ၥၫ့ဎွၩဖရၫ့စံၭ ဒၪခီၩ့လိၬၥၭလၧ ဆွစ်ဇာလန်ထံၫခး ခးဒိၪအဂဲး

လၧအဖီၩ့ခွံၬပြီပတံၭမုနံၩအိၩ ၥၫ့ဎွၩဖရၫ့စံၭ လ့ၩဒၪခီၩ့လိၬၥၭလၧ ဆွစ်ဇာလန်ထံၫခး ခးဒိၪ Guy Parmelin နံၫဂၩဎးနီၪလီၫႉ

          အဝ့ၫၥံၪဒၪလၩ့ဎိၭဘၪလိၬၥၭအကၠီၩ့ ၥုၪ့ဎွံၫၥၭယီၫဝ့ၫဒဲ ကဆုးထဲၩ့မၩဎိၭလၩ့ကၠၭ ဘၪထွ့ၪလၧ ခးၥဲၫ့ထၧၫ့ဘံၪ့ယၫ ထံၫဂဲးခးဂဲးလဖၪအဂဲး ထုၬဖျီၪထၪ့ လီၩကၠၭဝ့ၫနီၪလီၫႉ

          လၧလၩမေ၆ၥၫ့အထီဒၪအိၩ ၦၡၩကိၭဝ့ၫလၧ ဗာတီကန်ရဲ ဒူၩယၪ့ဖိၪလဖၪ(၃၄)ဂၩနီၪ ထိး ဆၧၫ့ဒိၭန့ဆၧအုၩ့လၩ့ဆၫ့လၩ့ ဆၧဎိၭထံၪဎိၭဒီၪ အီၪဝ့ၫလၧ ဗာတီကန်လးဝၩ့ဖၧၩ့နီၪလီၫႉ လၧဆၧဎိၭ ထံၪဎိၭဒီၪနီၪအဖၧၩ့ ၥၫ့ဎွၩဒဲ ဆွစ်ဇာလန်ထံၪခး ခးဒိၪ နံၫဂၩလူၬနီၪ အၪ့အူၭအၪ့ဎၧၩ့ဘၪ ဒူၩယၪ့ဖိၪ လဖၪ အဆၧဖ့ၪလၫ့လၩ့ၥၭအဂဲး လဖၪနီၪလီၫႉ

           အၥိၭနံၫဂၩနီၪ ကဂၩဒဲကဂၩ ဖ့ၪဆၧၫ့ထဲၩ့လိၬၥၭ လၬဆီၪ့လဖၪဂီၩ့ကကၠၪ ခးဒိၪနီၪ ဆုးထဲၩ့ ဒၪဎိၭလၩ့လိၬၥၭလၧ ကၫဒံၫနဲၪ Pietro Parolin ဒဲ ၦမူၩဒၩအီၪလၧထံၫခး ခးဆၧၫ့အဂး ၥၫ့ခိၪဒိၪ Paul Richard Gallagher လဖၪအဂဲး ပန့ဘၪဆၧပရၧၫ့ ဘဲၫယီၩအၥိၭနီၪလီၫႉ

နးအဲၪဖီၫဘွၩ