ၦမုၪလနၩ့နၩ့ ဒုၭနဲၪဖျီၪ အဆၧၥၭအီၪ ဘဲၫၦမုၪၥံၪကဲၪထၪ့ၥၫ့မုၥၫ့ခၫကန့အဂး

ဘၪထွ့ၪလၧ ကဲၬၥလံၬမိဆၧအီၪကီၪ့ယီၩ ပဒၩ့ထၬ ၦမုၪၥံၪကကဲၪထၪ့ၥၫ့မုၥၫ့ခၫ အဆၧကဲၪအဂးနီၪ လၧအဖီၩ့ခွံၬ အစီၩ့မုနံၩအိၩ အီၪလၧဝံးရီမၭ ၦမုၪလနၩ့ ဒုၭနဲၪဖျီၪအဆၧၥၭအီၪနီၪလီၫႉ
ဘၪထွ့ၪလၧ အဝ့ၫၥံၪဒုၭနဲၪဖျီၪထၪ့ အဆၧၥၭအီၪဘဲၫယီၩၥိၭနီၪ မွဲလၧအဝ့ၫၥံၪကမိအၪ့လဲၩ့ထၪ့ မိဆၧအီၪကီၪ့အၥနိၫ့ လနၩ့နၩ့အကၠီၩ့နီၪလီၫႉ အဝ့ၫၥံၪယီၩ ဒုၭနဲၪဖျီၪအဆၧၥၭအီၪအလးနီၪ မွဲလၧခးၥဲၫထၧၫ့ဘံၪ့ယၫ ကၫဒံၫနဲၫလဖၪ မၩဎိၭလၩ့ ဆၧအီၪကီၪ့အလးမ့ၬယၫနီၪလီၫႉ
ၦမုၪၥံၪယီၩ ဒုၭဖျီၪထၪ့အဆၧၥၭအီၪလဖၪ လၧခိၪလၩဘွၩအလၨခီၫ မွဲလၧ “ဖ့ၪကဲၪထၪ့ၦမုၪၥံၪလဖၪၥၫ့မုၥၫ့ခၫဆံၭႉ ဆၧအီၪက့ၪပဲၩ မုၪႇခွၫ ဆၧမၩနီၪ မွဲလၧဆၧဒဲၭဘၭလီၫႉ ၦမုၪလဖၪနီၪ အီၪစၭထၪ့လၧ ဆၧအၪ့လဲၩထၪ့နီၪလီၫႉ ခိၭနၪဘၪ ၦဆူၩနဲၩ ဖိၪလဖၪအလူဆံၭႉ လၧယီၩၦမုၪလၧအလၩ့ဆၫ့လၩ့မဲၩလဖၪအီၪဝ့ၫဒၪလီၫႉ” ကိၭၡါအလူဘဲၫနီၪဂီၩ့ ဒုၭနဲၪဖျီၪထၪ့အဆၧၥၭအီၪ နီၪလီၫႉ ဘၫတံၫကၫ့ၦဒူၩဖိၪလဖၪ ဖီၪ့ထၬအဝ့ၫၥံၪဂီၩ့ အၪ့စၪ့ဝ့ၫၥံၪအခၫ အဝ့ၫၥံၭစံၭဆၧၫ့ထဲၩ့ ဘဲၫၦဆူၩနဲၩဎြံၬဖိၪ ဆၧအီၪကီၪ့ ၥရိၬအဂူၫဂၩဖၧၩ့ ၦမုၪၥံၪကဲၪထၪ့ၥၫ့မုၥၫ့ခၫန့အၥိၭ ကဲၬၥလံၬမိဆၧအီၪကီၪ့ယီၩဆ့ ကဒုၭကဲၪထၪ့ၦမုၪလဖၪၥၫ့မုၥၫ့ခၫအဂး အဝ့ၫၥံၪယီၩ ဂဲၫထဲၩ့ဝါၡီၩ့ထၬအီၪအနံၪ့အၪမၬယူၭအဂဲး စံၭဆၧၫ့ထဲၩ့ဝ့ၫဒၪနီၪလီၫႉ
ၦလၧကဘၪထိးရွံထၪ့ထဲၩ့အၥၭလၧ ၥၫ့ဎွၩအလး ကၫဒံၫနဲၫအဂၩ၂၀နီၪ ၥၫ့ဎွၩဖရၫ့စံကိၭဘၪ ဆၧအီၪကီၪ့ဎိၭလၩ့အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ
နးအဲၪဖီၫဘွၩ