လၧဆၧကၪဆၧဂဲၩအကျၩ ထိးဆၧၫ့ဒိၭန့ထၪ့ဘၪ စ့ၭဘျံၭယူၩဘလံၫ SႉFႉXႉ Srလဖၪ

နံၪ့၂၀၂၁နံၪ့ လၩနိၫဝ့ၩဘၧၫ့ ၁၀ၥၫ့နီၪ အီၪလၧဝံးပၥံၫ့လးမိထုၪ့ SFX ကဲၭၥလံၬSr 13ဂၩ နီၪထိးဆၧၫ့ဒိၭန့ထၪ့ဘၪ စ့ၩဘျံၭယူၩဘလံၫနီၪလီၫႉ လါနၫ့ မွဲလၧကိၫဘံဆၧဆၫအကၠီၩ့ခီၫကမံၩ့ႇ မွဲလၧထံၪဂဲးခးဂဲးခီၫကမံၩ့အကၠီၩ့ Sr 13ဂၩလူၬ ဂဲၫထၪ့စိၩလထီၩ့ဘၪနီၪလီၫႉ

ဂီၩ့နီၪ ဆၧမၩလၩမၩဖၩ့ စ့ၩဘျံၭယူၩဘလံၫယီၩနီၪ မွဲလၧဆၧကၪဆၧဂဲၩလဖၪအကၠီၩ့ မၩလၩမၩ ဖၩ့ဝ့ၫဒၪဆံၭဆံၭဖိၪနီၪလီၫႉ ၦအထိးဆၧၫ့ဒိၭန့ဘၪ ယူၩဘလံၫ၁၃ဂၩအကျၩ ဂဲၫထၪ့ဝ့ၫဒၪန့၃ဂၩနီၪ လီၫႉ လၩနိၫဝ့ၫဘၧၫ့၁၀ၥၫ့ လဂီၩ၆နၩရံၫ၄၅မံန့အခံၫ့နီၪ စၭထၪ့ဘၪဆၧဎိၭထံၪဎိၭဒီၪလၧ မံဆၩဆၧ လုထၪ့နီၪလီၫႉ ၦအဘၪလ့ၩခိၪလ့ၩနါမံဆၩဆၧလုထၪ့နီၪမွဲဝ့ၫဒၪလၧ Fr.Henry Mahn Ei Khlein နီၪလီၫႉ

Fr.Henry Mahn Ei Khlein စံၭဝ့ၫဒၪ တခၩပကမၩဆၧနးမံၩ့ အ့ၪမွဲယွၩလပၫဘၪနီၪ ပမၩ န့နးမံၩ့အ့ၬ ဘဲၫနီၪအၥိၭ အ့ၪမွဲပလပၫဘၪဆ့ ယွၩနီၪမၩဆၧမၩအ့ၬႉ လၧခးပယၩ့လန့ဒံၭဘၪ ဆၧ ပျီၩဖျ့ၭအထီအဖၧၩ့ ၥၫ့ခိၪဒိၪကၫဒီၭဂဲၫထဲၩ့ ၥုၪ့ထၪ့ထၬSFX မံၭထၭမုၪခရၧၫ့ယီၩအကၠီၩ့တၭ ပဝ့ၫၥံၪ လဖၪကယဲပဘၪဒၪဆၧၫ့ယၫလၧ ဆၧကၪဆၧဂဲၩနးမံၩ့နီၪ ထီးထိးစၫၥၭလဂ့ၩအဂဲး ဖ့ၪဂဲးဖ့ၪဘၭ ထၪ့ SFX Srလဖၪနီၪလီၫႉ

ၦအထိးဆၧၫ့ဒိၭန့ဘၪ စ့ၩဘျံၭယူၩဘလံၫလဂၩမွဲဝ့ၫ Sr.Mary Theinနီၪ စံၭဝ့ၫဒၪ လၧဆၧ ကၪဆၧဂဲၩအဖၧၩ့ ဒိၭန့ထၪ့ဘၪ စ့ၩဘျံၭယူၩဘလံၫအကၠီၩ့ အၥၭဎွံၪဝ့ၫဒၪလါနၫ့ ထံၪခးလမုၬဘၪအ ကၠီၩ့ ၦလၧအဘၪဒၪဆၧၫ့ယၫ ဆၧကၪဆၧဂဲၩလဖၪအဂး အၥၭလမုၬဘၪအဂဲးႇ အၪ့ကံၩ့ဘၩဆိၪဖၪ အ့ၪဝ့ၫအဂဲးႇ Srထီးလူၬ ဒိၭန့ဘၪစ့ၩဘျံၭယူၩဘလံၫအီၪဝ့ၫဒၪ၁၃ဂၩတၭ လၧအဝ့ၫၥံၪကၠၧၫ့ကၠၧၫ့ ဂဲၫထိးဆၧၫ့ဒိၭန့ယူၩဘလံၫလန့ဘၪထံၭၥိၭလဖၪအဂးဆ့ အၥၭလမုၬဘၪအဂဲးႇ အထံၭၥိၭ ယူၩဘ လံၫဆါထီးလူၬလဖၪအဂး အၪ့ကံၩ့ဘၩဆိၪဖၪအ့ၪဝ့ၫအဂဲး စံၭဘၪဝ့ၫနီၪလီၫႉ

နးအဲၪဖီၫဘွၩ

၁၁ႉ၁၀ႉ၂၀၂၁