ဒိၩ့ပၥံၫ့ဖျိၩ့ၡိဘၧၩ့ထံၫဆရၫဒိၪ Revမန်းကျော်စိုးလတ် မံၫမၫထဲၩ့ဝ့ၫဒၪလၧ ကဆါဎြံၬအဂဲး

            လၧလၩစဲၭတံၫ့ဘၧၫ့၂ၥၫ့ အဂၫလၩ့၆နၩရံၫအခံၫ့နီၪ ဒိၩ့ပၥံၫ့ဖျိၩ့ၡိဘၧၩ့ထံၫ ဆရၫဒိၪRevမန်းကျော်စိုးလတ်နီၪ ၦၡၩ ထၪ့မၩၥံၫအကၠီၩ့ မံၫမၫထဲၩ့ဝ့ၫဒၪလၧကဆါဎြံၬနီၪလီၫႉ

       ၦလၧအမၩၥံၫအဝ့ၫနီၪထဲၩ့အၪ့ဂူၪန့ဆၧလနၩ့နၩ့ဂီၩ့ ထီးမုကနံၩယီၩကကၠၪမွဲၦၡၩလီၩ့ဖီၪ့အဝ့ၫလချုၭဒံၭဘၪနီၪလီၫႉ လၧ အဖီၩ့ခွံၬလၩစဲၭတံၫ့ဘၧၫ့၅ၥၫ့လဂီၩခီၫနီၪ ၦၡၩလ့ၩဘၧၩ့လၩ့ခွံၬအဝ့ၫအစွၫနီၪလီၫႉ အဝ့ၫယီၩနီၪ အီၪလၧအမိၡါက့ၭလဂၩႇ အမၫ ၥၭဘီၩ့လဂၩဒဲ အဖိၪမုၪအၥၭအီၪ၃နံၪ့ ဖိၪလဂၩနီၪလီၫႉ

     Revမန်းကျော်စိုးလတ်ယီၩနီၪ ၦၡၩၥ့ၪယၫအဝ့ၫအၪမၬဒဲ ဘဲၫၦဖျိၩ့နံၪ့ထၪ့ၥၫ့ဘိၪ့မုနံၩလဖၪအဖၧၩ့ အဝ့ၫယီၩ ဘၪအၪ့န့မူၩဒၩလၧၦပၧၩ့လးဆၫ့နၩ့နီၪလီၫႉ အဝ့ၫယီၩ ချဲၩ့ၥ့ၪလူၥ့ၪ ချဲၩ့မုၬဂ့ၩဘၪစဲၪတၭ အိၭလိၬၥၭလၧၦကိၭဂၩဒဲ အၥၭဂ့ၩၥၭဘွၩ အီၪအၪမၬနီၪလီၫႉ လကၭဒံၭဘၪ အဝ့ၫယီၩနီၪ မွဲဒံၭလၧၦအဘၪဎိၭထံၪဎိၭဒီၪ ဒိၩ့ပၥံၫ့ၦဎြံၬဖိၪဘၧၩ့ထံၪခီၩ့စၧၫ့ အဆၧထံၪလၩ့ဒီၪ လၩ့လဖၪႇ ဒိၩ့ပၥံၫ့ ဆၧဘိၪ့ဆၧဘၩထီးလူၬ အဆၧထံၪလၩ့ဒီၪလၩ့လဖၪႇ ၡၩခံးဂးဆၧထံၪလၩ့ဒီၪလၩ့လဖၪနီၪလီၫႉ အဝ့ၫယီၩ ကၠၧၩ့ဒၪအဝ့ၫ အဆၧဘိၪ့ဆၧဘၩဖိၪလမွဲဘၪ ၦဂူၫဂၩလၧအလိၪဘၪဆၧမၩဆၧၩ့လဖၪအဂးဆ့ မွဲဂဲၫထဲၩ့မၩဆၧၩ့အ့ၪဝ့ၫ ကိၭမံၩ့ နီၪလီၫႉ

        မွဲလၧၦအအၧၩ့အၥၫ့ကဂၩအကၠီၩ့ ၦအဂ့ၩအဘွၩကဂၩဘၪဖ့ၪလၫ့ခွံၬအၥၭနီၪ ပၥၭအုၭဝ့ၫဒၪနၬမၬနီၪလီၫႉ

နးအဲၪဖီၫဘွၩ