လွဲၫ့ကီၫဆၧအီၪကီၪ့ စံၫ့ပံၫတၧၫ့ဆၧကဲၪထၪ့ ဘိၪ့ခိၪၥၫ့ခၫကၠီးအဖၧၩ့ ပယၩ့ၥုၭလဖၪ လ့ၩခၭဆၧအထီ ၦလဂၩၥံၫဝ့ၫဒၪအဂဲး

လွဲၫ့ကီၫဆၧအီၪကီၪ့ စံၫ့ပံၫတၧၫ့ဆၧကဲၪထၪ့ ဘိၪ့ခိၪၥၫ့ခၫကၠီးအဖၧၩ့ ပယၩ့ၥုၭလဖၪ လ့ၩခၭဆၧအထီ ၦလဂၩၥံၫဝ့ၫဒၪအဂဲး

လၧကယၩဆၨၩခးဒီၪ့ လွဲၫ့ကီၫဝံးႇ နၫနၬတီၩဝၩ့ဒီၪ့ႇ စံၫ့ပံၫတၧၫ့ဆၧကဲၪထၪ့ဘိၪ့ခိၪၥၫ့ခၫကၠီး လးဝၩ့အဖၧၩ့ လၧလၩမ့ၫ၂၉ၥၫ့ မုဆၫ၁နၩရံၫအခံၫ့အိၩ ပယၩ့ၥုၭလဖၪနုၬလၩ့ခၭဆၧအကၠီၩ့ ၦလဂၩ ဘၪၥံၫဝ့ၫဒၪနီၪလီၫႉ

ၦလၧအၥံၫဝ့ၫဒၪနီၪ အီၪလၧ နၫနၬတီၩဝၩ့ဒီၪ့ ယ့ၫယိၫတဝၫ့ ၦလၧအဂဲၪဎဲၪ့အီၪအၥၭလဂၩ မွဲဝ့ၫ  အၥၭအီၪဝ့ၫဒၪ၅၀ မၩ့ဖရ့ၫယဲၫနီၪလီၫႉ လၧစံၫ့ပံၫတၧၫ့ ဆၧကဲၪထၪ့ ဘိၪ့ခိၪၥၫ့ခၫကၠီးဖၧၩ့နီၪ ၦၡၩလ့ၩဒုၭအီၪထၬ ၦၥၭၡါလဖၪႇ ၦမုၪလဖၪႇ ဖိၪၥၪဆံၭလဖၪဒဲ နးခီၪ့မိၡါလလၧၫ့ဎွ့ၩဘၪ ၦလဖၪ နီၪဂီၩ့ ဆၧအလးယီၩ မွဲလၧၦကၪဂဲၩဖိၪၥံၪ ဂဲၫအီၪဒုၩၥၭလးနီၪ ဘဲၫၡၩကၥ့ၪယၫအဂး လၧကၠီးအမ့ၬ ယၫနီၪ ဆ့ၭထုၪ့လၩ့ထၬ နိၪယါလၪအဘွၩဒဲ ကဲၬၥလံၬဆၧအီၪကီၪ့အနိၪတၧၩ့ယါလဖၪနီၪလီၫႉ

အဝ့ၫၥံၪနဲၪဖျီၪထၬဆၧနဲၪ့ဘဲၫနီၪလါနၫ့ဂ့ၩ ပယၩ့ၥုၭလၧအအၧၩ့အၥၫ့လဖၪနီၪ ဖုၫဖၭလိးထနါ ဂီၩ့ နုၬလၩ့ခၭဆၧလၧ ဆၧအခီၫပယီၫလအီၪဘၪနးမံၩ့ဖၧၩ့အဂဲး ပၥ့ၪယၫဘၪနီၪလီၫႉ

နးအဲၪဖီၫဘွၩ

ကိၫဘံဆၧဆၫအကၠီၩ့ ခးအံၫ့ဒံယၬ ဘိၪ့ခိၪၥၫ့ခၫလဖၪ ဒဲ စံၫစတၧၫ့လဖၪ ဖိၭဘိၭအဂၩ ၄၀၀ဘျဲၪနီၪ အၥၭဘၪၥံၫခွံၬအဂဲး

မွဲလၧကိၫဘံဆၧဆၫအကၠီၩ့ လၧလၩအ့ၫပြံၫဒဲ လၩမ့ၫအဖၧၩ့ ခးအံၫ့ဒံယၬ ဘိၪ့ခိၪၥၫ့ခၫအဂၩ ၂၀၅ဂၩ ဒဲ စံၫစတၧၫ့အဂၩ ၂၁၀နီၪ အၥၭဘၪၥံၫခွံၬအဂဲး ကၫပူၫခၠ့ၩအဲၩ့ၥဲၭခရၧၫ့ ဘိၪ့ခိၪၥၫ့ခၫ ဆွၩရဲၭ မဲၥယူၩနီၪ လီၩဘၪဝ့ၫလီၫႉ

ထၧၩ့ထီၩ့စိၩလၧ လၩမ့ၫ၂၉ၥၫ့အိၩနီၪ ၥၫ့မုၥၫ့ခၫဒဲ စံၫစတၧၫ့လဖၪ ထီးလူၬၥံၫဝ့ၫဒၪအဂၩ ၄၁၅ဂၩဂီၩ့ လၧနီၪအဖၧၩ့ၥၫ့ခိၪဒိၪဆ့ ပၫထဲးဝ့ၫဒၪ၃ဂၩဒဲ ဆၧရၫ့ဖၧၩ့လပၫဒံၭဘၪဆ့ အီၪကနၩ့ဒံၭ နီၪလီၫႉ အထီဘဲၫယီၩနီၪ ခးအံၫ့ဒံယၭယီၩ ဘၪထိးကိၫဘံဆၧဆၫအဆၧလၩ့အၪ့ယိၫ ဒိၪဒိၪလ့ၬနီၪ လီၫႉ

အၡါမၪနီၪ ထံၪခးအယီၩ ထုၬထၪ့ကိၫဘံဆၧဆၫအဂး ၥံၪ့ဎွံၫန့ဝ့ၫဒၪ အအၪထုၬလါနၫ့ ဆၧ ဆၫဘၪဂါအီၪထၪ့အၪဝ့ၫ ဘဲၫယီၩၥိၭ ဒဲ ၡၩခမျၧးလဖၪ ဒိၭန့ဘၪ ဆၧပဒၩ့ဆိၫထၬ ကိၫဘံဆၧဆၫ အဂး ၥံၪ့ဎွံၪလဖၪၡၩဝ့ၫဒၪအကၠီၩ့ အဝ့ၫၥံၪအထံၪခးခိၪနါနီၪ ဘၪထိးလီၩထိးချဲၩ့ၥၭ နၭမၬဒ့ၭအဂဲး ပၥ့ၪယၫဘၪနီၪလီၫႉ

နးအဲၪဖီၫဘွၩ

ဘရူၫနဲၩ့ထံၪခး အဆိၪထုၬကၫဒံၫနဲၫလဂၩ မံၪမၫထဲၩ့ဝ့ၫလၧ ကဆါဎြံၬအဂဲး

ဘရူၫနဲၩ့ထံၪခးဖၧၩ့ အဆိၪထုၬ ၦလၧအကဲၪထၪ့ဝ့ၫဒၪ ကၫဒံၫနဲၫလဂၩမွဲဝ့ၫ ကၫဒံၫနဲၫ Cornelius Sim နီၪ လၧအဖီၩ့ခွံၬ လၩမ့ၫ၂၉ၥၫ့အိၩ ၥံၫဝ့ၫဒၪလၧ ထဲၫ့ဝၫ့အိၩအဂဲး ပၥ့ၪယၫဘၪနီၪ လီၫႉ

ကၫဒံၫနဲၫယီၩနီၪအၥၭအီၪဝ့ၫဒၪ၆၉နံၪ့ဂီၩ့ အီၪလဆီၪ့ဘၪတၭ ဘၪထၪ့ဆၧဆၫဂံၪ့လၧထဲၫ့ဝၫ့ ထံၪခး Chan Gung Memorial ဆၧဆၫဂံၪ့အထီ မံၪမၫထဲၩ့ဝ့ၫဒၪလၧ ကဆါဎြံၬနီၪလီၫႉ ကၫဒံၫနဲၫယီၩနီၪ ကဲၪထၪ့ကၫဒံၫနဲၫအဆၧကဲၪထၪ့ဘၭ ၆နံၪ့အထီ အၥၭၥံၫဝ့ၫဒၪနီၪလီၫႉ ကဲၬၥလံၬ ဆၧဘိၪ့ဆၧဘၩဖိၪလၧ အဘၪလီၩ့ၥုၭအီၪအလးလဖၪနီၪ အဝ့ၫယီၩယိထွ့ၪမၩဆၧၩ့ဝ့ၫနီၪလီၫႉ

ကၫဒံၫနဲၫၥံၫဝ့ၫဒၪနီၪ ၥၫ့ဎွၩဖရၫ့စံၭ အၥၭလမုၬဘၪအဂဲး ကွ့ၭၥိၫ့စိၩ ဆၧၥၭအုၭလံၬဆိၫ့ဂ့ၩ ဆိၫ့ဘွၩလၧ ဘရူၫနဲၩ့ထံၪခး ကဲၬၥလံၬဆၧအီၪကီၪ့ဖိၪလဖၪအအီၪနီၪလီၫႉ လၧဆၧၥၭထိၬပရၧၫ့ အ ဖၫ့ခိၪ ကၫဒံၫနဲၫအုၩ့လၩ့ထိးဆၧၫ့ၥၭႇ ဘရူၫနဲၩ့ကဲၬၥလံၬဆၧအီၪကီၪ့အဂး အဝ့ၫဂဲၪထဲၩ့လုထၪ့အၥၭႇ ဒဲ လၧၥၫ့ဎွၩအဖၫ့ခိၪဆ့ အဝ့ၫဂဲၫထဲၩ့အီၪက့ၪထၬၥီၫကၠဲၪဂ့ၩဘၪစဲၪအကၠီၩ့ ၥၫ့ဎွၩစံၭခိးစံၭတၩဘၪ အ ဝ့ၫအဂဲးႇ လၧဆၧအီၪကီၪ့ဖိၪလဖၪကၠၧၫ့ကၠၧၫ့ ဘဲၫကၫဒံၫနဲၫအနးၥၭ ကထဲၩ့အီၪဘၪလၧကဆါယွၩ အခၪ့ထံၭအဂး ၥၫ့ဎွၩအၪ့ကံၩ့ဘၩဆိၪဖၪအ့ၪအဂဲးႇ ကၫဒံၫနဲၫအဂး ၦလၧအၥၭအုၭဝ့ၫဒၪလဖၪ အ ဂးဆ့ ဘဲၫကဒိၭန့ထၪ့ဘၪ ယဆါယ့ၫရူၬဎြံၬ အဆၧဖ့ၪဂဲးဖ့ၪဘၭဒဲ ဆၧမုၬဆၧၡူၪအဂး ၥၫ့ဎွၩဆိၪ ဂ့ၩဆိၪဘွၩဝ့ၫဒၪဒံၭအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ