Online ဆၧၥီၪ့လိၪယွၩလူယွၩထၫအီၪပထုၬခွံၬဒဲ မးၥံၫအဂဲး

         ဖိၪၥၪဆံၭဖိၪၥံၪလဖၪအဂး ဆၧၥီၪ့လိၪယွၩလူယွၩထၫအီၪပထုၬခွံၬဆၧနဲၪ့မးၥံၫ ဒဲစံၭခိးစံၭတၩထဲၩ့ ၦအၥီၪ့ အ့ၪယွၩလူယွၩထၫ ဘိၪ့ခိၪၥၫ့ခၫလဖၪဒဲ မံၭထၭမုၪလဖၪ ဆၧထံၪလၩ့ဒီၪလၩ့အီၪဝ့ၫဒၪလၧ၂၀၂၂နံၪ့ လၩဒံၫဇဲၩ့ဘၧၫ ၁၇ၥၫ့ အိၩနီၪလီၫႉ

      ဆၧမၩလၩမၩဖၩ့ဝ့ၫဒၪအလးမွဲလၧ မၫ့တၨၭကၭၥလံၬဆၧအီၪကီၪ့ဖၭဒိၪဖၧၩ့ ခၠၩ့ၥၫကိၩ့ဆၧအီၪကီၪ့ ဖဲၫ့ဆံၫ့ဎံၪ အမိမၫရံၫၥရိၬဖၧၩ့နီၪလီၫႉ လၧမးၥံၫကနံၩနီၪအဖၧၩ့ ဖိၪၥၪဆံၭဖိၪၥံၪဂဲၫထၪ့ဝ့ၫဒၪကအီၪဖိၭဘိၭအဂၩ ၂၅၀ဘျဲၪနီၪ လီၫႉ

       လၧမးၥံၫကနံၩနီၪအဖၧၩ့ Fr.Augustine Win Shwe, Fr.Dominic Aung Ko Myint(SDB), Sr.Thu Zar ဒဲ Online Faith Formation Srလဖၪပၫဝ့ၫဒၪနီၪလီၫႉ မံဆၩဆၧလုထၪ့ဂီၩ့ဝ့ၫအခၫ ဖိၪၥၪဆံၭဖိၪလဖၪနီၪ စံၭခိးစံၭတၩထဲၩ့ ၥၫ့မု ၥၫ့ခၫလဖၪဒဲ မံၭထၭမုၪလဖၪႇ အၪ့စၪ့ဘၪဆၧအၪ့စၪ့လဖၪဂီၩ့ အဂၫလၩ့၃နၩရံၫအခံၫ့နီၪ အီၪပထုၬခွံၬမးၥံၫနီၪလၧ ဘိၪ့ထၪ့ဘၩထၪ့ၡီၩ့ ဘိၪ့ဆံၫ့ဎံၪစဲၭကရမဲၪတူၩနီၪလီၫႉ

        အိၫလဲၩ့ဆၧၥီၪ့လိၪယွၩလူယွၩထၫယီၩနီၪ စၭထၪ့လၧကိၫဘံကဲၪထၪ့အထီ မွဲလၧဝံးမၫ့တၨၭကၭၥလံၬ ဆၧ အီၪကီၪ့ၥၫ့ခိၪဒိၪ Bp.မာကုတင်ဝင်း အဆၧဖ့ၪကိၪ့ဖ့ၪတဲၩ့အကၠီၩ့ ဆလေးရှင်းခရၧၫ့ ၥၫ့မုၥၫ့ခၫလဖၪဒဲ မံၭထၭမုၪ လဖၪနီၪ အီၪၥီၪ့အ့ၪဝ့ၫလၧ Zoom ဖၧၩ့ဂီၩ့ ဖိၪၥၪဆံၭဖိၪၥံၪလဖၪ အီၪထၪ့ဝ့ၫဒၪလၧ Zoomနီၪလီၫႉ

        ဆၧဎိၭထံၪဎိၭဒီၪယီၩနီၪ စၭထၪ့ဝ့ၫဒၪလၧ လၩယူၫအိၩဒဲ အီၪပထုၬခွံၬထဲၩ့ဝ့ၫလၧ လၩဒံၫဇဲၩ့ဘၧၫယီၩနီၪလီၫႉ ဆၧၥီၪ့လိၪယွၩလူယွၩထၫအီၪပထုၬခွံၬမးၥံၫယီၩ မၩထၪ့ဝ့ၫဒၪလၧ ခၠၩ့ၥၫကိၩ့ဇိၫ့ဂီၩ့ လၧခဲၫ့ကဆုးထဲၩ့မၩထၪ့ဝ့ၫလၧ ဝံးမၫ့တၨၭဇိၫ့ဖၧၩ့ဒဲ ပြင်ဦးလွင်ဇိၫ့ဖၧၩ့ဒံၭအဂဲး ၦမူၩဒၩအီၪ Sr.Thu Zar နီၪစံၭဝ့ၫဒၪလီၫႉ

ဆၧပရၧၫ့အခၪ့ထံၭခၪ့ဎၧၩ့ Pinky

ကွ့ၭထၪ့ခီၫ့ နးအဲၪဖီၫဘွၩ