ဘိၪ့ခိၪၥၫ့ခၫလၧ အနုၬလၩ့ဂဲၩ့ဝၭလၧ ၦဒိၪအဆၧဖံၭဆၧမၩဖၧၩ့လဂၩနီၪ ဘၪထိးအီၪပထုၬခွံၬ ဘိၪ့ခိၪၥၫ့ခၫအဆၧဖံၭဆၧမၩ လဆိၩယၫအဂဲး

ဖံလံပဲၫ့ထံၫခးႇ Bicol ခးရ့ၫအဖၧၩ့ ကဲၭၥလံၬဘိၪ့ခိၪၥၫ့ခၫလဂၩနီၪ ဘၪထိးအီၪပထုၬခွံၬ ကဖီၪ့ထၪ့ဖံၭထၪ့ကဆါယွၩအဆၧဖံၭဆၧမၩလဆိၩယၫအဂးနီၪလီၫႉ

ဘၪန့လဲၪနီၪ လၧၦဒိၪအဆၧဖံၭဆၧမၩလဖၪအဖၧၩ့ အဝ့ၫနုၬဂဲၩဝၭဝ့ၫဒၪ ဂ့ၩဘၪစဲၪ့အကၠီၩ့နီၪ လီၫႉ ဘိၪ့ခိၪၥၫ့ခၫနီၪမွဲဝ့ၫဒၪလၧ Granwell Pitati ဂီၩ့ အဝ့ၫနီၪအမူၩဒၩလၩ့လၧ Libmananနီၪ လီၫႉ မိဆၧအီၪကီၪ့အၥနိၫ့ဖၧၩ့ ကဲၭၥလံၬဘိၪ့ခိၪၥၫ့ခၫလဖၪနီၪ လၧထံၪဂဲးခးဂဲးဖၧၩ့ အၪ့န့ထၪ့အ လးအလၩဂီၩ့ နုၬလၩ့ဂဲၩဝၭဝ့ၫလန့ဘၪနီၪလီၫႉ

ဘၪထွ့ၪလၧဘိၪ့ခိၪၥၫ့ခၫအယီၩ ၥၫ့မုၥၫ့ခၫအမူၩဒၩအဖၫ့ခိၪ ဘၪထိးအီၪပထုၬခွံၬအၥၭနီၪ ၥၫ့ခိၪဒိၪJose RoJasစံၭဘၪဝ့ၫ “ဘၪထွ့ၪလၧဆၧအဂဲးယီၩနီၪ လၧကၫနိၪၥနိၫ့အဖၧၩ့ လီၩထၬဝ့ၫ ပျၩ့ပျၩ့လဲလဲအဂဲးႇ ၂၀၂၂နံၪ့ကိ လၧlibmananလးဝၩ့ဖၧၩ့ ဝံးအဎိၩထုၬ Camarines surဝံးအဂး ၦၡၩကရွံထၪ့ ဝံးခိၪဒိၪအဆၧရွံအၪ့ထုၫ့အဖၧၩ့ ဘိၪခိၪၥၫ့ခၫနီၪ ကနုၬလၩ့ပြၧၩ့ဝ့ၫဒၪလၧ ဝံးခိၪဒိၪအ လးအလၩအဂးအဂဲးႇ ဆၧနီၪအကၠီၩ့ ၥၫ့ခၫအယီၩနီၪ ဘၪထိးအီၪပထုၬခွံၬအၥၭ လၧဘိၪ့ခိၪၥၫ့ခၫ လဂၩအဆၧဖံၭဆၧမၩဖၧၩ့ လဆိၩယၫအဂဲးႇ ဆၧဘိၭဘၪၥ့ၫယၫထၪ့ဆၧယီၩ မွဲထုၬထၪ့ဝ့ၫဒၪလၧ လၩအီၭတိၫဘၧၫ့ (၂၂) ၥၫ့ဒၪအိၩအဂဲးႇ လၧဆၧဘိၭဘၪၥ့ၪယၫလံၬနီၪအဖၧၩ့ ဘၪထွ့ၪလၧၥၫ့ခၫယီၩ အကၠီၩ့ လခဲၫ့ကဲၪထၪ့ဝ့ၫဒၪဆၧအဂဲးလဖၪနီၪ မွဲလဘၪထွ့ၪလၧၩ့ဘၪလၧ မိဆၧအီၪကီၪ့ယီၩအဂဲးႇ အဂုအိၩအဝ့ၫဂဲၫထဲၩ့ဖီၪ့ထၪ့ဖံၭထၪ့ထၬ ခီၫ့ၡၩအဆၧဖံၭဆၧမၩလဖၪဆ့ မွဲမၩဝ့ၫလန့လၧၩ့ဘၪအဂဲးႇ ကမွဲဒၪဆၧအဂဲးနးမံၩ့ ၥိၩ့မိဆၧအီၪကီၪ့အမံၩ့ လန့လၧၩ့ဘၪအဂဲးႇ လကၭဒံၭဘၪ မိဆၧအီၪကီၪ့ ယီၩဂဲၫထဲၩ့ဎိၭဒီၪထၪ့ ၦအၡၫ့အယၬဖိၪလဖၪအဆၧၥၭမၧၫ့ ကထၪ့ထီၫအဂးဆၧဖံၭဆၧမၩနီၪဆ့ မွဲလဘၪထွ့ၪလၧၩ့ဘၪလၧအဝ့ၫအဂဲးႇ ဆၧအီၪပထုၬခွံၬဆၧအယီၩနီၪလမွဲဘၪဆၧအီၪပထုၬခွံၬ ဘိၪ့ ခိၪၥၫ့ခၫလဂၩအဆၧကဲၪဂီၩ့ မွဲဒၪလၧအီၪပထုၬခွံၬ ဘိၪ့ခိၪၥၫ့ခၫလဂၩအမူၩဒၩလဖၪအဂဲးႇ ဘဲၫယီၩ ၥၫ့ခၫနီၪ မွဲဘိၪ့ခိၪၥၫ့ခၫလဂၩအမူၩဒၩလအီၪလၧၩ့ဘၪအကၠီၩ့ လၧထံၪဂဲးခးဂဲးအဂး ဆၧပဒၩ့ထၬ လအီၪလၧၩ့ဘၪနးမံၩ့အဖၧၩ့ ဂဲၩဝၭထၪ့ဝ့ၫန့ယူၭအဂဲး ၥၫ့ခိၪဒိၪနီၪစံၭဝ့ၫဒၪနီၪလီၫႉ

နးအဲၪဖီၫဘွၩ

၂၃ႉ၁၀ႉ၂၀၂၁