လံၬဖျိၩ့ ဆရၫႇမုၪလဖၪ ဘၪထၪ့ G1,G2,G3 ၥဖၠးအဂဲး

၂၀၂၃နံၪ့လၩအ့ၫဖြ့ၫ၃ၥၫ့ထီၩ့စိၩလၧ၇ၥၫ့နီၪ အ့ၫယၫဝတံၫခးဒီၪ့ ၦဖျိၩ့ဆၨၩလံၬလဲဒဲ ဆၧးဎံၫဆၧးလၩ ခမံတံၫ လ့ၩခိၪလ့ၩနါ ဂီၩ့ ဖ့ၪလၫ့အ့ၪလံၬဖျိၩ့ဆရၫႇမုၪလဖၪ ဘၪထွ့ၫလၧ G1, G2 ဒဲ G3 လံၬဖျိၩ့ဆၧမၩလိၪလဖၪအဂးၥဖၠးနီၪလီၫႉ ၥဖၠးနီၪဘၪဆၧမၩဝ့ၫဒၪ လၧ ဒိၩ့ပၥံၫ့ မယၩ့ခၠီၩ့နီၪလီၫႉ

ၦအၥီၪ့လံၬဖျိၩ့ဆရၫႇမုၪလဖၪယီၩနီၪ ဘၪနုၬလၩ့ၥီၪ့ဝ့ၫလၧ ဆၧမၩလိၪလးဖၧၩ့လါနၫ့ ဘၪၥီၪ့ဝ့ၫဒၪအခံၫ့နီၪ လမွဲဘၪ ဆၧမၩ လိၪထၪ့အခံၫ့ဒဲ မွဲဒၪလၧဆၧမၩလိၪလစၭထၪ့ဒံၭဘၪအထီ အ့ၪလမွဲဘၪဘိၭ ဆၧမၩလိၪဖျါလၩ့အထီနီၪလီၫႉ ၦအၥီၪ့လံၬဖျိၩ့ ဆရၫႇမုၪလဖၪနီၪ အီၪနံၫမံၩ့နီၪ ကိၭဝ့ၫလၧ TA ဒဲ LT နီၪလီၫႉ TAဆရၫႇမုၪလဖၪနီၪ မွဲလၧၦဒိၪဆရၫႇမုၪဒဲ အဝ့ၫၥံၪနီၪ ဘၪၥီၪ့ထဲး ၦဒိၪအလံၬလဲလဖၪဒဲ LT နီၪဘိၭ ၦလၧအဘၪၥီၪ့လံၬဖျိၩ့ကမံၩ့လီၫ ဆရၫႇမုၪလဖၪနီၪလီၫႉ TAဆရၫႇမုၪလဖၪနီၪ လၩကဘံၪ့ လၩလံၩ့န့ ၁ကုၬ၃လၬဒဲ LT ဆရၫႇမုၪလဖၪနီၪဘိၭ လၩကဘံၪ့နီၪလၩလံၩ့န့၆လၬနီၪလီၫႉ

 ၥဖၠးကဘျၩ့ယီၩ အ့ၫယၫဝတံၫခးဒီၪ့ဖၧၩ့ ဝံၪ့ဒီၪအီၪဝ့ၫဒၪ ၂၆ဒီၪ့အကျၩ ဂဲၫထၪ့ဝ့ၫဒၪ ၂၄ဝံၪ့ဒီၪ့ဒဲ ဆရၫႇမုၪထီးလူၬ ဂဲၫထၪ့ ဝ့ၫဒၪ အဂၩ၈၀နီၪလီၫႉ

ၦလၧအဂဲၫဖ့ၪလၫ့ၥဖၠးဆရၫႇမုၪဖၭဒိၪလဖၪနီၪ မွဲဝ့ၫဒၪ ဆရၫမုၪ နော်သွဲလာထူး, ဆရၫမုၪနော်ဒဲနာဝင်း, ဆရၫမုၪ နော်ဂရီးထာထူး, ဆရၫမန်းပြည့်စုံ ဒဲ ဆရၫစောအယ်ကလူထူး လဖၪနီၪလီၫႉ