ၥၫ့ခိၪဒိၪလၧအဘၪထိးဖီၪ့ထၬၥၭလဂၩအအီၪ ကၫဒံၫနဲၪလ့ၩအီၪကွ့ၩအဂဲး

နီပါရာဂွာထံၪခး Managua ဆၧအီကီၪ့ခိၪနါ ကၫဒံၫနဲၫ Leopoldo Brenes နီၪ လ့ၩဂၭကွ့ၩစိၩလၧ ၥၫ့ခိၪဒိၪ အဘၪထိးဖီၪ့ထၬအၥၭ Bp.Rolando Alvarez အအီၪနီၪလီၫႉ
ၥၫ့ခိၪဒိၪယီၩနီၪ လၧလၩအီဂၭ ၁၉ၥၫ့ဒၪအိၩ ဘၪထိးဖီၪ့အၥၭဂီၩ့ ယံၭဝ့ၫကဆိမၬ ကၫဒံၫနဲၫယီၩ လ့ၩအီၪကွ့ၩ အဝ့ၫ နီၪလီၫႉ အဝ့ၫၥံၪဒၪလိၬၥၭဂီၩ့ ကၫဒံၫနဲၫယီၩ ထုၬထၪ့လံၬကဘံၪ့နီၪလီၫႉ လၧလံၬဖၧၩ့နီၪ ကွ့ၭထၬဝ့ၫဒၪ ၥၫ့ခိၪဒိၪ Bp.Rolando Alvarezနီၪ အဆၧဆီၪ့ဆၧချဲၩ့လဂ့ၩဘၪနၭမၬဒ့ၭအဂဲးႇ လါနၫ့အဝ့ၫယီၩ အၥၭဒဲ အဆၧထိးဆၧၫ့ထၬနီၪ မွဲအဂဲးဆီၪ့ဝ့ၫအၪမၬ အဂဲးႇ ၥၫ့ခိၪဒိၪယီၩအဂး ကၫဒံၫနဲၫယီၩမွဲအၥၭလမုၬဘၪအဂဲးႇ အဝ့ၫယီၩလခွံၬၡိၬထၬဘၪ ၥၫ့ခိၪဒိၪအဆၧအီၪကီၪ့ဒဲ ယိထဲၩ့ ခွါထဲၩ့ဝ့ၫ ဘူၭဘူၭထံးထံးအဂဲးႇ ၥၫ့ခိၪဒိၪနီၪ ဘၪထိးဖီၪ့ထၬအၥၭလၧထီၫ့အဂံၪ့(အိမ်အကျယ်ချုပ်)အဂဲးႇ ဆၧဘၪလိၬဎွ့ၪဎီၩ့ လအီၪဘၪအဂး ၥၫ့ခိၪဒိၪယီၩ ထုၬဖျီၪထၪ့ဝ့ၫဘဲၫယီၩၥိၭနီၪ နီပါရာဂွာထံၪခး ကၫၥိၫလံၬဆၧအီၪကီၪ့ယီၩ ဖ့ၪလၩဖ့ၪဖၩ့ဘၪ အဝ့ၫအဂဲးႇ လကၭဒံၭဘၪ မွဲလၧၥၫ့ခိၪဒိၪယီၩအဂး ၦဆူၩနဲၩဖိၪလဖၪ ကဘၪအၪ့ကံၩ့ဘၩဆိၪဖၪဆၧအၪအၪအဂဲးႇ ကၫဒံၫနဲၫ ယီၩ ကယိထွ့ၪထဲၩ့အ့ၪၥၫ့ခိၪဒိၪအၥိၪဖိၪလဖၪအဂဲး ကွ့ၭလၩ့ထၬဝ့ၫဒၪနီၪလီၫႉ
ၦဒူၩဖိၪလဖၪစံၭဝ့ၫနီၪ ၦအဘၪထိးဖီၪ့ထၬၥၭ ၥၫ့မုၥၫ့ခၫလဖၪဒဲ Broလဖၪနီၪ ၥိၫ့ထၬဝ့ၫလၧ El Chipote ထီၫ့နီၪလီၫႉ ထီၫ့အနီၪ အမံၩ့ဎိၩဝ့ၫလၧ မၩနၧၩ့မၩစၪ ၦအထၪ့ဒူၪဒၩခးခိၪဒိၪ ၥၫ့မုၥၫ့ခၫလဖၪဒဲ Broလဖၪ နၭမၬဒ့ၭအဂဲးနီၪလီၫႉ ၥၫ့ခိၪဒိၪ နီၪဘိၭ ၦၡၩခွံၬလၩ့ ဆၧၥူၭဆၧမၪန့ဝ့ၫနံၫမံၩ့အဂဲး ကမံၩ့နီၪ မွဲလၧကဘၪစဲၪ့ထၪ့ခွံၬလၧထံၪခးဖၧၩ့ဒဲ လခဲၫ့ကမံၩ့နီၪမွဲလၧ ကဘၪ လၩ့လၧထီၫ့ဖၧၩ့အဂဲး ခီၫ့ရး Martha Patricia Molina Montenegro နီၪစံၭဝ့ၫလီၫႉ တခၩကကဲၪဆၧနးမံၩ့ ကနၪ့စဲၪ့ထၪ့ခွံၬ ၥၫ့ခိၪဒိၪ လၧထံၪခးဖၧၩ့နီၪ မွဲထိးဆၧၫ့ဝ့ၫလနၧၩ့ဘၪအဂဲးအဝ့ၫယီၩ စံၭဝ့ၫဒၪနီၪလီၫႉ
နးအဲၪဖီၫဘွၩ