ၥၫ့ဎွၩဖရၫ့စံၭဖ့ၪလၫ့ဘၪ ဆၧမၩဆၧၩ့လဖၪနီၪ ၥိၫ့စိၩဝ့ၫလၧ ကိၫဘံဆၧဆၫ ဘၪဂါအနၭထုၬထံၪခးလဖၪအဂဲး

စၭထၪ့လၧ ကိၫဘံဆၧဆၫကဲၪထၪ့အိၩ ထီးမုဆၫကနံၩယီၩ ဂၪ့ခိၪထၧၫ့ဖျိၪယၫအဖၧၩ့ ဆၧဆၫဘၪဂါၦၡၩအီၪဝ့ၫဒၪ ဖိၭဘိၭ၁၇၈ခွးဂီၩ့ ၃ခွးဘျဲၪနီၪ ၦၡၩၥံၪဝ့ၫဒၪနီၪလီၫႉ ဆၧနီၪအ ကၠီၩ့ ခီၫ့ၡၩမွဲဂ့ၩႇ ၡၩခံးဂးမွဲဂ့ၩ လၩ့ဆ့ၭလၩ့ယွၩဝ့ၫဒၪ အၪမၬနီၪလီၫႉ

ထံၪခးလၧ အကဲၪဒိၪလဖၪနီၪ ဆ့ၭဆၧပဒၩ့ထၬကိၫဘံဆၧဆၫၥံၪ့ဎွံၪန့ ဂ့ၩဂ့ၩဘၪဘၪ လါနၫ့ ထံၪခးလၧအၡၪ့အယၬလဖၪနီၪ ကဆ့ၭဘၪၥံၪ့ဎွံၪယီၩအဂး ဆၧလၧၫ့ဆၧဎွ့ၩလအီၪဘၪ နီၪလီၫႉ  ဆၧနီၪအကၠီၩ့ ထံၪခးအၡၪ့အယၬလဖၪ ဘဲၫကဆ့ၭဘၪ ဆၧပဒၩ့ထၬကိၫဘံဆၧဆၫ ၥံၪ့ဎွံၪအဂး ၥၫ့ဎွၩကျ့ၭစၨၭထၪ့ထဲၩ့ လခဲၫ့ကဘျၩ့နီၪလီၫႉ

ၥၫ့ဎွၩဖရၫ့စံၭယီၩ ကမၩဘိၪ့ထၪ့ ပၥၪအဂးစဲၭလဖၪ ဒဲ ၥံၪ့ဎွံၪဖၭစၧၩ့လဖၪနီၪလီၫႉ အဝ့ၫ ကမၩဘိၪ့ဝ့ၫဒၪထံၪခး (၉) ခးဂီၩ့ ထံၪခးလဖၪနီၪ မွဲဝ့ၫဒၪ ဘရၫဇံၩႇ ကိၫလၫ့ဘံၫယၫႇ အၫဂၠံၫ တံၩနၩႇ အံၫ့ဒံယၬႇ ခၠံၫလံၫႇ တီၫ့အၫဖရံကၭႇ ဘိၫလံၩဘံၫယၫႇ ဆံၩရံၩယၩ ဒဲ ပၫပူၫဝၫနယူၩဂံၫ နံၫ ထံၪခးလဖၪနီၪလီၫႉ မုဆၫကနံၩယီၩ ထံၪခးလၧ အဘၪထိး ကိၫဘံဆၧဆၫအနၭထုၬနီၪ မွဲလၧဘရၫဇံၩဒဲ အံၫ့ဒံယၬအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ