Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ၥၫ့ဎွၩအီၪတဲၩ့ဝဲၩ့ထၬ ဆၧၥံၫအဖၧၩ့လၧ စိန့်မေရီမေဂျာဘာစီလီကာ ၥရိၬလးဝၩ့ဖၧၩ့အဂဲး
လၧလယံၬလမီးဒံၭဘၪအိၩ ၥၫ့ဎွၩဖရၫ့စ့ ဒၪဎိၭလၩ့လိၬၥၭလၧ မက္ကစီကန်ဆၧပရၧၫ့လးဖၧၩ့ ၦလီၩ့အၪ့ထုၪ့ ဆၧပရၧၫ့လဂၩဂီၩ့ အမံၩ့အီၪဝ့ၫဒၪလၧ Salus Populi Romani မိမၫရံၫအရိးကၠဲၬနီၪ ၥၫ့ဎွၩယီၩ အဲၪဒိၭဝ့ၫဒၪအကၠီၩ့ အဝ့ၫအၥံၫအဖၧၩ့နီၪ အီၪက့ၪထၬဝ့ၫဒၪလၧ စိန့်မေရီမေဂျာဘာစီလီကာၥရိၬလးဝၩ့ဖၧၩ့အဂဲးၦအဂဲၫအၪ့ထုၪ့ ဆၧပရၧၫ့ နီၪ ကွ့ၭထံၭလၫ့ထၬဝ့ၫလၧ ဆိၫၡဲၫမံၫဒံၫယၫအဖၫ့ခိၪလီၫႉ
ၥၫ့ဎွၩနီၪ လချုၭလ့ၩဒံၭဘၪလၧ ထံၪခးဂူၫဂၩအခံၫ့ဒဲ လချုၭမၩလၩမၩဖၩ့ဒံၭဘၪ ဘိၪ့မုနံၩအဂူၫဂၩအခံၫ့နီၪ လ့ၩအၪ့ ကံၩ့ဘၩဆိၪဖၪယံၩယါဆၧလၧ မိမၫရံၫအလိးကၠဲၬအီၪဝ့ၫဒၪအလး ဘၫစံၩလံၫကၫယီၩနီၪလီၫႉ ၥၫ့ဎွၩယီၩ အၥၭဂဲၫဎိၩထၪ့ ယူၭအကၠီၩ့ ဆၧၥံၫအဂးဆ့ မွဲအီၪတဲၩ့ဝဲၩ့ဆိၫထၬအၥၭယူၭအဂဲး လီၩယံၩယါအ့ၪ ဘၫတံၫကၫ့ဖၧၩ့ၦမူၩဒၩအီၪလဖၪနီၪလီၫႉ
လကၭဒံၭဘၪ ကနံၪ့ယီၩအထးဖၧၩ့ အဆၧဆီၪဆၧချဲၫ့လဂ့ၩဘၪလါနၫ့ဂ့ၩ ကအီၪပွံၩလၧၥၫ့ဎွၩလဂၩအလးနီၪ မွဲလအၪ့ဎၬယံၩယါဘၪဝ့ၫနးကၠၪအဂဲး ဆုးထဲၩ့စံၭဝ့ၫဒံၭနီၪလီၫႉ ၂၀၂၃နံၪ့ဖၧၩ့ ၥၫ့ဎွၩဘယ်နဒစ် ၁၆ဂၩလဂၩ အီၪပွံၩခွံၬလၧ ၥၫ့ဎွၩလဂၩအလးအခံၫ့ဒၪအိၩ မၩဖးထၪ့ၦၡၩနီၪလီၫႉ
ၥၫ့ဎွၩဘယ်နဒစ်၁၆ဂၩလဂၩနီၪ ဆၧဆၪ့လၩ့ၥုၪ့ဆၪ့လၩ့ၥၭအီၪဝ့ၫဒဲ အဝ့ၫယိၭန့မူၩဒၩယီၩလန့လၧၩ့ဘၪအခံၫ့နီၪ လၧဆၧဒူၩဆၧယးအဖၧၩ့ အီၪဖျါပထုၬခွံၬအမူၩဒၩလဖၪဂီၩ့ အီၪပွံၩခွံၬဝ့ၫဒၪလီၫႉ ပကဘၪအၪ့န့အဝ့ၫအဆၧဒီၩ့ဆၧထ့ၬယီၩ နီၪလီၫႉ ယၧၩဆၧ ယလနၧၩ့လၧၩ့ဘၪမူၩဒၩနီၪ ဘဲၫယခွံၬလၩ့ထၬခွံၬကန့အဂး ယအၪ့ကံၩ့ဘၩဆိၪဖၪအၥိၭ ဘဲၫကဆါယွၩ အလိၫအီၪယၧၩအၥိၭ ယဆုးထဲၩ့ယိၭထၪ့ယမူၩဒၩကန့အဂး လိၫဝ့ၫဒၪဂဲးဘၭလဖၪနီၪ မွဲယအၪ့ကံၩ့လၧယွၩအီၪဆ့ႉ ၥၫ့ဎွၩ ဖရၫ့စံ စံၭဝ့ၫဒၪဘဲၫနီၪအဂဲး ၦအလ့ၩအၪ့ထုၪ့ဆၧပရၧၫ့လဂၩနီၪ လီၩၥ့ၪယၫထဲၩ့ ၦခမျၧးလဖၪနီၪလီၫႉ
နးအဲၪဖီၫဘွၩ
Add new comment