မီၫလမၠဲၫ့ဆၧအီၪကီၪ့ ၥၫ့ခိၪဒိၪအလးအဂး ၥၫ့ဎွၩဖရၫ့စံရွံထၪ့ဘၪ ဒိၩ့ပၥံၫ့ဆၧအီၪကီၪ့ ဘိၪ့ခိၪၥၫ့ခၫ FR.MAURICE ညွန့်ဝေ အဂဲး

နံၪ့၂၀၂၂နံၪ့ လၩဖ့ၫဘြ့ၫအ့ၫရံၫ ၂၂ၥၫ့ အဂၫလၩ့ ၅နၩရံၫခီၫအခံၫ့နီၪ ဘၫတံၫကၫ့ဆၧပရၧၫ့အဖၧၩ့ ဘိၭဘၪ ၥ့ၪယၫထၪ့ဝ့ၫဒၪ မီၫလမၠဲၫ့ဆၧအီၪကီၪ့အဂး လိၪဝ့ၫဒၪၥၫ့ခိၪဒိၪနီၪ ရွံထၪ့ဝ့ၫဒၪလၧ ဒိၩ့ပၥံၫ့ဆၧအီၪကီၪ့အဖၧၩ့ Fr. maurice ညွန့်ဝေ နီၪလီၫႉ

မီၫလမၠဲၫ့ ဆၧအီၪကီၪ့ ၥၫ့ခိၪဒိၪ raymond စောဖိုးရေ နီၪ အၥၭၡါထၪ့ဝ့ၫဒၪအကၠီၩ့ ဖီၪ့ထၪ့ဖံၭထၪ့ယွၩ အဆၧဖံၭဆၧမၩ လမိနၧၩ့လၧၩ့ဘၪတၭ လၧအဝ့ၫအလးနီၪ ကမိထံၭလၫ့ထဲၩ့ ၥၫ့ခိၪဒိၪအၥၫ့နီၪလီၫႉ ဆၧနီၪအကၠီၩ့ ဘဲၫယီၩၥၫ့ဎွၩဖရၫ့စံရွံထၪ့ထဲၩ့ ၥၫ့ခိၪဒိၪအၥၫ့ယီၩနီၪလီၫႉ

ၥၫ့ခိၪဒိၪအၥၫ့ Fr.maurice ညွန့်ဝေ ယီၩနီၪ အီၪဖျဲၪထၪ့ဝ့ၫဒၪလၧ ၁၉၆၂နံၪ့ လၩဇၫ့နွ့ၩရံၫ၂၃ၥၫ့နီၪလီၫႉ အဝ့ၫယီၩနီၪ မွဲ အ့ၫယၫဝတံၫခးဒီၪ့ႇ မၠီၩ့မၠၭဝံးဖိၪကဂၩနီၪလီၫႉ ၁၉၈၉ နံၪ့ လၩမၫၡၭ ၁၁ ၥၫ့နီၪ ကဲၪထၪ့ ဘိၪ့ခိၪၥၫ့ ခၫလဂၩနီၪလီၫႉ ဘၪထွ့ၪလၧ ဆၧဘိၪ့ဆၧဘၩဆၧမၩလိၪလဖၪအဂးနီၪ  အဝ့ၫယီၩလ့ၩထၪ့ထၬဝ့ၫဒၪလၧ ဝံးတခိၩ့ စံၫ့ဂၠိၩဇဲၭ ဆၧကဲၪထၪ့ဘိၪ့ခိၪၥၫ့ခၫလး ဒဲ ဘၪထွ့ၪလၧ doctorate in moral theology နီၪ ထၪ့ဝ့ၫဒၪလၧ ဝံးရိၩမၬ accademia alfonsiana လး နီၪလီၫႉ

အဝ့ၫယီၩကဲၪထၪ့ဘိၪ့ခိၪၥၫ့ခၫဂီၩ့ ၁၉၈၉-၁၉၉၂နီၪ အလးလၩ့ဝ့ၫဒၪလၧ မၠီၩ့မၠၭဆၧအီၪကီၪ့ႇ ၁၉၉၂-၁၉၉၇နီၪ အလးလၩ့ဝ့ၫဒၪလၧ ပြင်ဦးလွင် ဆၧကဲၪထၪ့ဘိၪ့ခိၪၥၫ့ခၫလး ဘဲၫၦအဘၪၥီၪ့လံၬဆရၫကဂၩအၥိၭႇ ၂၀၀၂-၂၀၀၃နီၪ အလးလၩ့ဝ့ၫဒၪလၧ ဒိၩ့ပၥံၫ့ဆၧအီၪကီၪ့ႇ ၂၀၀၃-၂၀၀၄ အလးလၩ့ဝ့ၫဒၪလၧ ဒိၩ့ပၥံၫ့မယၩ့ခၠီၩ့ႇ ၂၀၀၅-၂၀၀၁၃ အလးလၩ့ထဲၩ့ဝ့ၫဒၪလၧ ဝံးပၥံၫ့စံၫ့ပံတၧၫ့ ကၥံၫဒြဲၫၥရိၬလးဝၩ့ဖၧၩ့ႇ ၂၀၁၃-၂၀၁၉ နီၪ ဘၪဖီၪ့ ထၪ့ဖံၭထၪ့ဝ့ၫဒၪ ကဲၬၥလံၬၥၫ့ခိၪဒိၪခရၧၫ့နဲၩရွဲၩလဂၩမူၩဒၩဂီၩ့ ဘဲၫယီၩနီၪအလးလၩ့ဝ့ၫဒၪလၧ မၠီၩ့မၠၭဆၧအီၪကီၪ့ နီၪလီၫႉ

နးအဲၪဖီၫဘွၩ

၂၃ႉ၂ႉ၂၀၂၂