လၧဝံးမီၠၩ့မၠၭဖၧၩ့ လံၩမုလဖုၬဖၭဒိၪအ့ၪလၩ့စွါဘဲၫ ကဘၪမၩဝ့ၫဒၪပၥ့ၪလဲၪနီၪ မၩယံၩယါဆိၫထၬၥၭအဂဲး

လၧအ့ၫယၫဝတံၫခးဒီၪ့အဖၧၩ့ လံၩမုလဖုၬဖၭဒိၪကလၩ့ဝ့ၫဒၪအဂဲး ဆၧဘိၭဘၪၥ့ၪယၫထၪ့ထၬဝ့ၫနီၪလီၫႉ ဆၧနီၪအကၠီၩ့ အ့ၪလံၩမုလဖုၬဖၭဒိၪလၩ့အထီ ဆၧဘၪထံၭဘၪနဲၪ့အ့ၪအီၪထၪ့စွါဘဲၫ ကပြံၭထဲၩ့ၡၩခမျၧးခရၧၫ့လ ဖၪနီၪ ကဘၪမၩဆၧၩ့ထၪ့ၡၩခမျၧးဘဲၫၥ့ၪလဲၪ ကဘၪပြံၭထဲၩ့ၡၩခမျၧးဘဲၫၥ့ၪလဲၪအဂဲး ကြၨၭၥ့ၪယၫထၬဝ့ၫဒၪ ဆၧၥ့ၪဆၧဘၪလဖၪနီၪ ၂၀၂၃နံၪ့ လၩမ့ၫ၇ၥၫ့လဂီၩခီၫ၉နၩရံၫနီၪ အဝ့ၫၥံၪဘၪၥီၪ့လိၪ မၩယံၩယါဆိၫထၬအၥၭလၧ မၠီၩ့မၠၭဝံးဒီၪ့ ဘုရားချောင်းသဲပုံဆိပ်ထံၫနိၭဖံၭနီၪလီၫႉ

လၧဘၪထိးၥီၪ့လိၪအၥၭဆၧၥ့ၪဆၧဘၪလဖၪအဖၧၩ့ အဝ့ၫၥံၪဘၪမၩလိၪဝ့ၫဒၪနီၪ ၦၡၩအလၩ့အုၭလၧထံၫ ကျၩကဂၩနီၪ ကဘၪပြံၭထဲၩ့ဝ့ၫဘဲၫၥ့ၪလဲၪႇ ဘၪလၧအၥၭနၪ့ဆၧလၧခီၫ့ကဂၩနီၪ ကဘၪမၩအ့ၪဝ့ၫဘဲၫၥ့ၪလဲၪႇ ကဘၪ ၥိၫ့ဆၧဆၫဆါလၧ ၦၥိၫ့ဆၧဆၫဆါလဲၪ့ၥိၪဘဲၫၥ့ၪလဲၪအဂဲး ဘၪၥီၪ့လိၪမၩဆိၫထၬကၠၭအၥၭနီၪလီၫႉ ဂီၩ့နီၪဘၪထွ့ၫ လၧလံၩမုလဖုၬအဂဲး ဆၧၥ့ၪယၫနၪၥ့ၪလံၬဘျံၭလဖၪနီၪ လီၩ့အၪ့နၩ့လၩ့ဝ့ၫဒၪနီၪလီၫႉ

ၦလၧအဘၪထၪ့မၩလိၪအၥၭလဖၪနီၪ မွဲဘၪထွ့ၫလၧလုၫလါဆၧလၩ့အၪ့ယိၫဆၧဘၪဎိၭဒီၪဆၧလး ခမံတံၫ ခရၧၫ့ဖိၪလဖၪအဂဲး ဆၧပရၧၫ့ယီၩ ပန့ဘၪလၧ Kwe Lwe Hot News ဆၧပရၧၫ့အဖၧၩ့နီၪလီၫႉ

နးအဲၪဖီၫဘွၩ

Add new comment

5 + 3 =