ၥၫ့ဎွၩဒိၪဖရၫ့စ့ၭလုထၪ့ယွၩအဆၧယၫ့ၥုၪ့ယၫ့ၥၭအဘိၪ့မုနံၩမံဆၩ

လၩအ့ဎြ့ၫထၪ့ (၁၁) ၥၫ့ႇ မုဂၫနံၩအိၩႇ ၥၫ့ဎွၩဒိၪဖရၫ့စ့ၭ ကၠၧၫ့ကၠၧၫ့လၧၦအဂၩ (၈၀) မၩလၩမၩဖၩ့ ယွၩအဆၧယၫ့ၥုၪ့ယၫ့ၥၭ ဘိၪ့မုနံၩ လၧ Santo Spirito ဘၩယွၩၥရိၬဖၧၩ့လီၫႉ

 Covid ဘၪဂၭဆၧဆၫအထီယီၩအကၠီၩ့ႇ ၦအဂၩ ၈၀လၧၫ့ ဂဲၫထၪ့လုထၪ့ဘၪမံဆၩလၧၥရိၬဖၧၩ့ယီၩလီၫႉ လၧမံၩဆၧဆၧလုထၪ့အဖၧၩ့ယီၩႇ ၦလၧအဘၪလၩ့လၧထီၫ့ဖၧၩ့လဖၪႇ ၦလၧအယိၦစူၭၦဆၫလဖၪႇ ၦအီၪလမုၬဆီၪ့လချဲၫ့ ဘၪလဖၪႇ ဒဲၥၫ့မုၥၫ့ခၫၥံၪလဖၪဂဲၫဘၩလၩ့ဎိၭယွၩကၠၧၫ့ကၠၧၫ့လီၫႉ

အဆၧလီၩလၩ့လၬလၩ့အဖၧၩ့ႇ ၥၫ့ဎွၩဒိၪဖရၫ့စ့ၭစံၭဝ့ၫႇ

“ကဆါယွၩ မၩမၧၫ့ထၪ့အထံၩအဖျဲအၥုၪ့အၥၭႇ အၪ့လဲၩထၪ့အဝ့ၫၥံၪအၥၭ ခၪ့ဖျီၪ့လၧဆၧယၫ့ၥုၪ့ယၫ့ၥၭလီၫႉ အထံၩအဖျဲလၧအဒိၭန့ဘၪဆၧယၫ့ၥၭလဖၪယီၩႇ ကဲၪထၪ့ၦလၧအယၫ့ၥုၪ့ယၫ့ၥၭဆၧလဖၪလီၫႉ အထံၩအဖျဲၥံၪန့ ဘၪအခိးအတၭ(၃) မံၩ့လၧအကဆါယွၩအအီၪႇ မွဲဝ့ၫႇ ဆၧဎူၫဆၧဎၩ့ႇ ၥၭမုဆံၫ့ဎံၪ ဒဲအဝ့ၫအဖၧၩ့လးလဖၪ(ဆၧထိးနိၫ့ထိးနၭ) လီၫႉ”

ကဆါယ့ၫၡူၬအဆၧမုၬဆၧလၩနီၪ ဒုၭခၪ့ဂၭအထံၩအဖျဲၥံၪလၧဆၧၥုၪ့အုၭၥၭအုၭတၭႇ ထီၩ့စိၩဝ့ၫလၧႇ ဆၧမၩယွၩအဆၧမၩအလးအကၠီၩ့ႇ ဆၧမၩယွၩအဆၧမၩယီၩ ဘူၪဘူၪယီၫယီၫလန့ဘၪတၭႇ လါနၫ့ပ ဘၪမၩလၧဆၧကၪဆၧဂဲၩဖၧၩ့အကၠီၩ့ႇ ကဆါယွၩနဲၪဖျီၪထၪ့ အဆၧယၫ့ၥုၪ့ယၫ့ၥၭလၧအဆၧဖ့ၪလၫ့ဆၧကွဲၪဖျါလၧၥၭမုဆံၫ့ဎံၪလီၫႉ ဆၧကွဲၪဖျါလၧၥၭဆံၫ့ဎံၪယီၩႇ မွဲ ဘိၪ့လ့ၩဖၭအခိးအတၭလၧအဖ့ၪလၫ့ပၧၩဆၧဂဲးထၧၫ့မၧၫ့ထၪ့ထဲၩ့အကၠီၩ့ႇ ၥၫ့ဎွၩဒိၪၥီၪ့ထဲၭၥၪ့ထဲၩ့ ၦဆူနဲၩဖိၪလဖၪလီၫႉ

အလးခဲၫ့ထုၬ ၥၫ့ဎွၩဒိၪဖရၫ့စ့ၭ ဘၩဆိၪဖၪဆၧစံၭဝ့ၫႇ “ဘဲၫၥိၭ ပဆၧဆူနဲၩကဒိၪထၪ့မၧၫ့ထၪ့ႇ ပဆၧၥၭမၧၫ့ကအီၪလမံၩ့ဎးႇ ပလီၩလၩ့လၬလၩ့ ယွၩအဆၧၥၭထိၬပရၧၫ့ႇ မွဲဝ့ၫ ဆၧယၫ့ၥုၪ့ယၫ့ၥၭဆၧၥၭထိၬကန့ဝ့ၫအဂးႇ

ဆၧဎူၫဆၧဎၩ့ႇ ဆၧကွဲၪဖျါ ဒဲယ့ၫၡူၬလၧၫ့ဎွ့ၩလၧဆၧယၫ့ၥုၪ့ယၫ့ၥၭဆၧ အဖၧၩ့လးလဖၪ မွဲကမၩကဲၪထၪ့(အၪ့လဲၩထၪ့ထဲၩ့) ပၧၩအၥၫ့လါဆံၭႉ မွဲပကကဲၪထၪ့ၦထိးအၥၭလၧဆၧယၫ့ၥုၪ့ယၫ့ၥၭအဂး ပကအၪ့ကံၩ့ဘၩဆိၪဖၪလါဆံၭႉ

လၧအခၪ့ထံၭအိၩႇ အဘိၪ့မုနံၩယီၩ ဘၪဆၧမၩလၩမၩဖၩ့ဝ့ၫန့ၫလၧခးပိၫလၫ့ဖၧၩ့လါနၫ့ စၭထၪ့လၧ နံၪ့၂၀၀၀ႇ လၧအ့ဎြ့ၫထၪ့ ၃၀ႇ လၧမံၭထၭမုၪဖီၭစတံၩနၩကိၫဝၫစကၫ ဘၪဆၧမၩကဲၪထၪ့ၦဆံၫ့ဎံၪလဂၭမုနံၩနီၪႇ ဘိၪ့မုနံၩယီၩ ဘၪဆၧမၩလၩမၩဖၩ့ဝ့ၫ လၧဘိၪ့လ့ၩဖၭမုအီၪပွံၭနံၩဂီၩ့ မုနွ့ၫ(၂) နွ့ၫလနွ့ၫႇ လၧဆၧအီၪကီၪ့ထၧၫ့ဘံၪ့ယၫအဖၧၩ့နီၪလီၫႉ

Add new comment

12 + 3 =