လၧရန်ကင်းဝံးအဖၧၩ့ ၦလၧဘၪထိးဖီၪ့ထၬ၁ၭလဖၪအကျၩ ကဲၬၥလံၬၥၭဘၪ့မုၪလဂၩ ပၫဝ့ၫဒၪအဂဲး

လၧလၩအ့ၫဖြံၫ၁၈ၥၫ့ လဂီၩ့ခီၫအိၩ ဝံးတခိၩ့ႇ ရန်ကင်းဝံးအဖၧၩ့ ပယၩ့ ၥုၭလဖၪထဲၩ့ဖီၪ့န့ ၥၭဘၪ့လဖၪအဂဲး ပၥ့ၪယၫဘၪနီၪလီၫႉ
ၥၭဘၪ့လၧဘၪထိးဖီၪ့အၥၭလဖၪ ၥုၭဖိၪၥံၪမၩနၧၩ့မၩစၪထၬအဂဲး ပဒၪ ဘၪအဂၩ့လဖၪ လၧအွန်လိုင်းအဖၫ့ခိၪဎံၩ့ဎီၩ့နီၪလီၫႉ ၦလၧအဘၪထိးဖီၪ့ၥၭ အကျၩ အီၪလၧရန်ကင်းဝံး စိန်ဂျုဒ်ဆၧအီၪကီၪ့ဖၧၩ့ ၥၭဘၪ့မုၪလဂၩ ပၫထဲး ဆ့နီၪလီၫႉ
အဝ့ၫအမံၩ့နီၪ မခင်ငြိမ်းသူ (ခ)Anne Marieဂီၩ့ လ့ၩထၪ့ Contemporary Danceဆၧမၩလိၫ လၧUKဂီၩ့ ဂဲၫထဲၩ့လၩ့အီၪလၧ ခးပယၩ့ နီၪလီၫႉ
လၩအ့ၫဖြံၫ၁၈ၥၫ့လဂီၩ့၂နၩရံၫအခံၫ့နီၪ ဘၪထိးဖီၪ့ၥၭအတံၭအတူၭဂီၩ့ မုဂၫနံၩအိၩနီၪဘၪထိးဖီၪ့ထၭအၥၭလၧ ရန်ကင်းဒူၩယၪ့လးလါနၫ့ ဘဲၫယီၩ နီၪ ၦၡၩလ့ၩၥုၭထဲၩ့လၧ ရွှေပြည်သာဆၧအၪ့စံၭအၪ့စၪ့ဆၧအလးနီၪလီၫႉ
လၩအ့ၫဖြံၫ၁၈ၥၫ့ မုနၩ၈နၩရံၫ MWD ဆၧပရၧၫ့ဖၧၩ့ ထုၬဖျီၪထၪ့ဝ့ၫ ဆၧဂၩ့ဖၧၩ့ မခင်ငြိမ်းသူနီၪ အၥွၫခါႇ အနါဖူၫအဎွံၫခါ ဒဲ အနါကံၭထံၬ အဎွံၫခါအဂဲး ၦလၧအၥ့ၪအဘၪလဖၪ စံၭဝ့ၫနီၪလီၫႉ
အဝ့ၫယီၩ ဘၪထိးမၩနၧၩ့မၩစၪထၭၥၭအကၠီၩ့ ဘဲၫၥိၭထိးဘၠၩ့ၥၭကန့အ ဂးဆ့ လိၫဝ့ၫဒၪနီၪလီၫႉ
ခးပယၩ့အဖၧၩ့ ဘဲၫၥိၭဆၧဎူၫဆၧဎၩ့ ကအီၪထၪ့အဂးဒဲ ၦလၧအဘၪ ထိးဖီၪ့ထၬၥၭလဖၪ ဘဲၫကစဲၪ့လၫ့ထဲၩ့ဘၪ ဖျဲၪဖျဲၪအဂး ပကအၪ့ကံၩဘၩ ဆိၪဖၪကၠၭ ကိၭဂၩဒ့ၭလါဆံၭႉ
နးအဲၪဖီၫဘွၩ