ၥၫ့ဎွၩဒိၪထံၭလၫ့ထဲၩ့ နယူၩယီၭၥၫ့ခိၪဒိၪနီၪ ခးၥဲၫ့ထၧၫ့ဘံၪ့ယၪၥၫ့ခိၪဒိၪလဖၪအကျၩ မွဲဝ့ၫဒၪအၥၭအဆံၭထုၬအဂဲး

လၧအဖီၩ့ခွံၬလၩဇၫ့နဝ့ၩရံၫ၂၅ၥၫ့ဒၪအိၩ နယူၩယီၭထံၪခးဖၧၩ့လိၪဝ့ၫဒၪၥၫ့ခိၪဒိၪအဂး ၥၫ့ဎွၩရွံထၪ့ထဲၩ့ ၥၫ့ခိၪ ဒိၪ၂ဂၩနီၪလီၫႉ ၥၫ့ခိၪဒိၪနံၫဂၩအကျၩ Fr.Espaillatနီၪ ခးၥဲၫ့ထၧၫ့ဘံၪ့ယၪၥၫ့ခိၪဒိၪလဖၪအကျၩ အၥၭအဆံၭထုၬၥၫ့ ခိၪဒိၪကဂၩနီၪလီၫႉ

Fr.Joseph A.Espaillat ဒဲ Fr. John S.Bonnici လဖၪနီၪ ဘၪထိးရွံထၪ့အၥၭလၧ ၥၫ့ခိၪဒိၪအဆၧကဲၪ အဂဲး ဘၫတံၫကၫ့ဆၧပရၧၫ့အဖၧၩ့ ဘိၭဘၪၥ့ၪယၫထၬဝ့ၫနီၪလီၫႉ Fr.Joseph A.Espaillat နီၪ အီၪဖျဲၪထၪ့လၧ ၁၉၇၆နံၪ့ လၩဒံၫဇ့ၩဘၧၫ့၂၇ၥၫ့နီၪလီၫႉ ဘဲၫယီၩနီၪ အဝ့ၫအၥၭအီၪထၪ့ဘၭဝ့ၫဒၪ ၄၅နံၪ့ဂီၩ့ အဝ့ၫယီၩနီၪမွဲလၧ နယူၩယီၭ ကဲၬၥလံၬဆၧအီၪကီၪ့အဖၧၩ့ ဆၧဂဲၩဝၭထၪ့နးၥၭခိၪနါဒိၪ Director ၦဎိၭဒီၪဆၧကဂၩနီၪလီၫႉ

လၧ၂၀၂၁နံၪ့ဒၪအိၩနီၪ အဝ့ၫယီၩဂဲၫထဲၩ့မၩကဲၪထၪ့ထၬ Sainthood in the city ဆၧရၩလၩ့နီၪလီၫႉ ဆၧ ရၩလၩ့နီၪအဖၧၩ့ ရၩလၩ့ဝ့ၫဒၪ ဆၧဆူၩနဲၩအဂဲးလဖၪႇ ဆၧၥၭအွံၪၥၭဆၧၫ့လဖၪႇ ဆၧကွ့ၩၥဲၪအဂဲးအဖးလဖၪဒဲ ဆၧကီၩ့ဆၧၥိၭလဖၪအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ

၂၆ႉ၁ႉ၂၂