Thaiကဲၬၥလံၬၥၭဘၪ့မုၪဖိၪလဂၩ န့ထၪ့ဘၪၥ့ၪလၩ့ဆၫ့ၥၭဘၪ့ခိၪဖၭ

နံၪ့၂၀၂၂နံၪ့ လၩယူၫ၆ၥၫ့ဒၪအိၩ ကဲၬၥလံၬၦမုၪကဂၩနီၪ န့ထၪ့ဘၪ ဆၧပဒၩ့ထၬဆၧအၪ့ဆၫလၩ့ၦၡၩ ၥ့ၪလၩ့ဆၫ့ခိၪဖၭ လၧထိုင်းၦဒိၪအ အီၪနီၪလီၫႉ

အဝ့ၫယီၩနီၪ အမံၩ့မွဲလၧ Areeya Pongpit ဂီၩ့ မွဲဝ့ၫလၧ little girl, raise ခရၧၫ့ၥၭဘၪ့ခးၥီၫ့ခိၪလဂၩနီၪလီၫႉ အဝ့ၫယီၩနီၪစံၭဘၪဝ့ၫ နဆၧဒူၩဆၧယၪ့ဒဲ ဆၧယိထဲၩ့ခွါထဲၩ့နီၪ ယစံၭခိးစံၭတၩလီၫႉ လၧထဲၩ့ထံၪခး ဆၧမၩလၩမၩဖၩ့ ဆၧပဒၩ့ထၬဆၧအၪ့ဆၫအၪ့ၦၡၩ ဘိၪ့မုနံၩနီၪအဝ့ၫယီၩ န့ထၪ့ဘၪခိၪဖၭနီၪလီၫႉ

အီၪလၧထဲၩ့ထံၪခးကဲၬၥလံၬSrလဖၪခရၧၫ့Srလဖၪနီၪ ကဂၩဘၪကဂၩဂဲၫထဲၩ့ပဒၩ့အ့ၪ ၦမုၪဖိၪလၧအအီၪလၧဒိၩ့မုတဝၫ့လဖၪ ထီးလဘၪ ထိးအၪ့ဆၫလၩ့ဘၪအၥၭအဂးနီၪလီၫႉ လါနၫ့လၧနံၪ့၂၀၁၂နံၪ့နီၪ Sister ခရၧၫ့ယီၩ ခိၪနါလဖၪနီၪ လ့ၩခိၪလ့ၩနါဂီၩ့မၩကဲၪထၪ့ ဆၧပဒၩ့ဆၧအၪ့ဆၫ အၪ့ၦၡၩခရၧၫ့ယီၩဂီၩ့ ဂဲၩဝၭထၪ့ဝ့ၫဒၪဂ့ၩဂ့ၩဘၪဘၪအကၠီၩ့ ဂဲၫဖျီၪထၪ့လၧၡၩအကျၩနီၪလီၫႉ အဝ့ၫၥံၪအခရၧၫ့ယီၩနီၪ အမံၩ့မွဲလၧ Tallitha Kum Thailand နီၪလီၫႉ ခရၧၫ့ယီၩအဆၧဖံၭဆၧမၩလဖၪနီၪ မွဲဝ့ၫဒၪလၧ လီၩ့ဖ့ၪလၫ့အ့ၪၥၭဘၪ့လဖၪ ဆၧကိၪ့ၥ့ၪကိၪ့ဘၪ ဒဲ လီၩ့ပဒၩ့အ့ၪၦလၧ ကဘၪ ထိးအၪ့ဆၫလၩ့အၥၭလဖၪနီၪလီၫႉ လကၭဒံၭဘၪ အဝ့ၫၥံၪယီၩ ၦၡၪ့ၦယၬဖိၪလဖၪႇ ၦထၪ့ဆၧမၩလိၪလန့ဘၪဂီၩ့ ဆၧၥ့ၪယၫနၪၥ့ၪၡၩဝ့ၫဒၪ ၦ လဖၪဒဲ ၡၩခံးဂးမွဲဂ့ၩႇ ခီၫ့ၡၩအဂးမွဲဂ့ၩ ၦလၧအဘၪထိးအၪ့ဆၫလၩ့ၥၭယီၫဝ့ၫဒၪအလးလဖၪ ဒိၩ့မုတဝၫ့လဖၪနီၪ လ့ၩဖ့ၪလၫ့အ့ၪဝ့ၫဆၧၥ့ၪယၫ နၪၥ့ၪလဖၪ အၪအၪနီၪလီၫႉ

အဝ့ၫၥံၪအခရၧၫ့ယီၩနီၪ လီၩပျၩ့ဖ့ၪနဲၪထၬ ဆၧလဲးဆၧဘျၪဆၧဖံၭဆၧမၩအဂဲးလဖၪဒဲ ဖီၪ့ယၪဆၧဖံၭဆၧမၩလးဖၧၩ့ ၦလၧအဘၪထိးအၪ့ ဆၫလၩ့ၥၭအဆၧလၩ့အၪ့ယိၫအဂဲးလဖၪနီၪလီၫႉ ဆၧမၩလိၪဖိၪလဖၪဒဲ ၦမုၪဖိၪလဖၪနီၪ ထီးလဘၪထိးအၪ့ဆၫလၩ့ၥၭအဂးထိစိၩဝ့ၫဒၪဂီၩ့ ဖ့ၪနၪ ၥ့ၪထၬအ့ၪဝ့ၫ ဆၧလၩ့အၪ့ယိၫအဂဲးလဖၪနီၪလီၫႉ လကၭဒံၭဘၪခရၧၫ့ယီၩနီၪ မၩဖီၩ့ဖျ့ၭထၪ့ လၧဖီၪ့ယၪဆၧဖံၭဆၧမၩဖၧၩ့ ၦအဘၪထိးအၪ့ဆၫ လၩ့ၥၭလဖၪႇ လၧဆၧမၩလိၪလးလဖၪအဖၧၩ့ ဘၪထွ့ၪလၧဆၧအၪ့ဆၫလၩ့ၦၡၩအဂဲးနီၪထံၭလၩ့ကွ့ၭဝ့ၫဒၪဂီၩ့ မၩဖ့ၪနဲၪအ့ၪဝ့ၫနီၪလီၫႉ

နးအဲၪဖီၫဘွၩ

13.6.2022