ပကဘၪအၪ့ကံၩ့ဘၩဆိၪဖၪဆၧအၪအၪအဂး CBCM ဘၪပဂၨၪထၪ့ဝ့ၫအဂဲး

လၧနံၪ့၂၀၂၂နံၪ့ လၩယူၫ၇-၁၀ၥၫ့ဒၪအိၩ ခးပယၩ့ကဲၬၥလံၬၥၫ့ခိၪဒိၪခရၧၫ့ အီၪ့ကီၪ့ဎိၭလၩ့ကၠၭဆၧ နံၫဘျၩ့လဘျၩ့နီၪ လီၫႉ ဆၧအီၪကီၪ့ဂီၩ့ဝ့ၫကကၠၪ လၩယူၫ၁၁ၥၫ့နီၪ CBCM ထုၬထၪ့လံၬကဘံၪ့နီၪလီၫႉ

လၧလံၬနီၪအဖၧၩ့ ဆၫ့ထွ့ၪထၬၦဆူၩနဲၩဖိၪလဖၪ လၧဆၧၫ့ထီယီၩ ဘဲၫၥိၭကအၪ့ကံၩ့ဘၩဆိၪဖၪထၪ့ဆၧအၪအၪအဂး နီၪတၭ ၦလၧအဘၪလ့ၪခိၪလ့ၩနါ ဒိၩ့ပၥံၫ့ဆၧအီၪကီၪ့ခိၪနါ Fr.Henry Eikhlein ဆုးထဲၩ့ဆၫ့ထွ့ၪဘၪ ဒိၩ့ပၥံၫ့ဆၧအီၪကီၪ့ ၦဆူၩနဲၪဖိၪလဖၪ ဘဲၫယီၩနီၪမွဲလၧခးပယၩ့အဂး ဆၧဘၪလိၬအိၭလိၬဒဲ ဆၧဎူၫဆၧဎၩ့ကအီၪထၪ့အဂး လိၪဝ့ၫဒၪအၪအၪဒ့ၭ အကၠီၩ့ ဆၧဒုၪအၪ့ဒုၪအီၩဆၧလဖၪႇ ဆၧအၪ့ကံၩ့ဘၩဆိၪဖၪဆၧလဖၪနီၪ မၩထၪ့အၪနဲၪ့အဂုအိၩအဂး ဆၫ့ထွ့ၪဘၪဝ့ၫနီၪလီၫႉ အကၧၩ့ဒိၪထုၬ မွဲလၧ CBCM ထုၬထၪ့ထၬ လၩထၪ့စိၩထဲၩ့အဂုခိၪထုၬကၥၫ့နီၪ ထၪ့ကၠၭမံဆၩဆၧလုထၪ့ဒဲ ကိနံၩကိနၩဒ့ၭနီၫႉ ဝံကၠၭဘၪဖဲၫဆံၫ့ဎံၪအဂး မၩထၪ့ကၠၭဘၪလၧဆၧဆူၩနဲၩဖၭဒိၪဖၧၩ့အဂး Fr.Henry Eikhlein ဆုးထဲၩ့ဆၫ့ထွ့ၪဘၪ ဒိၩ့ပၥံၫ့ ဆၧအီၪကီၪ့ ၦဆူၩနဲၩဖိၪလဖၪ ကဆၫ့ဒီၭအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ