အမံၩ့အီၪဝ့ၫ(ပံတၧၫအချံၫ) ချံၫအဒီၩ့ကဖျိၪ့နီၪ ဖ့ၪလၫ့မၩဘိၪ့ ဘၫတံၫကၫ့အဂဲး

လၧအဖီၩ့ခွံၬ (၁)ယၩနံၪ့အထီအိၩ ပါလက်စတိုင်းထံၪခး ဂါလေလေယာလးဝၩ့ဖၧၩ့ ၦၡၩဂဲၫထဲၩ့ၥိၩ့ထၬ ဝ့ၫဒၪချံၫလဖၪနီၪ ထီဘဲၫယီၩ ၦၡၩဖိၭလိၭထဲၩ့အဒီၩ့ဂီၩ့ ဖ့ၪလၫ့မၩဘိၪ့ ဘၫတံၫကၫ့နီၪလီၫႉ

ချံၫအယီၩနီၪ မွဲၦၡၩဒၪန့ထဲၩ့လၧ ၦၡၩဖၧးလၫ့ထဲၩ့ ဖးဖီၩ့ဆၧန့ၥၫလဖၪနီၪလီၫႉ ချံၫနီၪ ၦၡၩဒၪန့ထဲၩ့လၧ ၁၉၈၆နံၪ့ တိုင်ဘေးရီးယာ့စ်ပၪ့လဲၪနဲၩ့နီၪလီၫႉ ချံၫယီၩ ဘၪဆၧဖ့ၪလၫ့ထၬဝ့ၫအမံၩ့မွဲလၧ ‘Barque of Peter’ (ပီတာအချံၫ)နီၪလီၫႉ ချံၫနီၪအလီးအီၪဝ့ၫဒၪဖိၭဘိၭ အဖျါ၄၀ဂီၩ့ ပထံၭလၫ့ၦၡၩန့ဝ့ၫဒၪဖိၭဘိၭ၁၅ဂၩနီၪလီၫႉ ၦလၧ အမၩဘိၪ့ချံၫအဒီၩ့ယီၩနီၪ မွဲအဖီၪ့ထၪ့ဖံၭထၪ့ဎုၬဆၧဖံၭဆၧမၩ အီၪလၧဝံးရီမၭထံၪယဲၩ့ခးယဲၩ့အၥီၫ့ခရၧၫ့ကၠၧၫ့ကၠၧၫ့ Aponte ဂံၪ့ဒီၪ့ဖိၪၥံၪနီၪလီၫႉ

ၥၫ့ဎွၩဖရၫ့စံနီၪ ဆိၪဂ့ၩဆိၪဘွၩချံၫနီၪဂီၩ့ ၦၡၩကအီၪက့ၪထၬချံၫယီၩလၧ ဒူၭနဲၪလးအဂး ၦၡၩဎိၭထံၪဎိၭဒီၪဝ့ၫ အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ