အံၫတလံၫထံၫခး က့ၫဘဲလဲၪ့ၥိၪဂၭဂီၩလၩ့ထ့ၬအကၠီၩ့ ၦၡၩၥံၪဝ့ၫဒၪ ၁၄ဂၩအဂဲး

လၧလၩမ့ၫ ၂၃ၥၫ့အိၩ အံၫတလံၫထံၪခး လံၩခံၫကကဲၩ့ခီၫ  Mottarone Mountainအလး ကကဲၩ့နီၪ ၦၡၩကွ့ၩထူၬအမုၬ က့ၫဘဲလဲၪ့ၥိၪ ဂၭဂီၩ့လၩ့ထ့ၬအကၠီၩ့ ၦၡၩၥံၪဝ့ၫဒၪ၁၄ဂၩနီၪလီၫႉ

အံၫတလံၫထံၪခး ကဲၬၥလံၬၥၫ့ခိၪဒိၪလဖၪအခရၧၫ့ ခိၪနါဒိၪထုၬ Cardinal Gualtiero Bassettiနီၪ ၦအဘၪၥံၪလဖၪအဂးဒဲ ဂံၪ့ဒီၪ့ဖိၪၥံၪလၧအီၪထးဝ့ၫဒၪလဖၪအဂး  အဝ့ၫအၥၭလမုၬ ဘၪအဂဲးႇ အၪ့ကံၩ့ဘၩဆိၪဖၪအ့ၪဝ့ၫအဂဲး စံၭဘၪဝ့ၫနီၪလီၫႉ

လၧက့ၫဘဲလဲၪ့ၥိၪလၩ့ထ့ၬဝ့ၫဒၪအလး Novaraဆၧအီၪကီၪ့အဖၧၩ့ ၥၫ့ခိၪဒိၪ Franco Guilio Brambillaနးဆ့ လၧဂံၪ့ဒီၪ့ဖိၪလဖၪအဖၫ့ခိၪ ဘဲၫၥၭမုဆံၫ့ဎံၪအဆၧဖၩ့ကလၩ့ဘၪအဂး အၪ့ကံၩ့ဘၩဆိၪဖၪအ့ၪဝ့ၫနီၪလီၫႉ

စၭထၪ့လၧကိၫဘံဆၧဆၫကဲၪထၪ့အထီအိၩၦၡၩဖိၭဘံၭထၬက့ၫဘဲလဲၪ့ၥိၪဆၧလ့ၩထဲၩ့နီၪလီၫ ၦၡၩဝဲထၪ့ထဲၩ့ က့ၫဘဲလဲၪ့ၥိၪဆၧလ့ၩထဲၩ့ဂီၩ့ လခဲၫ့ကနံၩနီၪ က့ၫဘဲလဲၪ့ၥိၪယီၩ လၩ့ထ့ၬဝ့ၫဒၪနီၪလီၫႉ

လဲၪ့ၥိၪယီၩဘၪလၩ့ထ့ၬနီၪ ဘၪန့လဲၪအဂဲး ၦၡၩမၩခွါယိဘိၩ့ဒံၭနီၪလီၫႉ လၧၦအၥံၪလဖၪအ ကျၩ ဖိၪၥၪဆံၭဖိၪပၫထဲးဝ့ၫဒၪကဂၩဒဲ လခဲၫ့ဖိၪၥၪဆံၭကဂၩနီၪဘိၭ ဘၪလ့ၩထၪ့လၧဆၧဆၫဂံၪ့အဂဲး ပၥ့ၪယၫဘၪနီၪလီၫႉ လၧဆၧအီၪကီၪ့နီၪအဖၧၩ့ ၡၩခမျၧးလဖၪ ဝၩ့အၪ့ကံၩ့ဘၩဆိၪဖၪအ့ၪ ၦအၥံၫလ ဖၪအဂးႇ ဂံၪ့ဒီၪ့ဖိၪလၧအအီၪထးလဖၪအဂးဒဲ ၦလၧအဘၪထၪ့ဆၧဆၫဂံၪ့လဖၪအဂးအဂဲး ပန့ ဘၪ ဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ