လၩအီၭတိၫဘၧၫ၁၆ၥၫ့ဖၧၩ့ FABCဆၧအီၪကီၪ့ဎိၭလၩ့ ဆၧလုထၪ့မံဆၩဆၧလုထၪ့ဒဲ ဆၧချဲၩ့လၩ့ဎိၭ

         ၂၀၂၂နံၪ့ FABCဆၧအီၪကီၪ့ဎိၭလၩ့ အဆိၪထုၬ အတုၬမုနံၩမံဆၩဆၧလုထၪ့နီၪ လုထၪ့ဝ့ၫဒၪလၧ Bann Phu Waan ဆၧအီၪကီၪ့ဖၧၩ့ စံၫ့မဲၫ့ကဲၫလးဝၩ့ဖၧၩ့နီၪလီၫႉ

        ၦအလ့ၩခိၪလ့ၩနါမံဆၩဆၧလုထၪ့နီၪ မွဲဝ့ၫဒၪလၧ စံၫကပူၫကၭၥလံၬဆၧအီၪကီၪ့ၥၫ့ခိၪဒိၪ William Cardinal Goh နီၪလီၫႉ လၧအဝ့ၫအဆၧၥၭထိၬပရၧၫ့ဖၧၩ့ “အီၪဆၧၫ့ထုၪ့ဘဲၫၦယူၬၥိၪလဖၪအၥိၭဂုးဂုးခၧၫ့ခၧၫ့အဂးႇ ပကဘၪဒိၭန့ ၥၭမုဆံၫ့ဎံၫ ယွၩအဆၧကိၪ့ဘၪကိၪ့ၥ့ၪဂီၩ့ ပကဘၪအၪ့နၩ့ဘဲၩ့ဖၭဆၧ လၧဆၧတီၩဆၧလီၩ့ဖၧၩ့အဂး မွဲပမူၩဒၩအီၪဝၫ့အဂဲးႇ  ဘဲၫပဆၧဆူနဲၩ အီၪဝ့ၫအၥိၭ ပကဘၪအီၪမၧၫ့ပၥၭအဂဲးႇ ပကဘၪယိဆၧအထၧးအလၧးလဖၪဂီၩ့ ပကဘၪကိၪ့ဖီၪ့ထၪ့ဖံၭထၪ့ ဆၧဖံၭဆၧမၩ လဖၪအဂဲးႇ ဆၧဘၩဆိၪဖၪအဂဲးႇ ၥၫ့မုၥၫ့ခၫလဖၪဒဲ ၦဆူနဲၩဖိၪလဖၪနီၪ ဆၧအီၪကီၪ့အဂး ကဘၪလ့ၩဎုၬလၧယၫ ကၠၧၫ့ကၠၧၫ့ နီၪ အရ့ၩဎိၩဝ့ၫအဂဲး” စံၭဝ့ၫဒၪနီၪလီၫႉ

         လၧဆၧချဲၩ့ဎိၭလၩ့Talk Show ဖၧၩ့နီၪ ထံၪခး၁၃ထံၪခးဖၧၩ့ ဂဲၫထၪ့ဝ့ၫဒၪ ၦနုၬလၩ့လး၁၆ဂၩ နုၬလၩ့ချဲၩ့လၩ့ဎိၭဝ့ၫဒၪလီၫႉ ၦလဖၪနီၪ မွဲဝ့ၫဒၪ အဖၧၩ့ၥၫ့မုၥၫ့ခၫလဖၪႇ Bro, Sr လဖၪႇ ဂံၪ့ဒီၪ့ဆါလဖၪႇ ထၪ့အီၪဎုၬထၬလၧ ဆၧဘိၪ့ဆၧဘၩ လမီၪ့ဎီၩ့ ဘၪၦလဖၪႇ ၦလၩ့ဖၭထၬလဖၪႇ ၦအမၩထံၪဂဲးခးဂဲးလဖၪႇ ၦဆၨၩဆၬဖိၪလဖၪႇ ၦအဘၪထိးဂၪ့ခိၪအဆၧလၩ့အၪ့ယိၫ ဒဲ ဆၧမၩဆီၪ့မၩနီၩ့ၥၭလဖၪႇ ဒဲ ခီၫ့ၡၩဆါလဖၪနီၪလီၫႉ

         ၦလၧအဝဲထၪ့ လၧဆၧချဲၩ့လၩ့ဎိၭနီၪ မွဲလၧ ၥၫ့ခိၪဒိၪ Bp.Allwyn D’silva ဂီၩ့တၭ အဝ့ၫယီၩ အၪ့ယၫထၪ့ ၦအဂဲၫ ချဲၩ့ဎိၭလၩ့လဖၪနီၪ “ပၧၩယီၩမွဲပၩလဲၪအနဲၩ့အဎီၩ့လဲၪနီၪ အဆိၪထၪ့ အၪ့စၪ့လၩ့ကၠၭပၥၭဒဲ ခိၭဒီၪနါနဲၩ့ဎီၩ့အလူအဂး” နီၪလီၫႉ         ၦလၧအနုၬလၩ့ချဲၩ့ဎိၭလၩ့လဖၪနီၪဆ့ ၦခိၭနၪဆၧဖိၪၥံၪအဂး မွဲအီၪက့ၪထး ဆၧကိၪ့ဘၪကိၪ့ၥ့ၪလၧအလူဒိၪဎွ့ၩဒိၪ အီၪဝ့ၫဒၪ လဖၪနီၪလီၫႉ ကၫဒံၫနဲၫ Oswald Gracias နီၪ စံၭခိးစံၭတၩဘၪ ၦအဂဲၫထၪ့ချဲၩ့ဎိၭလၩ့ဆၧလဖၪအဂဲး ပၥ့ၪယၫဘၪနီၪလီၫႉ

         နးအဲၪဖီၫဘွၩ