ဒိၩ့ပၥံၫ့ဆၧအီၪကီၪ့အဂး မံၭထၭမုၪအၥၫ့န့ထၪ့ဝ့ၫ ၁၀ ဂၩအဂဲး

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ၦဆံၫ့ဎံၪ ဖရၫ့စ့ၭဇ့ၩပံၩယဲမံၭထၭမုခယၧၫ့အဂး ယွၩယ့ၪအ့ၪအခိးအတၩအဎိၩဒိၪ မုနံၩအလၩ့ဆၫ့မွဲဝ့ၫဒၪနီၪလီၫႉ လၧလယံၭလမီဒံၭဘၪအထီအိၩ အမ့ၫရံၫ့ခးဒိၪဘိၭဘၪၥ့ၪယၫထၬဝ့ၫ ၦအဂံၪ့အဎၫ့ လအီၪဘၪလဖၪအဂး ကဎိၭဒီၪအ့ၪဝ့ၫဂံၪ့ဎၫ့လဖၪဒဲ ဆၫအၪ့ဆအီၩလဖၪအဂဲး ဆၧဘိၭဘၪၥ့ၪယၫနီၪအမ့ၫရံကၫ့ကဲၬၥလံၬၥၫ့ကိၪဒိၪလဖၪထိးဆၧၫ့ကၠၭဝ့ၫနီၪလီၫႉ ဘၪမနီၪလဲၪစွါဘဲၫမကဲၪထၪ့မံၭထၭမုၪအၥၫ့အီၪဝ့ၫ (၁၀)  ဂၩတၭ မံၭထၭမုၪအၥၫ့ (၁၀)  ဂၩယီၩ လၧငွၩအဆၧကိၭအလူအဖၫ့ခိၪကိၭဆၧၫ့ထဲၩ့ဝ့ၫဂီၩ့ ကဖီၪ့ထၪ့ဆၧဖံၭဆၧမၩလၧ ယွၩအဆၧအၪ့မၧၫ့လၩ့အလးဖၧၩ့အဂး မွဲဝ့ၫဒၪနီၪလီၫႉ ၦဆံၫ့ဎံၪဖရၫ့စ့ၭ ဇ့ၩပံၩယဲ မံၭထၭမုၪခရၧၫ့ဖၧၩ့ၦကဲၪထၪ့မံၭထၭမုၪ အၥၫ့လဖၪနီၪ မွဲဝ့ၫဒၪ

၁ႉ ဒိၩ့ပၥံၫ့ထံၫဂုၥၫ့ဆၧအီၪကီၪ့လၭပိၭတၫ ဝံးဒီၪ့ (ရွှေပြည်သာ) တဝၫ့လးဖၧၩ့ ဖါဖါ မၩ့ဖရၫ့စ့ၭဒဲ မိမိဂါတံၪ့ဝ့ၩ့ အဖိၪမုၪ စစ္စတာရ်  ခရံၬစတံၩနၩ ဇၫလံၪမိၩႉ

၂ႉ မၠ့ၭကၠံၩနၩ အၫလၫ့ဆၧအီၪကီၪ့ အၫလၫ့ တဝၫ့လးဖၧၩ့ ဖါဖါ မၩ့လဒၪ့ဒဲ မိမိ အဲၫ့စတဲၫ ခီၫ့နၩ့ အဖိၪမုၪ စစ္စတာရ် မ့ၫရံၪလဒၫ့ ဒီၪနီၫႉ

၃ႉ  ပမီၫဆၧအီၪကီၪ့ မိမီး ဝံးဒီၪ့ဖၧၩ့ ဖါဖါ မၩ့ပီၩလု မံတုၪ့တၫ့ဒဲ မိမါ ဂါရိၪဇၩ မရၫ့မါဘူ အဖိၪမုၪ စစ္စတာရ်  ရိၪဇၩ မံတုၫ့ ခီၫနူႉ

၄ႉ  မၠ့ၭကၠံၩနၩ အၫလၫ့ဆၧအီၪကီၪ့ ဒွၫ့ဂၫ့ တဝၫ့လးဖၧၩ့ ဖါဖါ မၩ့ယၫကုၬလဘူ မုရၫဒဲ မိမိ ဂါမ့ၫရံၫတဲၩ့လွၩ့ လုဘူအဖိၪမုၪ စစ္စတာရ် မိရံၩလဘူ ကဲၫထွၫႉ

၅ႉ မၠ့ၭကၠံၩနၩ ဆၧအီၪကီၪ့ ဖၩကးဆံၭမူတဝၫ့လးဖၧၩ့ ဖါဖါ မၩ့ပံၭထရံၭ အၫ့ခွၫ့လဝီၫဒဲ မိမါ ဂါမ့ၫရံၫ ရွၧၫတီၫ့ အဖိၪမုၪ စစ္စတာရ်  ထရ့ၫဇၩ အံၪခွဲၫ ဆဲၩ့မဲၫႉ

၆ႉ မၠ့ၭကၠံၩနၩ ၡံၫပွ့ၫယၫ့ ဆၧအီၪကီၪ့ နၩ့ယွၩ ဝံးဒီၪ့ဖၧၩ့ ဖါဖါ မၩတ့ၫအူ မီၫ့ကၫ့ဒဲ မိမိဂါမ့ၫရံၫ ဝွၩ့ၡၫ့ အဖိၪမုၪ စစ္စတာရ် မ့ၫရ့ၫမ့ၫဆဲၩ့ရွၫႉ

၇ႉ မၠ့ၭကၠံၩနၩ လဝၩ့ဆၧအီၪကီၪ့ မဂၠံၫဘွၩ တဝၫ့လးဖၧၩ့ ဖါဖါ မၩ့ပီၩလု ဒလၫ့ လအီၫ့ဒဲ မိမိဂါမ့ၫရံၫ ခလဲၫ့ကဲၫဂၠၩ အဖိၪမုၪ စစ္စတာရ် မ့ၫရံၫ ဒလၫ့ဆဲၩ့ခၩ့ႉ

၈ႉ မၠ့ၭကၠံၩနၩ မိကီၩ့ဆၧအီၪကီၪ့ ဆၩမီၫ့ဝံးဒီၪ့လးဖၧၩ့ ဖါဖါ ပံၫတဲၫဒဲ မိမိမၫရံၫယၩ ဂါငၩဂၠၫအီၫ့ အဖိၪမုၪ စစ္စတာရ် မၫရံၫယၩ လဖဲၫ့ဆဲၩဘူႉ

၉ႉ ပၩ့မီၫဆၧအီၪကီၪ့ နၩ့လဲၫ့တဝၫ့လးဖၧၩ့ ဖါဖါ ပဲၭထရံၭ လီခ့ၫဒဲ မိမိဂါ မၫရံၫယၩလထီၫနၫ့တီၫ့ အဖိၪမုၪ စစ္စတာရ် ဂၠူၩစတံၩနၩ ရွဲၫဂၠၩႉ

၁၀ႉ မၠ့ၭကၠံၩနၩဆၧအီၪကီၪ့ တနဲၩဝံးဒီၪ့ နၩ့ယွၩ့ဝံးဖၧၩ့ ဖါဖါ မၩ့ယိဟၫ့ လၩ့ဆဲၩ့ဒဲ မိမိဂါအ့လံဇဘဲၭ ဂါစုမူ အဖိၪမု စစ္စတာရ်  အ့ၫလံဇဘဲၭ ရံရံၥွၩ့ ၥံၪနီၪလီၫႉ

ၦကဲၪထၪ့ဖရၫ့စ့ၭဇ့ၩဘံၩယဲ မံၭထၭမုၪ အၥၫ့ (၁၀) ဂၩယီၩ အၪ့န့ထၪ့ဆၧအုၩ့လၩ့ (၃)  မံၩ့လၧ ကဆါယွၩအမ့ၬယၫ ဒိၩ့ပၥံၫ့ ၥၫ့ခိၪဒိၪ ဂၠိၫ့မၩ့ဆံၫ့ဎံၪ အမ့ၬယၫ ဖရၫ့စ့ၭ ဇ့ၩဘံၩယဲ မံၭထၭမုၪ ခရၧၫ့ ပၧၩ့လးဆၧၫ့နၩ့ခိၪနါ မၫၥၧၫ မၫရံၫယၩ ကၠ့ၪထ့ၩ အမ့ၬယၫဒဲ ၦၡၩၥံၪအမ့ၬယၫနီၪလီၫႉ ဘဲၫအဝ့ၫၥံၪ အဆၧအုၩ့လၩ့ယီၩ ကအီၪဂုးခၧၫ့ဖီၪ့ထၬဝ့ၫ ကန့လၧအဆၧၥၭမၧၫ့ ထၧၫ့တီယၫအဂး ဒဲဖီၪ့ထၪ့ဖံၭထၪ့ယွၩ အဆၧဖံၭဆၧမၩကနၧၩ့ဝ့ၫဒၪလၧဆၧမုၬလၩၥၭဎွံၪဖၧၩ့အဂး ပကနၪ့ထၪ့အ့ၪ ပဆၧမၩဆၧၩ့လၧ ပဆၧဘၩဆိၪဖၪဖၧၩ့ကိၭဒံၩကိၭဂၩလါဆံၭႉ