လွဲၫ့ကီၫဆၧအီၪကီၪ့ စံၫ့ပံၫတၧၫ့ဆၧကဲၪထၪ့ ဘိၪ့ခိၪၥၫ့ခၫကၠီးအဖၧၩ့ ပယၩ့ၥုၭလဖၪ လ့ၩခၭဆၧအထီ ၦလဂၩၥံၫဝ့ၫဒၪအဂဲး

လၧကယၩဆၨၩခးဒီၪ့ လွဲၫ့ကီၫဝံးႇ နၫနၬတီၩဝၩ့ဒီၪ့ႇ စံၫ့ပံၫတၧၫ့ဆၧကဲၪထၪ့ဘိၪ့ခိၪၥၫ့ခၫကၠီး လးဝၩ့အဖၧၩ့ လၧလၩမ့ၫ၂၉ၥၫ့ မုဆၫ၁နၩရံၫအခံၫ့အိၩ ပယၩ့ၥုၭလဖၪနုၬလၩ့ခၭဆၧအကၠီၩ့ ၦလဂၩ ဘၪၥံၫဝ့ၫဒၪနီၪလီၫႉ

ၦလၧအၥံၫဝ့ၫဒၪနီၪ အီၪလၧ နၫနၬတီၩဝၩ့ဒီၪ့ ယ့ၫယိၫတဝၫ့ ၦလၧအဂဲၪဎဲၪ့အီၪအၥၭလဂၩ မွဲဝ့ၫ  အၥၭအီၪဝ့ၫဒၪ၅၀ မၩ့ဖရ့ၫယဲၫနီၪလီၫႉ လၧစံၫ့ပံၫတၧၫ့ ဆၧကဲၪထၪ့ ဘိၪ့ခိၪၥၫ့ခၫကၠီးဖၧၩ့နီၪ ၦၡၩလ့ၩဒုၭအီၪထၬ ၦၥၭၡါလဖၪႇ ၦမုၪလဖၪႇ ဖိၪၥၪဆံၭလဖၪဒဲ နးခီၪ့မိၡါလလၧၫ့ဎွ့ၩဘၪ ၦလဖၪ နီၪဂီၩ့ ဆၧအလးယီၩ မွဲလၧၦကၪဂဲၩဖိၪၥံၪ ဂဲၫအီၪဒုၩၥၭလးနီၪ ဘဲၫၡၩကၥ့ၪယၫအဂး လၧကၠီးအမ့ၬ ယၫနီၪ ဆ့ၭထုၪ့လၩ့ထၬ နိၪယါလၪအဘွၩဒဲ ကဲၬၥလံၬဆၧအီၪကီၪ့အနိၪတၧၩ့ယါလဖၪနီၪလီၫႉ

အဝ့ၫၥံၪနဲၪဖျီၪထၬဆၧနဲၪ့ဘဲၫနီၪလါနၫ့ဂ့ၩ ပယၩ့ၥုၭလၧအအၧၩ့အၥၫ့လဖၪနီၪ ဖုၫဖၭလိးထနါ ဂီၩ့ နုၬလၩ့ခၭဆၧလၧ ဆၧအခီၫပယီၫလအီၪဘၪနးမံၩ့ဖၧၩ့အဂဲး ပၥ့ၪယၫဘၪနီၪလီၫႉ

နးအဲၪဖီၫဘွၩ