Tate Myre နီၪ ကမၩဖီၩ့ဖျ့ၭၦဂူၪဂၩအၥၭလၧ ဆၧၥံၫအဂး မွဲၦလၧဖ့ၪလၫ့လၩ့အၥၭ ၦဒူၩဖိၪ လဂၩ

လၧအဖီၩ့ခွံၬမုနွ့ၫ အနၠါမုနံၩအိၩ အမ့ၫရံကၫ့ထံၫခး မံၫခၠံၫကၫ့ဆၨၩခးဒီၪ့ အီၭစဖိၭတၩ့ထီၫ ဆၧမၩလိၪလးအဖၧၩ့ ဆၧခၭဆၧကဲၪထၪ့ဝ့ၫဒၪကဘျၩ့နီၪလီၫႉ လၧဆၧခၭဆၧကဘျၩ့နီၪအဖၧၩ့ အၥၭ အီၪဝ့ၫဒၪ၁၆နံၪ့ Tate Myreနီၪ ပဒၩ့အ့ၪၦဂူၪဂၩလၧ ဆၧခၭဆၧအဖၧၩ့အကၠီၩ့ အၥၭဘၪၥံၫခွံၬဝ့ၫဒၪ နီၪလီၫႉ
အဝ့ၫနီၪ မွဲဒံၭလၧ ၦထုၪ့ဆၧဖံၭဖျိၪ့ဆၧမၩလိၪဖိၪလဂၩနီၪလီၫႉ ဆၧနီၪအကၠီၩ့အဝ့ၫယီၩ အ့ၪမွဲ ကမိစဲၪ့ဖျ့ၭစွါဘဲၫ စဲၪ့ဝ့ၫဖျ့ၭဂ့ၩဘၪစဲၪ့လါနၫ့ အၪ့ယိၪခဲၫ့ကံၭဝ့ၫလၧ ၦဂူၪဂၩကဘၪထံၭဘၪဆၫအ ကၠီၩ့ အဝ့ၫယီၩလ့ၩစဲၪ့စိၩလၧ ၦအခၭဆၧဆါအအီၪဂီၩ့ လ့ၩအၪ့ဂူၭကျီၩ့အကၠီၩ့ အဝ့ၫယီၩဘၪထိးခၭ အၥၭအဂဲး အဝ့ၫအဆရၫ Ross Wingert နီၪစံၭဝ့ၫနီၪလီၫႉ
ၦၡၩလ့ၩထၪ့န့အဝ့ၫလၧ ဆၧဆၫဂံၪ့လါနၫ့ လချုၭထီၩ့ဒံၭဘၪလၧ ဆၧဆၫဂံၪ့နီၪ အဝ့ၫယီၩ မွဲအၥၭၥံၫခွံၬနီၪလီၫႉ လၧဆၧမၩလိၪလးဖၧၩ့ ဆၧခၭဆၧကဘျၩ့နီၪ အၥၭအီၪဝ့ၫ ၁၄နံၪ့Hana st.Ju liana, အၥၭအီၪဝ့ၫဒၪ၁၇နံၪ့Madisyn Baldwin ဒဲ Justin Shilling လဖၪနီၪဆ့ ဘၪထိးခၭ အၥၭဂီၩ့အၥၭဘၪၥံၫခွံၬဒဲ ၦလခဲၫ့၇ဂၩနီၪ ဘၪထံၭဆၫဝ့ၫဒၪ ဒိၪဒိၪဒ့ၭအဂဲး ပၥ့ၪယၫဘၪနီၪလီၫႉ ဆၧခၭဆၧကဘျၩ့ယီၩအဖၧၩ့ ဖီၪ့ထၬၦအၥၭအီၪ၁၅နံၪ့ ဆၧမၩလိၪဖိၪလၧအလီၩ့ခၭၦၡၩနီၪလီၫႉ လၧဆၧခၭဆၧနီၪအဖၧၩ့ အ့ၪမွဲ Tate Myre ယီၩ လနုၬလၩ့ပျဲၭဘၪ ၦအခၭဆၧဆါနီၪစွါဘဲၫ ၦအၥံၫ အဆၫကအီၪထၪ့အၪန့ဒံၭဘဲၫယီၩဒံၭအဂဲး ပၥ့ၪယၫဘၪနီၪလီၫႉ
Tate Myre နီၪအထၧၫ့ဖုဝဲခွၫ၃ဂၩအဖၧၩ့ မွဲလၧအဆံၭထုၬနီၪလီၫႉ အဝ့ၫယီၩအၥၭဆုးလီၩ့ လၧထုၪ့ဆၧဖံၭဖျိၪ့အၪအၪလ့ၬအကၠီၩ့ ကျ့ၭစၨၭကွ့ၩၥဲၪဝ့ၫဂ့ၩဘၪစဲၪ့နီၪလီၫႉ အဝ့ၫယီၩကပဒၩ့ၦဂူၪဂၩ အၥၭအဂး ဖ့ၪလၫ့လၩ့အၥၭအကၠီၩ့ ဘဲၫဆၧဖ့ၪလၩဖ့ၪဖၩ့အဝ့ၫကမံၩ့အၥိၭ အထံၭၥိၭၥံၪလဖၪ ကဖိၭ လိၭထၪ့ထဲၩ့ဆၧကွ့ၩၥဲၪဆၧအလးနီၪ လၧအဝ့ၫအမံၩ့အဂး လီၩ့အၪ့ထုၪ့ၦၡၩအစူၪမုလဖၪနီၪလီၫႉ စၭထၪ့လၧအနၠါမုနံၩနီၪ လီၩ့အၪ့ထုၪ့စူၪမုလဖၪဂီၩ့ ထၪ့ဘၭနံၫၥၫ့အထီ ၦၡၩဆ့ၭလၩ့စူၪမုအီၪထၪ့ ဝ့ၫဒၪ ၁၄၆၀၀၀ အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ
နးအဲၪဖီၫဘွၩ
၈ႉ၁၂ႉ၂၀၂၁

Add new comment

1 + 1 =