ဝံးရီၩမၭၦလၧအဘၪလၩ့လၧ ဆၧဒုၭဎၬလးဖၧၩ့လဖၪအဂး ၥၫ့ဎွၩဖရၫ့စံ ၥိၫ့စိၩကိၪထံၫလိး အဒုၩ(၁၅၀၀၀)အဂဲး

လၧလၩစဲၭတ့ၫဘၧၫ့၇ၥၫ့ဒၪအိၩ အီၪလၧဝံးရီၩမၭRegina Coeliဒဲ Rebibbia  ဆၧဒုၭဎၬလး လဖၪအဖၧၩ့ ၦလၧအဘၪလၩ့လၧဖီၩ့ဖၧၩ့လဖၪအဂး ၥၫ့ဎွၩဖရၫ့စံနီၪ ၥိၫ့စိၩဘၪ ကိၪထံၫလိး အဒုၩ (၁၅၀၀၀)နီၪလီၫႉ

ခံၫ့ခၫဘဲၫယီၩ လၧဝံးရီၩမၭနီၪ မွဲဆၧခိဆၫအကၠီၩ့ ၥၫ့ဎွၩၥိၫ့စိၩဘၪကိၪထံၫလိးအဂဲး ဘၫတံၫ ကၫ့ ဆၧပရၧၫ့ထုၬဖျီၪထၪ့ထၬဝ့ၫနီၪ ပၥ့ၪယၫဘၪနီၪလီၫႉ ၦလၧအဎိၭဒီၪဆၧယီၩနီၪ မွဲလၧၥၫ့ဎွၩ အကရုနၫ ဆၧဖံၭဆၧမၩခရၧၫ့ခိၪနါ ကၫဒံၫနဲၫ Konrad Krajewskiနီၪလီၫႉ

နံၪ့၂၀၂၀နံၪ့အထးဖၧၩ့ကိၫရိၫနၫဆၧဆၫကဲၪထၪ့အထီ ၦလၧအဘၪလၩ့လၧ ဖီၩ့ဖၧၩ့လဖၪနီၪ အဂံၪ့ဒီၪ့ဖိၪၥံၪဂဲၫဒၪအဝ့ၫၥံၪအခွးလအီၪဘၪနီၪလီၫႉ ဆၧနီၪအကၠီၩ့Rebibbiaဆၧဒုၭဎၬလးဖၧၩ့ ၦ အဘၪလၩ့လၧဖီၩ့ဖၧၩ့လဖၪနီၪ မၩတုၩ့ထၪ့တုၩ့လၩ့ဆၧအီၪထၪ့နီၪလီၫႉ လၧအီတလီထံၪခးဖၧၩ့ ဆၧဒုၭ ဎၭလးလနၩ့နၩ့နီၪ ၦအဘၪလၩ့ဖီၩ့ဖၧၩ့လဖၪ ဎုလၫ့မ့ၪႇ လနၩ့နၩ့နီၪဖီၪ့ထၬထဲၩ့ ၦအဘၪခိၭယိထွ့ၪ ဆၧဒုၭဎၭလးဆါလဖၪႇ မၩဂၭဂီၩ့ခွံၬဆၧဒုၭဎၭလးဖၧၩ့ ဆၧဆၫဒုၭလဖၪအီၪထၪ့ဝ့ၫနီၪလီၫႉ ဆၧတုၩ့ ထၪ့တုၩ့လၩ့ဘဲၫနီၪၥိၭလဖၪအကၠီၩ့ ၃ၥၫ့အထးဖၧၩ့ အီတလီထံၪခး ၦအဘၪလၩ့လၧဖီၩ့ဖၧၩ့၁၂ဂၩနီၪ အၥၭဘၪၥံၫခွံၬအဂဲး ပၥ့ၪယၫဘၪနီၪလီၫႉ

ကနံၪ့ယီၩ အီတလီထံၪခး ဆၧအခိဆၧဝံဆၧနၬအဂဲး မွဲအဆီၪ့ထုၬနံၪ့နီၪလီၫႉ ဆၧခိအၪ အကၠီၩ့ အီတလီထံၪခးလံၩထံၭကကဲၩ့ခီၫနီၪ ၡိၭကျၩမ့ၪအၪ့ဆၧဒံၭနီၪလီၫႉ

နးအဲၪဖီၫဘွၩ