ဝံးမၫ့တၨၭ ဆၧဘိၪ့ဆၧဘၩအဖၨၪလဖၪ အဆၧမၩဘိၪ့

၂၀၂၁နံၪ့ လၩအ့ၫဖြံၫ၂၀ၥၫ့ လဂီၩ ၈:၃၀ အခံၫ့အိၩ အီၪလၧဝံးမၫ့တၨၭ လေးပြင်လေးရပ်ဗုဒ္ဓသံဃာ လဖၪႇ စိန့်ဂျိုးဇက်ကဲၬၥလံၬမံၭထၭမုၪလဖၪႇ အစ္စလာမ်ဆၧဘိၪ့ဆၧဘၩဖိၪလဖၪဒဲ ဟိန္ဒူဆၧဘိၪ့ဆၧဘၩဖိၪ လဖၪ စူၭကီၪ့မၩဘိၪ့လၩ့ဎိၭဆၧ ကမံၩ့နီၪလီၫႉ
အီၪလၧဝံးမၫ့တၨၭ (ကျူးကျော်လးဝၩ့လဖၪအဖၧၩ့ ၦအၡၪ့အယၬဂံၪ့ဒီၪ့၃၀၀အဂး အဝ့ၫၥံၪလ့ၩမၩဘိၪ့ ဂူဆၫႇ ဒံၪ့ၥိၪ ဒဲ ထံၫလၫ လဖၪနီၪလီၫႉ အဝ့ၫၥံၪအဆၧမၩဘိၪ့ဆၧယီၩ ဂဲၫကဲၪထၪ့ဝ့ၫဘဲၫၥ့ၪလဲၫအဂဲး မံၭထၭမုၪ လဂၩ လီၩၥ့ၪယၫဝ့ၫဒၪနီၪ ဘၪထွ့ၪလၧ ကိုဗစ်မွဲဂ့ၩႇ ထံၫခးဆၧဘိၪ့လၫ့ဘဲၩ့လၫ့အကၠီၩ့မွဲဂ့ၩႇ ၦၡၩလၧဘၪဒၪဆၧၫ့ ယၫ ဆၧအၪ့ဆၧအီၩ ဆၧလ့ၩဆၧထဲၩ့ ဆၧကၪဆၧဂဲၩလဖၪ အီၪဝ့ၫအၪမၬလ့ၬအကၠီၩ့ လၧထိၪတွၭဘၪ ဆၧဘိၪ့ဆၧ ဘၩဂီၩ့ဂဲၫမၩဆၧၩ့ဘၪဝ့ၫအဂဲးႇ ဘဲၫၥိၭၦအၡၪ့အယၬလဖၪ ကန့ဘၪဝ့ၫတၡါအဂး လချုၭအဝ့ၫၥံၪ လ့ၩအၪ့နၩ့ဒံၭ ဘၪဆၧ ကၥၫ့နီၪ ဗုဒ္ဓသံဃာ၂ဂၩ ဒဲ ကဲၬၥလံၬမံၭထၭမုၪ၂ဂၩနီၪ လ့ၩလီၩ့အၪ့နၩ့ထၬဂု ကထုၬထၪ့ ဆၫအၪ့ဆၫအီၩ လဖၪယီၩအဂး ဆၧနဲၪ့(ကတ်ပြား)လဖၪအဂဲးႇ လခဲၫ့ကနံၩမၬ အဝ့ၫၥံၪလ့ၩအၪ့နၩ့ဆၧအဂဲးစံၭဝ့ၫနီၪလီၫႉ
အဝ့ၫၥံၪလ့ၩအၪ့နၩ့ဆၧနဲၪ့(ကတ်ပြား)အထီအိၩ လၩ့ဆၫ့ဝ့ၫဒၪကမံၩ့နီၪ ၦလၧဆၧမၩဆၧၩ့လိၫဝ့ၫလဖၪအ ကျၩ ကနၩ့နၩ့လ့ၩမၩဆၧမၩ ဂဲၫထဲၩ့လထီၩ့ဒံၭဘၪအကီၠၩ့ ဘဲၫအဝ့ၫၥံၪကန့ဘၪဆ့အဂးနီၪ ဂံၪ့နဲၩ့ထံၭအၥိၭလဖၪ ထွံၩလၩ့စူၪဂီၩ့အၪ့ကံၩ့ထၬအ့ၪ အဝ့ၫၥံၪအဂး(ကတ်ပြား)အဂဲး မံၭထၭမုၪယီၩ စံၭဝ့ၫဒၪလၧ ဆၧမုၬလၩၥၭဎွံၫဖၧၩ့နီၪ လီၫႉ
ၦလၧအလ့ၩခိၪလ့ၩနါ ဆၧမၩဘိၪ့ဆၧကဘျၩ့ယီၩနီၪ မွဲလေးပြင်လေးရပ်ဗုဒ္ဓသံဃာလဖၪအဂဲး ပန့ဘၪ ဆၧပရၧၫ့ဘဲၫယီၩအၥိၭနီၪလီၫႉ
နးအဲၪဖီၫဘွၩ