ၥၫ့ဎွၩဖရၫ့စံ ရွံထၪ့ထဲၩ့ ခးပယၩ့ဖၧၩ့ ၥၫ့ခိၪဒိၪ Bp.John Saw Yaw Han လၧကျိုင်းတုံဆၧအီၪကီၪ့အဂးအဂဲး

လၧ၂၀၂၂နံၪ့ လၩနိၫဝံၩဘၧၫ၄ၥၫ့ဒၪအိၩ ကျိုင်းတုံဆၧအီၪကီၪ့အဂး ၥၫ့ဎွၩရွံထၪ့ထဲၩ့ Bp.John စောယောဟန် အဂဲး ဘိၭဘၪၥ့ၪယၫထၪ့ဝ့ၫဒၪနီၪလီၫႉ

         ၥၫ့ခိၪဒိၪ Bp.John စောယောဟန် နီၪ လၧအဖီၩ့ခွံၬ ၁၉၉၅နံၪ့ လၩမၫၡၭ၁၈ၥၫ့ဒၪအိၩ ကဲၪထၪ့ဘၪဘိၪ့ခိၪၥၫ့ခၫ လဂၩဂီၩ့ ၁၉၉၇-၉၈နံၪ့နီၪ ဘၪဖီၪ့ထၪ့ဖံၭဖၪ့ကဆါယွၩအဆၧဖံၭဆၧမၩလၧ ကျိုင်းတုံ ဆၧအီၪကီၪ့ဖၧၩ့နီၪလီၫႉ အဝ့ၫယီၩ လၧ အဖီၩ့ခွံၬ နံၪ့၂၀၁၅နံၪ့ လၩအ့ၫဖြ့ၫ၁၂ၥၫ့အိၩ ကဲၪထၪ့ဘၪ ဝံးတခိၩ့ဆၧအီၪကီၪ့ၥၫ့ခိၪဒိၪကဂၩနီၪလီၫႉ

         လၧလၩအီၭတိၫဘၧၫ ၉ၥၫ့ဒၪအိၩ ၥၫ့ခိၪဒိၪယီၩလ့ၩဂၭကွ့ၩစိၩလၧ ကျိုင်းတုံဆၧအီၪကီၪ့အထီ ၦဆူနဲၩဖိၪလဖၪနီၪ အၪ့ဂၬ ထိးဆၧၫ့အဝ့ၫဂ့ၩဂ့ၩဘၪဘၪနီၪလီၫႉ အဝ့ၫယီၩလၧမုဆၫ၁၂နၩရံၩနီၪ လ့ၩထီၩ့စိၩလၧ ကျိုင်းတုံဆၧအီၪကီၪ့ဂီၩ့ ၥၫ့မုၥၫ့ခၫလဖၪႇ မံၭထၭမုၪႇ မံၭထၭခွၫလဖၪ ဒဲ ၦဆူနဲၩဖိၪလဖၪ အၪ့ဂၬထိးဆၧၫ့အဝ့ၫ မုၬမုၬလၩလၩနီၪလီၫႉ ဂီၩ့ ၥၫ့ခိၪဒိၪယီၩ လ့ၩအီၪကွ့ၩစိၩလၧ ၥၫ့ခိၪဒိၪအေသန်း(အီၪပွံၭ) အအီၪနီၪလီၫႉ ၥၫ့ခိၪဒိၪလ့ၩစိၩလၧ ကျိုင်းတုံကဘျၩ့ယီၩနီၪ မွဲဒၪလ့ၩဂၭကွ့ၭစိၩကဆိကလးလီၫဂီၩ့ အဝ့ၫယီၩ ကလ့ၩစိၩလၧကျိုင်းတုံဆၧအီၪကီၪ့အဂီၩ့နီၪဆံၭလဲၪအဂဲး ကဆုးထဲၩ့ဘိၭဘၪၥ့ၪယၫဝ့ၫနီၪလီၫႉ