဆၧအယီၩ မွဲပလၩဒူၩလၩ့မါ လဖၪၥံၪ ၥ့ၪယၪဝ့ၫလီၫႉ

        အလွ့ယံၫရူၪဘၩဝ့ၫ ဆၧအီၪၥၭမၧၫ့ဆၧအဖၧၩ့ အထီဘဲၫယီၩ ဘၪၥၪထၪ့ကၭ ထၪ့ဝ့ၫလဆံၭဒဲလဆံၭနီၪတၭ ၦဘၪအီၪလၧအခူၪအစီၩ့ ဝံးဖၧၩ့ထၬဖၧၩ့လဖၪအဂး လၧဖၧၩ့ၥၭအနဲၩ့ နၪ့လဘီၩ့အလူဒိၪဎွ့ၩဒိၪနီၪ ကြၨၭပၥ့ၪယၪထၪ့ယူၭနီၪလီၫႉ