ၦၡၩဒဲ ၥံၪ့ထံၭၥံၪ့ဘီၩ့ (လမွဲဘၪ) လၥ့ၪယၫဘၪ အခိးအတၩလဖၪ (၈)

အဆၧၫ့အထီဘဲၫယီၩ ခးပယၩ့စၧၩ့ကီၪ့နီၪ မွဲဒၪလ့ၩထၪ့လ့ၩထီၪ့ၥၫ့ ထံၫခးလခးလီၫႉ

လယံၬလမီဘၪအထီ ထံၫဖိၪခးဖိၪလဖၪနးဆ့ ကွ့ၭထၬလံၬလၧ ပဒိၪ ပမု ခရၧၫ့လဖၪနီၪဂီၩ ဆၧမၩၥလိၪၥလံၬထၪ့ဆၧအဂး ဆၧလီၩ့ဖိၬထွ့ၫထၪ့ဆၧ ၥနိၫလဖၪဒဲ ထံၫဆံၫ့ဆံၫ့ဖျ့ၪဖျ့ၪစဲၭရိၩ့လဖၪ ဘဲၫကၥုၪ့ထၪ့အ့ၪဝ့ၫအဂး ၦဂၧၫ့ထၪ့ဝ့ၫနီၪလီၫႉ

ၦခမျးအဂၩနံၫကုၬနီၪ အၪ့ယိၫခဲၪ့ကံၭထၪ့ ကမၫဖၭဒီၪနီၪအဂး ကွ့ၭထၪ့လံၬဂီၩ့အခၫ အိၫဟဲၩအိၫဝံးဒီၪ့ ၦအဎိၩအဒိၪနီၪ ဆၧဖီၪ့ဂုးထၪ့ဆၧၥလိၪၥလံၬဆၧအနိၫ့အဂး ကိၭထၪ့ဆၧအီၪဂီၩတၭ ကဘၪၥုၪ့ထၪ့ ထံၫအဆံၫ့အဎံၪအဂး စဲၭရိၩ့လဖၪနီၪအကၠီၩ့ စံၭထၪ့ ဝံးဒီၪ့ဒဲ စဲၭရိၩ့အဆၧဖံၭ ဆၧမၩအဖၧၩ့ ၦအမူၩဒၩအီၪလဖၪနီၪလီၫႉ