SFX Sr လဖၪ ထိးဆၧၫ့ဒိၭန့ ဆၧအုၩ့လၩ့လဆိၩယၫ အဂဲး

နံၪ့၂၀၂၂နံၪ့ လၩဖ့ၫဘြူၫအ့ၫရံၫ(၁)ၥၫ့နီၪ SFX Sr ၁၆ဂၩ ထိးဆၧၫ့ဒိၭန့ ဆၧအုၩ့လၩ့လဆိၩယၫ လၧဒိၩ့ ပၥံၫ့ဆၧအီၪကီၪ့ စံၫ့ပံတၧၫ့ ကၥံၫဒရဲၫၥရိၬလးဝၩ့ဖၧၩ့နီၪလီၫႉ

မံဆၩဆၧလုထၪ့နီၪစၭထၪ့ဝ့ၫဒၪ လဂီၩ၆နၩရံၫနီၪလီၫႉ Srလၧအထိးဆၧၫ့ဒိၭန့ ဆၧအုၩ့လၩ့လဆိၩယၫလ ဖၪနီၪ မွဲဝ့ၫဒၪ စစ္စတာရ် ဧလိဇဘက်အိမွန်၊  စစ္စတာရ်မေရီဂျာအန်၊ စစ္စတာရ် စင်သီယာမွှေးအိဖြိုး၊ စစ္စတာရ်ပေါ်လီနား ဘောက်လှိုင်၊ စစ္စတာရ် ဒါရီးယားဒါဒါ၊ စစ္စတာရ် ဧလိဇဘက်လုရာ၊ စစ္စတာရ် ဧလိဇဘက်ဂျာနန်၊ စစ္စတာရ် ဂျိုစဖင်းဌေးဌေးထွန်၊ စစ္စတာရ်ရိုလင်းဒါ ဖန်းဟှီလား၊ စစ္စတာရ်အယ်မလီ သန်းသန်းနွယ်၊ စစ္စတာရ် လူစီယား လဇင်းလုဘောင်း၊ စစ္စတာရ်ထရေဇား ကန၊ စစ္စတာရ် အက်စတယ် ဇင်မာဦး၊ စစ္စတာရ်ကက်သရင်း ခိုင်ဇင်ဦး၊ စစ္စတာရ်ဂျူစတီးနား သင်းသင်းဆွေ ဒဲ စစ္စတာရ် ဧလိဇဘက် ခွန်နော လဖၪနီၪလီၫႉ

ၦလၧအထိးဆၧၫ့ဒိၭန့ထၪ့ ဆၧအုၩ့လၩ့လဆိၩယၫ Sr.ကက်သရင်း ခိုင်ဇင်ဦးနီၪ စံၭဘၪဝ့ၫ ‘ဆၧၥၭမၧၫ့အ ယီၩနီၪ ပဘၪလ့ၩလၧဆၧခိၭနၪ ဆၧခိၭနၪအလးခဲၫ့နီၪ ဆၧဖံၭဆၧမၩ ဆၧဖံၭဆၧမၩအလးခဲၫ့နီၪ ဆၧဆိၪဂ့ၩဆိၪဘွၩ ဂဲၫဝ့ၫဒၪလီၫႉ လၧယကဲၪထၪ့ၥၫ့ Srဒၪအိၩ ယဘၪခိးဂဲးခိးဘၭ လၧဆၧဘၩဆိၪဖၪအဆၧၥၭမၧၫ့ဒဲ ခရၧၫ့အဆၧၥၭ မၧၫ့အဂးနီၪလီၫႉ ကဆါယွၩအဆၧဆိၪဂ့ၩဆိၪဘွၩအီၪမၬ ပဘၪမၩအဝ့ၫအဆၧဖံၭဆၧမၩလဖၪနီၪ ပဂဲးပဘၭအီၪမၬ ဆံၭႉ ပကဲၪထၪ့Srကဂၩယူၭစွါဘဲၫ ပအၪ့ကံၩ့ဘၩဆိၪဖၪဆၧနၧၩ့မၬ ပဖီၪ့ထၪ့ဖံၭထၪ့ဆၧဖံၭဆၧမၩလဖၪ အီၪဘၪမၬ ဆံၭႉ အ့ၪမွဲဆၧဘၩဆိၪဖၪလၩ့ၡၩအခၫ ယဘၪဖီၪ့ထၪ့ဖံၭထၪ့ဆၧဖံၭဆၧမၩလဖၪ အီၪဘၪလၧၩ့အ့ၬႉ ယၥၭဆၧၩ့လၧၩ့ ဧၪအ့ၬႉ

လၧခရၧၫ့ဖၧၩ့ဆ့ ကဂၩဒဲကဂၩ ပအီၪယံၩယံၩၡီၩ့ၡီၩ့န့မၬ ကကဲၪထၪ့အဂ့ၩထုၬအကၠီၩ့ ယဘၪကျ့ၭစၨၭအီၪလၧ ခရၧၫ့ဖၧၩ့ ဂ့ၩဂ့ၩဘၪဘၪနီၪလီၫႉ ကဂၩဒဲကဂၩ ပဆၧဂဲးဆါဘၭဆါလဖၪအဖၫ့ခိၪ ပဘၪဖ့ၪဂဲးဖ့ၪဘၭလိၬၥၭႉ ယရွံထၪ့ ဆၧၥၭမၧၫ့ယီၩဂီၩ့အခၫ ယဘၪဒၪဆၧၫ့ယၫလၧဆၧကၪဆၧဂဲၩအၪမံၩ့အၪမၠိၩႇ ယၥုၪ့ၥၭလၩ့ဆါႇ ယမ့ၬထံၫဘၪလၩ့ဝ့ၫ အခံၫ့အီၪဒၪလါနၫ့ ယကခွံၬၡိၬထးဆၧၥၭမၧၫ့ယီၩအဂး ယလအၪ့ဎၬထၪ့ဘၪနးဆိၭနီၪလီၫႉ အ့ၪမွဲယၥၭၡၫ့အထီ ယလ့ၩစိၩလၧကိၪဘိၪ့ဆံၫ့ဎံၪအီၪႇ ယဝံဖဲၫ့ဆံၫ့ဎံၪဂီၩ့ ယအၪ့န့ထၪ့ယဂဲးယဘၭနီၪလီၫႉ ယဘၪဂဲၫထဲၩ့ဒၪဆၧၫ့ယၫ ဆၧကၪဆၧဂဲၩအၪမံၩ့လါနၫ့ ကနံၩယီၩယဒိၭန့ထၪ့ဘၪ ဆၧအုၩ့လၩ့လဆိၩယၫ(တစ်သက်သစ္စာ)ယူၭနီၪလီၫႉ  ပထံၭ ၥိၭမုၪလနၩ့နၩ့ထီၩ့လၧ ဖၧၩ့ၥၭဖိၬဖၫ့မၬ စဲၪ့လၫ့ခွံၬထဲၩ့ အီၪဝ့ၫဒၪလါနၫ့ ယၧၩဝ့ၫလၧဆၧလကြၨၭဘၪအဖၧၩ့ ကဆါယွၩ ရွံထၪ့ယၧၩဂီၩ့ ယဒိၭန့ထၪ့ဘၪ ဆၧအုၩ့လၩ့လဆိၩယၫယီၩနီၪ မွဲလၧကဆါယွၩအခိးအတၩအကၠီၩ့ ယစံၭခိးစံၭတၩ ဘၪ ကဆါယွၩ ဒိၪဒိၪဒ့ၭအဂဲး ယမိလီၩဘၪနီၪလီၫႉ’’

လၧဆၧထိးဆၧၫ့ဒိၭန့ ဆၧအုၩ့လၩ့လဆိၩယၫ မံဆၩဆၧလုထၪ့အဖၧၩ့ Bp.Joha Saw Yaw Han, Bp.စောနောဧ, Bp.Justin စောမင်းသိုက်, ဒဲ Bp.Alexandar ပြုံးချိုလဖၪ ဂဲၫဖ့ၪဂဲးဖ့ၪဘၭ မၩလၩမၩဖၩ့ကၠၭ ဝ့ၫအဂဲး ပန့ဘၪဆၧပရၧၫ့ ဘဲၫယီၩအၥိၭနီၪလီၫႉ

နးအဲၪဖီၫဘွၩ

၁ႉ၂ႉ၂၂