လၩကိဘံၪ့ဆၧမၩလိၪလံၬဆံၫ့ဎံၪဒဲ စံၭထၪ့အၪ့အူၭယွၩၥဖၠး

လၩကိဘံၪ့ ဆၧမၩလိၪလံၬဆံၫ့ဎံၪဒဲ စံၭထၪ့အၪ့အူၭယွၩၥဖၠးနီၪ လၧဒိၩ့ပၥံၫ့ဆၧအီၪကီၪ့ဖၧၩ့ Fr.Bosco Saw lar Htoo စၭထၪ့မၩဝ့ၫဒၪ လၧလၩအခီၩ့ကဘံၪ့အိၩယူၭနီၪလီၫႉ အဝ့ၫယီၩစၭထၪ့မၩဝ့ၫဒၪ အီၪလၩနံၫဘံၪ့ယူၭဂီၩ့ မၩဝ့ၫဒၪအလးနီၪ မွဲလၧဒိၩ့ပၥံၫ့ မယၩ့ခၠီၩ့နီၪလီၫႉ

၂၀၂၃နံၪ့ လၩအီၭတိၫဘၧၫ၁၅ၥၫ့ အတုၬမုနံၩအိၩ မၩဝ့ၫဒၪၥဖၠးယီၩအခိၪတၩ့နီၪ မွဲဝ့ၫဒၪလၧ ကဆါယွၩ အဆၧတဲၩ့လၩ့ဆၧဎံၪလၩဒဲ ၡၩခမျၧးလဖၪအမူၩဒၩ နီၪလီၫႉ ဘၪထွ့ၪလၧဆၧအခိၪတၩ့ယီၩနီၪ မုဆၫကနံၩယီၩ မွဲလၧ ၦၡၩၥံၪလဖၪ အၥၭလိၭဖၭအၪနၬလၨၪဒဲ မိအီၪဝ့ၫဒၪအဂ့ၩထုၬ အမုၬထုၬအကၠီၩ့ ကဆါယွၩအဆၧတဲၩ့လၩ့ ဂၪ့ခိၪချိၫ့ယီၩ ဘၪဂၭဂီၩ့ဂၭစၪဝ့ၫဒၪအၪမၬယူၭနီၪလီၫႉ ဆၧနီၪအကၠီၩ့ ဘဲၫကဆါယွၩအဆၧတဲၩ့လၩ့လဖၪ လဆုးထဲၩ့ ဂၭဂီၩ့ဂၭစၪဘၪအဂး ပကဲၪၦၡၩလဖၪကိၭဂၩဒ့ၭ ပကဘၪပဒၩ့ထၬ ပကဘၪယိထဲၩ့ခွါထဲၩ့ ဂၪ့ခိၪချိၫ့ယီၩဂ့ၩဂ့ၩဘၪဘၪ အဂး မွဲပမူၩဒၩအီၪဝ့ၫဒၪအဂဲးႇ ကဆါယွၩအဆၧတဲၩ့လၩ့လဖၪဂ့ၩဎွ့ၩပၥ့ၪလဲၪနီၪ မွဲပကဘၪဒၪထၪ့ ပကဘၪၥ့ၪယၫ နၪၥ့ၪထၪ့ဂီၩ့ ပကဘၪစံၭထၪ့အၪ့အူၭဝ့ၫဒၪအဂဲး လၧၥဖၠးဖၧၩ့ အၪ့နၩ့ဖ့ၪၥ့ၪယၫလိၬၥၭ ဆၧၥ့ၪယၫနၪၥ့ၪလဖၪယီၩ နီၪလီၫႉ ၥဖၠးနီၪမွဲလၧၥဖၠးအဖၨၪခိၬအကၠီၩ့ စၭထၪ့ဝ့ၫဒၪလၧ လဂီၩ၉နၩရံၫဒဲ အီၪပထုၬခွံၬဝ့ၫဒၪလၧ မုဆၫ၁၂နၩရံၫ အခံၫ့နီၪအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

နးအဲၪဖီၫဘွၩ