၂၀၂၄နံၪ့နီၪ ၥၫ့ဎွၩဖရၫ့စံၭ ကဘိၭဘၪၥ့ၪယၫထၪ့လၧ ဆၧအၪ့ကံၩ့ဘၩဆိၪဖၪဆၧအနံၪ့ အဂဲး

မွဲလၧဆၧအီၪတဲၩ့ဝဲၩဆိၫ၂၀၂၅နံၪ့အဂး ၥၫ့ဎွၩဖရၫ့စံ ကအီၪက့ၪထၬ ၂၀၂၄နံၪ့ယီၩ ဆၧအၪ့ကံၩ့ဘၩဆိၪဖၪဆၧ အနံၪ့  နီၪလီၫႉ           

၂၀၂၅နံၪ့ကိ ၦၡၩကမၩလၩမၩဖၩ့ ရိမၫမိကၭၥလံၬဆၧအီၪကီၪ့ယူၩဘလံၫဖၭဒိၪနီၪလီၫႉ ရိမၫမိကၭၥလံၬဆၧအီၪ ကီၪ့ယီၩနီၪ ကၭၥလံၬဆၧအီၪကီၪ့အအီၪလၧ ဂၪ့ခိၪထၧၫ့ဘံၪ့ယၫဖၧၩ့လဖၪအမိ မိဆၧအီၪကီၪ့ဒဲ အလးမိထုၪ့နီၪလီၫႉ လၧဆၧဘၩဆိၪဖၪနံၪ့ယီၩအဖၧၩ့ ၥၫ့ဎွၩမုလါဝ့ၫ ဆၧအီၪကီၪ့ဖိၪၥံၪထီးလူၬ ဘဲၫကဆါယ့ၫၡုၬဎြံၬအၥုၪ့အၥၭၥိၭ အီၪက့ၪ ကၠၭအၥၭ တီၩတီၩလီၩ့လီၩ့ကန့အဂး ကဘၪအၪ့ကံၩ့ဘၩဆိၪဖၪကၠၭဝ့ၫလီၫႉ

ဆၧအဂဲးယီၩနီၪ ၥၫ့ဎွၩဘိၭဘၪၥ့ၪယၫထၪ့လၧ လၩနိၫဝံၩဘၧၫ ၁၁ၥၫ့ႇ အဝ့ၫဒၪဎိၭလၩ့လိၬၥၭလၧ ၥၫ့မုၥၫ့ခၫလဖၪ အခံၫ့နီၪလီၫႉ ဆၧဘၩဆိၪဖၪအနံၪ့ ထၧၫ့နံၪ့ယၫဖၧၩ့ ပကဘၪမၩကၠၭဝ့ၫဘဲၫၥ့ၪလဲၪအဂးနီၪ ကထုၬထၪ့အၪ့နၩ့လၩ့ ကၠီၪ့ဖျီၩ့ လံၬစီၩ့နီၪလီၫႉ  ဘဲၫယီၩအၥိၭ၂၀၂၄နံၪ့အထးဖၧၩ့ ပကအီၪက့ၩတဲၩ့ဝဲၩ့ဆိၫထၬပၥၭ လၧဆၧဘၩဆိၪဖၪဖၧၩ့မၬ ၂၀၂၅နံၪ့ကိ ပမၩလၩမၩဖၩ့ ယူၩဘလံၫဖၭဒိၪ ကန့ဝ့ၫဒၪဂ့ၩဂ့ၩဘၪဘၪနီၪလီၫႉ  

လကၭဒံၭဘၪ ၥၫ့ဎွၩ ဆၫ့ထွ့ၪဘၪ ဆၧအီၪကီၪ့ ၦမုၪၦခွၫလဖၪ ကိၭနံၩဒ့ၭ လၧဆၧၥုၪ့ဎွံၪၥၭယီၫအဖၧၩ့ ကဖ့ၪဆၧၫ့ လၩ့ၥၭအဂးႇ ဂီၩ့နီၪ ကိၭနံၩဒ့ၭ ကအၪ့ဎၬလၩ့ထဲၩ့ၥၭဒဲ ကအီၪက့ၪ ၥၫ့ထၪ့ထဲၩ့အၥၭအဂးနီၪလီၫႉ ဆၧဘၩဆိၪဖၪအအီၪဂဲၫ လၧပၥၭလၬဖၧၩ့နီၪ လမွဲဘၪခိၭထိၪရွံဂၪ့ကိၭအၥိၭလီၫႉ ဘၪန့လဲၪနီၪ မွဲအီၪဂဲၫဝ့ၫဒၪလၧ ပၥၭလၬဖၧၩ့အကၠီၩ့လီၫႉ ဆၧနီၪ အကၠီၩ့ မွဲနၥံၪအၪ့ကံၩ့ဘၩဆိၪဖၪဆၧန့ဒၪဝ့ၫ လၧဆၧချဲၩ့ဖျိၪ့အအီၪဂဲၫလၧနၥံၪအၥၭလၬဖၧၩ့လဖၪနီၪလါဆံၭႉ

နးအဲၪဖီၫဘွၩ

https://bitly.ws/33pCR