ၥံၪဖီၩ့ခွံၬဂီၩ့ အီၪထၪ့ဘၭဝ့ၫဒၪ(အနံၪ၇၀)မၬ ထဲၩ့ထီၩ့ဘၪလၧအထံၫအခး ၥုၭၥၫ့ခၫ Emil Kapaun အစွၫအဂဲး

ၥၫ့ခၫ Emil Lapaun နီၪ လၧ ၁၉၅၁နံၪ့ ကိၫရံၩယၩထံၫခး ဆၧဒုၭၥုၭအဖၧၩ့ ၥံၫထးဝ့ၫ ဒၪလၧ POW ၥုၭလးနီၪလီၫႉ အဝ့ၫယီၩနီၪ မွဲအမ့ၫရံကၫ့ထံၫခးႇ ကၫ့ဆၬဆၨၩခးဒီၪ့ႇ ဝံၫခၠံၫဆၧအီၪ ကီၪ့ဖၧၩ့ ကဲၭ၁လံၬဆၧအီၪကီၪ့ဖိၪကဂၩနီၪလီၫႉ

အဝ့ၫၥံၫဖီၩ့ခွံၬဂီၩ့ ထၪ့ဘၭအနံၪ့(၇၀)မၬ အစွၫနီၪဂဲၫထဲၩ့ထီၩ့ထဲၩ့လၧ အထံၫအခးဂီၩ့ ၦၡၩက ဘၧၩ့လၩ့ထဲၩ့လၧ ဘၪဆၧဒၧၩ့ထၪ့လၧ အဖီၩ့ဖျ့ၭဆၧဒဲၩဘၭ မိမၫရံၫ ၥရိၬနီၪလီၫႉ လကၭဒံၭဘၪ ၦၡၩ ကထံၭထၪ့အဝ့ၫလၧ ၦဆံၫ့ဎံၫအလးအလၩအဂးဆ့ ၦၡၩဎိၭဒီၪမၩထၪ့ယူၭနီၪလီၫႉ

အဝ့ၫအစွၫ ဘၪဂဲၫထဲၩ့ထီၩ့ဘဲၫယီၩလီၫနီၪ ဘၪန့လဲၪစွါဘဲၫ လၧအဝ့ၫၥံၫဒၪအခံၫ့အိၩ မွဲလၧ ကိၫရံၩယၩဆၧဒုၭၥုၭထၪ့အခံၫ့အကၠီၩ့ ၦၡၩဘၧၩ့လၩ့ထၬအဝ့ၫအလးနီၪ ၦၡၩမၩထၬဆၧနဲၪ့လန့ဘၪ နးမံၩ့အကၠီၩ့နီၪလီၫႉ ဘဲၫယီၩနီၪ မွဲလၧဆၧလီၩ့ဖၧးလၫ့ထဲၩ့ ကိၫရံၩယၩဆၧဒုၭၥုၭအဖၧၩ့ ၥံၫဝ့ၫဒၪၦလ ဖၪအစွၫခရၧၫ့ အဆၧမၩဆၧၩ့အဖၧၩ့ ဒၪထဲၩ့ဝ့ၫၦအစွၫ(၈၆၇)စွၫအကျၩ ၦၡၩဘၪလီၩ့မၩခွါယိထဲၩ့ ၥၫ့ ခၫနီၪအစွၫလၧ(DNA)ကၪကၪဂဲၩဂဲၩအကၠီၩ့ အခံၫ့ဘၪယံၭဝ့ၫဒၪ ဎွ့ၩယီၩနီၪလီၫႉ

ဘိၪ့ခိၪၥၫ့ခၫ Kapaun အစွၫနီၪ ဘဲၫယီၩအမိအဖါမွဲလအီၪလၧၩ့ဘၪအကၠီၩ့ ၦၡၩၥိၫ့စိၩထဲၩ့ လၧ အဝ့ၫအမၧၩ့ခွၫRay ဒဲ အမၫLee အအီၪနီၪလီၫႉ လၧဆၧၥိၫ့စိၩထဲၩ့  ဘိၪ့ခိၪၥၫ့ခၫအစွၫ ဆၧထံၪ လၩ့ဒီၪလၩ့အဖၧၩ့ ၦခိၭဆၧလဖၪႇ ၥုၭမုးခမျၧးအၪဒီၪ့အဖၧၩ့ ကိၫစၩလဖၪဂဲၫဝ့ၫဒဲ ၥံၫတလၫနီၪ ၦၡၩချူၭဘံၭထၬလၧ နိၪယါလၪဂီၩ့ ၥုၭအဂၩ၅၀နီၪ ဖ့ၪလၫ့ဆၧယူၭယၪ့အဖၧၩ့ ဘၪဆၧၥိၫ့စိၩဝ့ၫလီၫႉ

ဘိၪ့ခိၪၥၫ့ခၫ Emil Kapaunနီၪ မပၧၩလဲၪ?

လၧ၁၉၄၄နံၪ့အထီနီၪ အဝ့ၫယီၩမွဲကဲၪထၪ့ ၦအလီၩ့ယိၥုၭလဖၪၥၫ့ခၫ (Chaplain) နီၪ လီၫႉ လၧနံၫဘျၩ့လဘျၩ့ဂၪ့ခိၪဆၧတုၩ့ထၪ့တုၩ့လၩ့ဒဲ ကိၫရံၩယၩဆၧဒုၭၥုၭကဲၪထၪ့အထီ အဝ့ၫယီၩ ၥုၭဖိၪလဖၪအနးၥၭအဂး ဂဲၫထဲၩ့ခိးဂဲးခိးဘၭဝ့ၫဒၪနီၪလီၫႉ လၧကိၫရံၩယၩဆၧဒုၭၥုၭအဖၧၩ့ ၦၡၩၥ့ၪ ယၫထၪ့အဝ့ၫ အၪအၪနီၪလီၫႉ

အဝ့ၫယီၩနီၪ လမွဲဘၪၥုၭဖိၪကဂၩလါနၫ့ ၥုၭဖိၪလဖၪအနးၥၭအဂး မွဲလၥၭမဲၪဘၪကဘၪ ၥံၫအဂးဒဲ လၧဆၧဒူၩဆၧယၪ့အဖၧၩ့ လီၩ့မၩဆၧၩ့ထၪ့ၥုၭဖိၪလဖၪနီၪလီၫႉ အဝ့ၫယီၩနီၪ လီၩ့မၩဆၧၩ့ အမ့ၫရံကၫ့ၥုၭဖိၪလဖၪအဂးလါနၫ့ လၧအူၫဆၫ့ဆၧဒုၭၥုၭလးဖၧၩ့ တရူၭၥုၭဖိၪလၧ အဘၪထံၭဘၪ ဆၫထၬကဂၩနီၪဆ့ မွဲအဝ့ၫ မၩဆၧၩ့ဒံၭဆ့နီၪလီၫႉ အဝ့ၫယီၩၥ့ၪယၫထၪ့လိၬၥၭလၧ တရူၭၥုၭဖိၪနီၪ အကၠီၩ့ ၥ့ၪယၫထဲၩ့ဆၧဒုၭၥုၭအထၧးအလၧးလဖၪဂီၩ့ ဆၧအၪ့မၧၫ့ခွံၬလၩ့စူၪဝဲၩနီၪ အဝ့ၫထိးဆၧၫ့ နီၪလီၫႉ ဂီၩ့နီၪအဝ့ၫယီၩထဲၩ့ချဲၩ့လၩ့ဎိၭ လၧအမ့ၫရံကၫ့ၥုၭမုခိၪနါဂီၩ့ အဝ့ၫၥံၪခွံၬလၩ့စူၪဝဲၩအကၠီၩ့ ၥုၭဖိၪလဖၪအၪဂၩနီၪ ဖီၩ့ဖျ့ၭလၧဆၧၥံၫနီၪလီၫႉ

လါနၫ့အဝ့ၫၥံၪထီးလူၬနီၪမွဲ ဘၪထိးခွံၬလၩ့အ၁ၭလၧ ဖီၩ့ဖၧၩ့နီၪလီၫႉ အဝ့ၫၥံၪဘၪထိးဖီၪ့ၥၭ အခံၫ့နီၪ အဝ့ၫယီၩ လီၩ့ဘၠၩ့ထဲၩ့ၥုၭဖိၪလၧ အဘၪထံၭဘၪဆၫထၬလဖၪနီၪလီၫႉ လါနၫ့မွဲလၧဆၧချံၫ ့အဂဲးဒိၪထၪ့ႇ မွဲလၧဆၧဘၪအီၪဝံအီၪဆံၩ့ႇ မွဲလၧဆၧဆီၪ့ဆၧချဲၫ့လဂ့ၩဘၪအကၠီၩ့ အထီနီၪၥုၭဖိၪလ ဖၪဘၪၥံၫဝ့ၫဒၪ ဖိၭဘိၭအဂၩ(၃၀၀၀)နီၪလီၫႉ

လခဲၫ့နီၪအဝ့ၫဆ့ မွဲလဆီၫ့ချဲၫ့လၧၩ့ဘၪလါနၫ့ လယိလၩ့ဘၪအၥၭဒဲ လီၩ့ယိဒၪၦဂူၪဂၩအ ကၠီၩ့အဆၧဆီၪ့ဆၧချဲၫ့နီၪ ကနံၩဂဲၫနၬထၪ့ကဆံၭ ထီးအခၪ့ဘီၩ့လဖၪ အၥွံၫကၧၩ့ထၪ့အၥၭဒဲ ၁၉၅၁ နံၪ့ လၩမ့ၫနီၪ မံၫမၪထဲၩ့လၧကဆါဎြံၬနီၪလီၫႉ                                    (နးအဲၪဖီၫဘွၩ) 29.9.21