Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ခးအံၫဂၠံႇ ကဲၫ့ရိၫဝံးဖၧၩ့ ၥရိၬကဖျိၪ့ မ့ၪဂဲထုၪ့အၪ့အကၠီၩ့ ၦၡၩ၄၁ဂၩအၥၭၥံၫခွံၬအဂဲး
ခးအံၫဂၠံႇ ကဲၫ့ရိၫဝံးဖၧၩ့အီၪဝ့ၫဒၪ ကော့ပ်တစ်အော်သဒေါ့စ် ၥရိၬကဖျိၪ့နီၪ လၧမုအီၪပွံၭနံၩ ၦၡၩဘိၪ့ထၪ့ဘၩထၪ့ ယွၩအထီ မ့ၪအၪ့ဆၧနီၪလီၫႉ
မ့ၪအၪ့ဆၧကထံၪဎး မ့ၪခူၪအၥၧၫ့ဘံၩလဖၪ ချုၭဘံၭခွံၬၥရိၬထၧၫ့ဖျိၪ့ယၪနီၪလီၫႉ မွဲလၧမ့ၪအၪ့ဆၧနီၪအကၠီၩ့ ထီးလူၬ ၦၡၩၥံၫခွံၬအဂၩ၄၁ဂၩဂီၩ့ ဖိၪၥၪပၫထဲးဝ့ၫဒၪ ၁၅ဂၩနီၪလီၫႉ မ့ၪဂဲထုၪ့အၪ့ဆၧကထံၪဎး ၦၡၩလနၩ့နၩ့နီၪ ဘဲၫကဖီၩ့ဖျ့ၭအဂး အီၪဖုၫလၩ့ကၠၭလၧ ၥရိၬဖၫ့ခိၪနီၪလီၫႉ ၦလၧမ့ၪခူၪအုၭၥၪလဖၪဒဲ ၦလၧဖိၭဘံၭထၬၥၭလၧၥရိၬဖၧၩ့လဖၪနီၪ မွဲအၥၭ လမၧၫ့ထး လၧၩ့ဘၪနးဂၩနီၪလီၫႉ ၦလၧအဂဲၫမၩဆၧၩ့ဆၧဒူၩယၪ့ဖိၪ၄ဂၩဒဲ ၦၡၩ၁၆ဂၩနီၪ မွဲဆၧဘၪထံၭဘၪနဲၪ့အီၪထၪ့ဝ့ၫဆ့လီၫႉ မ့ၪဂဲထုၪ့ အၪ့ဆၧနီၪ မွဲလၧစီၩ့ဂဲး အဂဲး ဆၧမၩခွါယိအဖၧၩ့ ၥ့ၪယၫဘၪဝ့ၫလီၫႉ
ၥရိၬနီၪ အီၪ၄ထၧၫ့ဂီၩ့ လၧၥရိၬဖၧၩ့နီၪ ၦၡၩအယိထွ့ၪဖိၪဒံၪဖိၪၥၪအလးဆ့ အီၪဝ့ၫဒၪ၂ဒီၪ့အဂဲးႇ ဖိၪၥၪလဖၪ ဖိၭဘံၭထၬ ၥၭလၧၥရိၬဖၧၩ့နီၪအီၪဝ့ၫဒၪလါနၫ့ ကထုၬထၪ့ခွံၬဖိၪၥၪလဖၪလၧခီၫ့အဂး ကိၪ့မၩကၠၭဝ့ၫ လၥ့ၪ ဘၪနးမံၩ့အဂဲးထ ၦၡၩအဂၩ၂၀အစွၫနီၪ ထုၬထၪ့ထၬဝ့ၫန့ယူၭလါနၫ့ မ့ၪအၪ့ထၬထၪ့ၥၧၫ့အကၠီၩ့ မွဲမပၩလဲၪနီၪ လၥ့ၪယၫကၠၭဘၪဝ့ၫအဂဲးႇ ဘိၪ့ခိၪၥၫ့ခၫ Mousa lbrahim နီၪဆ့ မွဲပၫထဲးလၧ မ့ၪဖၧၩ့အဂဲးႇ မ့ၪယီၩဂဲထုၪ့အၪ့ဆၧအလးနီၪ မွဲလၧအထၧၫ့၂ထၧၫ့လထၧၫ့ Airconအဂဲးႇ လၧလၩအီဂၭ၁၅ၥၫ့နီၪ မ့ၪအၪ့ဆၪ့ဆၧယီၩကဲၪထၪ့အဂဲးႇ အတုၬမုနံၩမုဆၫခီၫနီၪ ထံၪခးခိၪနါလဖၪ လ့ၩစိၩ လၧၥရိၬနီၪဂီၩ့ ၦလၧအၥံၫလဖၪအဂး ကဖ့ၪလိၬကၪအ့ၪဝ့ၫကျိၪစ့ၭဆၧမၩဆၧၩ့အဂဲးႇ မ့ၪအၪ့ထၬအကၠီၩ့ဂၭဂီၩ့ထၬၥရိၬနီၪဆ့ မွဲအဝ့ၫၥံၪကမၩဂ့ၩထၪ့ထဲၩ့အ့ၪအဂဲး ပန့ဘၪဆၧပရၧၫ့ယီၩ ဘဲၫယီၩအၥိၭနီၪလီၫႉ
နးအဲၪဖီၫဘွၩ
Add new comment