2021နံၪ့ ဆၧမၩလၩမၩဖၩ့ ခးၥဲၫ့ထၧၫ့ဘံၪ့ယၫ ၥၭဘၪ့မုနံၩအဂး ဆၧ၁ၭအွံၪဒဲ ဆၧအၪ့ထၩ

၂၀၂၁နံၪ့ ခးၥဲၫ့ထၧၫ့ဘံၪ့ယၫအဖၧၩ့ ၥၭဘၪ့လဖၪအမုနံၩနီၪ ဘဲၫပထံၪခးယထံၫခးအၥိၭ ကမၩလၩမၩဖၩ့ဘၪဝ့ၫအဂး ၥၫ့ဎွၩဘိၭဘၪၥ့ၪယၫထၬဝ့ၫနီၪလီၫႉ

ခးၥဲၫ့ထၧၫ့ဘံၪ့ယၫၥၭဘၪ့မုနံၩအဂးဆၧ၁ၭအွံၪ အမံၩ့နီၪ မွဲလၧJesus said to me ‘Levan ta-te!Levantate! Get up! အဂဲး ကမၩလၩမၩဖၩ့ ခးၥဲၫ့ထၧၫ့ဘံၪ့ယၫၥၭဘၪ့မုနံၩ ၦလၧမူၩဒၩအီၪ လဂၩမွဲဝ့ၫ Hugo Flores Arcega နီၪစံၭဝ့ၫနီၪလီၫႉ

မွဲလၧဆၧဆၫအၧၩ့အထီအကၠီၩ့ ၥၭဘၪ့လဖၪၥၭမဲၪဆၧဂီၩ့ ထီးအီၪဂူၪၥၭလဂ့ၩ ပဒၩ့ထၬၥၭဒဲ စဲၪ့ထၪ့ ဖီၪ့ထၪ့ဖံၭထၪ့ ဆၧဖံၭဆၧမၩလၧ ပမၩန့လဖၪႇ ဘဲၫယီၩနီၪ မွဲပဘၪဒၪဆၧၫ့ယၫလၧ ဆၧအၪ့ ထၩဖၭဒိၪလါနၫ့ထီး၁ၭမဲၪလဂ့ၩ ကဆါယွၩအီၪလၧ ပနဲၩ့ထံၭဂီၩ့ ခိၭစံၭပၧၩ ဂဲထုၪ့ဆံၭနီၪလီၫႉ ဆၧနီၪ အကၠီၩ့အဝ့ၫၥံၪယီၩ ၥၭဘၪ့မုနံၩအဂး ရွံထၪ့ဘၪဆၧ၁ၭအွံၪအခိၪတၩ့လၧ ကဆါယွၩစံၭပၧၩ ဂဲထုၪ့ဆံၭ နီၪလီၫႉ

ဆၧၥၭအွံၪယီၩကရၩလၩ့ဝ့ၫလၧ ဎြံၬစဎွၩအဘိၪ့မုနံၩဂီၩ့ ကိ၂၀၂၃နံၪ့ကိ ၦၡၩကမၩလၩမၩဖၩ့ ခးၥဲၫ့ထၧၫ့ဘံၪ့ယၫၥၭဘၪ့မုနံၩလၧ Lisbonထံၪခးအဂး အီၪလၧဂၪ့ခိၪထၧၫ့ဘံၪ့ယၫအဖၧၩ့ ၁ၭဘၪ့ဖိၪ လဖၪ ဘဲၫၥိၭကအီၪတဲၩ့ဝဲၩ့ထၬၥၭအဂးနီၪ ထိစိၩထၬဝ့ၫနီၪလီၫႉ ဆၧၥၭအွံၪနီၪ ခိၪလၩဘွၩအလၨႇ စပံၫ့ဒဲ ပီၫတူၫဂံၫ အလၨလဖၪကပၫဂီၩ့ လၧဆၧၥၭအွံၪအဖၧၩ့ ဆၧအူၪဆၧဒံၩ့ကပၫဝ့ၫဒၪအၪမံၩ့နီၪ လီၫႉ

လၧဆၧၥၭအွံၪအဖၧၩ့ လီၩၥ့ၪယၫပၧၩ လၧဆၧအမုၬဖၧၩ့မွဲဂ့ၩ လၧဆၧအအုၭဖၧၩ့မွဲဂ့ၩ ကဆါ ယွၩနီၪ အီၪလၧပၧၩအဆိၩအကၠၪလီၫ ဆၧချဲၩ့ယီၩ ၥၭဘၪ့ထီးလူၬလဖၪ ကထိးဆၧၫ့ဘၪဝ့ၫအဂဲး ဆူၩနဲၩထၬဝ့ၫဒၪနီၪလီၫႉ

နးအဲၪဖီၫဘွၩ