Memores Domini ခရၧၫ့အဂး ၦဎွ့ၩလးနီၪ ၥၫ့ဎွၩရွံထၪ့ ဖံလံပဲၫ့ Taranto ဆၧအီၪကီၪ့ ၁ၪ့ခိၪဒိၪ Fillipo Santoro အဂဲး

Memores Domini ခရၧၫ့အဂး ၦဎွ့ၩလးနီၪ ၥၫ့ဎွၩရွံထၪ့ ဖံလံပဲၫ့ Taranto ဆၧအီၪကီၪ့ ၁ၪ့ခိၪဒိၪ Fillipo Santoro အဂဲးပၥ့ၪယၫနီၪလီၫႉ လၧအဖီၩ့ခွံၬ ၂၀၂၁နံၪ့ လၩ September၂၅ၥၫ့ အိၩရွံထၪ့ဘၪၦဎွ့ၩလးယီၩနီၪလီၫႉ

Memores Domini ခရၧၫ့နီၪ မွဲလၧဆၧအီၪကီၪ့ခရၧၫ့ဂီၩ့ ကၧၩ့ဖျိၪ့ထၬဝ့ၫလၧ ၦဆူၩနဲၩဖိၪ လဖၪနီၪလီၫႉ ဘဲၫယီၩနီၪ ဘၪထွ့ၪလၧ ခရၧၫ့အဆၧဖံၭဆၧမၩလဖၪဒဲ ခရၧၫ့အဆၧထိစိၩလဖၪ ထီး လလၩ့ဖၭဘၪအဂးဒဲ ခရၧၫ့ဖိၪလဖၪ ကအီၪလၧဆၧယံၩဆၧၡီၩ့ဖၧၩ့အဂးနီၪ  ၥၫ့ခိၪဒိၪယီၩ ဘၪအၪ့န့ မူၩဒၩဂီၩ့ ဎိၭဒီၪဝ့ၫနီၪလီၫႉ

ဘၪထွ့ၪလၧခရၧၫ့ယီၩ အဆၧမၩဒၪမ့ၬလဖၪဒဲ ဖီၪ့ထၪ့ဖံၭထၪ့ဆၧဖံၭဆၧမၩ ဘဲၫၥိၭဆၧထိစိၩ အီၪထၬဝဲၩလဖၪဂီၩ့ အဝ့ၫၥံၪအုၩ့လၩ့ဆၫ့လၩ့ ကဆါယွၩအဆၧဆိၪဂ့ၩဆိၪဘွၩလဖၪနီၪ ၥၫ့ဎွၩဖရၫ့စံ ထိးဆၧၫ့ဝ့ၫနီၪလီၫႉ ဆၧနီၪအကၠီၩ့ဘၪထွ့ၪလၧ ခရၧၫ့နီၪ လိၪဘၪဆၧအၪ့လဲၩ့ထၪ့ႇ ဆၧမၩဂ့ၩထၪ့ထဲၩ့ လဖၪ ဘဲၫၥိၭအၪ့လဲၩ့ထၪ့ထဲၩ့ဝ့ၫကန့အဂး ၥၫ့ဎွၩဘၪရွံထၪ့ထဲၩ့ ၦဎွ့ၩလးအဂဲး ဘိၭဘၪၥ့ၪယၫဝ့ၫ နီၪလီၫႉ

ၥၫ့ခိၪ ဒိၪ Fillipo Santoro ယီၩနီၪ လၧၥၫ့ဎွၩအလး ကဘၪဎိၭထံၪဎိၭဒီၪ ခရၧၫ့နီၪအဂး ၥၫ့ဎွၩဖ့ၪလၫ့ထၬအဝ့ၫအခွးလဖၪထီးလူၬအဂဲးႇ ဘၪထွ့ၪလၧၥနိၫလဖၪအဂး ၦလၧကဘၪဖ့ၪကိၪ့ ဖ့ၪတဲၩ့ၥၫ့ခိၪဒိၪယီၩအဂးနီၪ ရွံထၪ့ထၬဘၪ ဂၠဲဆွံၥၫ့ခၫ Gianfranco Ghirlanda S.J အဂဲး ဘၫတံၫကၫ့ ဆၧပရၧၫ့အဖၧၩ့ ထုၬဖျီၪထၪ့ထၬဝ့ၫနီၪလီၫႉ

နးအဲၪဖီၫဘွၩ