Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Singapore ထံၪခးဖၧၩ့ ၦၡၩမၩလၩမၩဖၩ့ ၁၀၉ဘျၩ့လဘျၩ့ ဂၪ့ခိၪထၧၫ့ဘံၪ့ယၫ ၦဘၪကၪဘၪဂဲၩဖိၪလဖၪဒဲ ၦဘၪၥုၭအီၪအလးလဖၪအမုနံၩ
လၧလၩစဲၭတံၫ့ဘၫ၂၄ၥၫ့ အတုၬမုနံၩအိၩ ခရၧၫ့လၧအဘၪယိထဲၩ့ခွါထဲၩ့ ၦဘၪကၪဘၪဂဲၩဖိၪလဖၪဒဲ ၦဘၪလီၩ့ၥုၭအီၪအလးလဖၪ ( Archdiocesan Commission for the Pastoral Care of Migrants & Itinerant People (ACMI)) နီၪ လ့ၩခိၪလ့ၩနါဂီၩ့ မၩလၩမၩဖၩ့ ၁၀၉ဘျၩ့လဘျၩ့ ဂၪ့ခိၪချိၫ့ဖၧၩ့ ၦဘၪကၪဘၪဂဲၩဖိၪ လဖၪဒဲ ၦဘၪလီၩ့ၥုၭအီၪအလးလဖၪ အမုနံၩအဂး မံဆၩဆၧလုထၪ့နီၪလီၫႉ
မံဆၩဆၧလုထၪ့ဖၧၩ့ လၧကၫဒံၫနဲၫ William Goh Seng Chye ကၠၧၫ့ကၠၧၫ့ ခးပယၩ့ႇ အင်ဒိုနီးရှား, ဗီယက်နမ်, အီတလီ, ဖိလစ်ပိုင်, ဗင်နီဇွဲလား, သိရီလင်္ကာ, တရုတ်, ကိုရီးယား, ဂျပန်, ပြင်သစ် ဒဲ အိန္ဒိယ ထံၪခးဖိၪၥံၪလဖၪ ပၫဝ့ၫဒၪနီၪလီၫႉ
ဂၪ့ခိၪထၧၫ့ဘံၪ့ယၫၦဘၪကၪဘၪဂဲၩဖိၪလဖၪဒဲ ၦဘၪလီၩ့ၥုၭအီၪအလးလဖၪအမုနံၩနီၪ စၭထၪ့လၧ၁၉၁၄ နံၪ့အိၩနီၪ ပကၭၥလံၬဆၧအီၪကီၪ့ယီၩ ဂဲၫထဲၩ့မၩထၪ့ဝ့ၫဒၪတၭ ထီးဘဲၫယီၩနီၪမွဲအီၪထၪ့ဘၭဝ့ၫ ၁၀၉ဘျၩ့ယူၭနီၪလီၫႉ လါနၫ့လၧSingaproe ထံၪခးဖၧၩ့ ဂဲၫထဲၩ့မၩထၪ့ဝ့ၫနီၪ အီၪဝ့ၫဒၪ၂၅ဘျၩ့နီၪလီၫႉ
လၧမံဆၩဆၧလုထၪ့အဖၧၩ့ ကၫဒံၫနဲၫ William ကၠၧၫ့ကၠၧၫ့ခးပယၩ့ ကၭၥလံၬဖိၪၥံၪ ကအီၪဖိၭဘိၭအဂၩ ၆၀နီၪ လ့ၩထၪ့မၩလၩမၩဖၩ့ မံဆၩဆၧလုထၪ့နီၪလီၫႉ လကၭဘၪMCCS ခးပယၩ့ကၭၥလံၬၥၭဘၪ့ဖိၪလဖၪ ဂဲထုၪ့ လံဝ့ၫဒၪလၧ ဖျိၩ့ဆၨၭဆၧဂဲထုၪ့လံဒဲ ၥဲၫ့ဆၨၩအဆၧဂဲထုၪ့လံလဖၪနီၪလီၫႉ လၧဆၧမၩလၩမၩဖၩ့ ၁၀၉ဘျၩ့လဘျၩ့ ဂၪ့ခိၪချိၫ့ဖၧၩ့ ၦဘၪကၪဘၪဂဲၩဖိၪလဖၪဒဲ ၦဘၪၥုၭအီၪအလးလဖၪအမုနံၩဖၧၩ့ ခးပယၩ့ဝံးမၫ့တၨၭဆၧအီၪကီၪ့ ၥၫ့ခိၪဒိၪမာကုတင်ဝင်းဆ့ မွဲလ့ၩဖ့ၪဂဲးဖ့ၪဘၭစိၩဝ့ၫအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ
နးအဲၪဖီၫဘွၩ
Add new comment